6 aqpan. Tulǵalar týǵan kún
Búgin, 6 aqpan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
72 jyl buryn (1952) qoǵam qaıratkeri Ábilǵazy Qalıaqparuly QUSAIYNOV dúnıege keldi.
Qaraǵandy oblysynda týǵan. 1971 jyly Qaraǵandy taý-ken tehnıkýmynyń taý-ken fakýltetin tehnık-shahta salýshy mamandyǵy boıynsha, 1981 jyly Qaraǵandy polıtehnıkalyq ınstıtýtynyń avtojol fakýltetin ınjener-mehanık mamandyǵy boıynsha, 1992 jyly Reseı basqarý akademııasynyń saıasattaný fakýltetin saıasatker (áleýmettik-saıası máseleler jáne baılanys boıynsha keńesshi) mamandyǵy boıynsha bitirgen.
Eńbek joly: 1971 jyldan RKFSR Kemerov oblysy Sheregesh kenishiniń 5-shi razrıadtaǵy úńgileýshisi, 1972 jyldyn Keńes áskeriniń qatarynda qyzmette boldy. 1974 jyldan «Qaraǵandykómir» birlestigi «Dolınskaıa» shahtasynyń taý-ken sheberi, 1975 jyldan №2 taý-ken kásibı tehnıkalyq ýchılışesiniń sheberi, aǵa sheberi (Qaraǵandy qalasy), 1980 jyldan Qazaqstan Kompartııasy Kırov aýdandyq komıtetiniń nusqaýshysy, bólim meńgerýshisi, aýdandyq atqarý komıteti tóraǵasynyń birinshi orynbasary, Qaraǵandy oblystyq komıtetiniń ekinshi hatshysy, birinshi hatshysy qyzmetin atqardy. 1991 jyldan Qaraǵandy oblysy Memlekettik baǵa jáne monopolııaǵa qarsy saıasat komıtetiniń tóraǵasy, 1996 jyldan QR Parlamenti Senatynyń depýtaty, Zańnama jáne sot-quqyqtyq reforma komıtetiniń múshesi, 1999 jyldyń naýryzynan bastap QR Parlamenti Senaty tóraǵasynyń orynbasary, 1999 jyldyń jeltoqsanynan QR kólik jáne kommýnıkatsııalar vıtse-mınıstri, 2001 jyldan QR Kólik jáne kommýnıkatsııa mınıstrligi Avtomobıl joldary komıtetiniń tóraǵasy, 2002 jyldyń naýryzynan QR ekonomıka jáne saýda vıtse-mınıstri, 2002 jyldyń qyrkúıeginen QR ındýstrııa jáne saýda vıtse-mınıstri, 2003 jyldan QR Indýstrııa jáne saýda mınıstrligi Standarttaý, metrologııa jáne sertıfıkattaý komıtetiniń tóraǵasy (2004 jyldan Tehnıkalyq retteý jáne metrologııa komıteti) boldy.
2005 jyldan QR kólik jáne kommýnıkatsııalar birinshi vıtse-mınıstri, 2007 jyldyń qazanynan QR Kólik jáne kommýnıkatsııa mınıstrliginiń jaýapty hatshysy, 2009 jyldyń naýryzynan QR kólik jáne kommýnıkatsııalar mınıstri, 2012-2013 jyldary Qaraǵandy oblysynyń ákimi qyzmetin atqardy. 2013-2017 jyldary QR Kásipodaqtar federatsııasynyń tóraǵasy.
«Qurmet» ordenimen, «Qazaqstan Respýblıkasynyń Táýelsizdigine 10 jyl», «Qazaqstan Konstıtýtsııasyna 10 jyl», «Qazaqstan Parlamentine 10 jyl» medaldarymen, KSRO kómir ónerkásibi mınıstriniń Qurmet gramotasymen marapattalǵan.
69 jyl buryn (1955) kınorejısser, prodıýser, kınostsenarıst, akter Abaı Sádýaqasuly QARPYQOV dúnıege keldi.
Taldyqorǵan oblysynda týǵan. Máskeý memlekettik tarıh-muraǵat ınstıtýtyn, S.Gerasımov atyndaǵy Búkilodaqtyq memlekettik kınematografııa ınstıtýtynyń rejısserlik fakýltetin bitirgen.
Tuńǵysh qysqa metrajdy kórkem fılmi respýblıka jas kınematografısteriniń «Bastaý-83» baıqaý konkýrsynda úzdik shyqty. A.Qarpyqov otandyq alǵashqy «Toǵysqan taǵdyrlar», «Shegirtke» serıaldarynyń prodıýseri. Sondaı-aq «Poltory shtýkı», «Vlıýblennaıa rybka», «Vozdýshnyı potselýı», «Doroga dorogoı, dorogaıa», «Avtobýs v chas pık», «Bahyt. Pervaıa krov», «ıAsnovıdets Majıken», «Tot, kto nejnee», «Fara» fılmderin túsirgen.
64 jyl buryn (1960) Qazaqstan Respýblıkasy memleket jáne qoǵam qaıratkeri Baqytbek SMAǴUL dúnıege keldi.
Qyzylorda oblysynyń Qazaly aýdanynda týǵan. 1975-1978 jyldary Qazaly qalasyndaǵy 34-shi selolyq kásiptik-tehnıkalyq ýchılışeni qyzyl dıplommen bitirgen. 1979-1981 jyldary Sovet Armııasy qataryna shaqyrylǵan. Arnaıy daıyndyqtan ótkennen keıin 1979 jylǵy 27 jeltoqsanda Aýǵan Halyq Demokratııalyq Respýblıkasynda áskerı qyzmet atqarýǵa jiberilgen. 1981-1985 jyldary Almaty qurylys tehnıkýmyn ónerkásiptik-azamattyq qurylys mamandyǵy boıynsha bitirgen. 2000-2004 jyldary Ortalyq Azııa ýnıversıtetin zańger mamandyǵy boıynsha bitirgen. 2004-2008 jyldary ál-Farabı atyndaǵy Qazaq Ulttyq memlekettik ýnıversıtetin jýrnalıstıka mamandyǵy boıynsha bitirgen.
Eńbek joly: 1985-1989 jyldary Almaty qalasy Kalının aýdandyq qurylys-jóndeý basqarmasynyń ınjener-tehnıkalyq qadaǵalaýshysy. 1989-1995 jyldary shaǵyn kooperatıv dırektorynyń orynbasary. 1995-1996 jyldary Almaty qalasyndaǵy Ýaqytsha avtoturaq basqarmasynyń bastyǵy. 1996-1997 jyldary «Bolashaq» bazarynyń dırektory. 1997-1998 jyldary Almatydaǵy «Kók bazardyń» bas ákimshisi. 1998-1999 jyldary «Sálem» bazarynyń dırektory. 2000-2005 jyldary «Taıqazan Tehnoservıs» JShS bas dırektorynyń orynbasary. 2005-2011 jyldary Aýǵan soǵysy ardagerleri uıymdarynyń «Qazaqstan ardagerleri» qaýymdastyǵy tóraǵasynyń orynbasary, sambodan álemniń eki dúrkin chempıony Asqar Shaıhıev atyndaǵy Taekvando sport klýbynyń prezıdenti jáne «Saýap» qoǵamdyq qorynyń prezıdenti. 2012-2016 jyldary besinshi saılanǵan Qazaqstan Parlamenti Májilisiniń depýtaty.
Qazaly aýdanynyń «Qurmetti azamaty». II dárejeli «Aıbyn», «Qurmet», «Za zaslýgı», «Dolg ı chest» ordenderiniń kavaleri, Reseı Federatsııasynyń, Aýǵanstan Islam Respýblıkasynyń, Mońǵolııa Respýblıkasynyń medaldarymen jáne qurmet gramotalarymen marapattalǵan.
Taekvondodan V dan qara belbeý ıegeri. «Aýǵannyń ot jalyny», «Men kórgen soǵys», «Voına, kotorýıý vıdel ıa», «Qan keshken kúnder», «Namystyń quly – Alashtyń uly», «Qaharman», «Úsh qyrly jebe» kitaptarynyń avtory.
63 jyl buryn (1961) Qazaqstan Respýblıkasy Qarýly Kúshteri joǵary qolbasshylyǵynyń ókili, general-maıor Ádilbek Qalıbekuly ALDABERGENOV dúnıege kelgen.
Shyǵys Qazaqstan oblysynda týǵan. 1984 jyly Rıazan joǵary áýe-desanttyq komandalyq ýchılışesin, 1996 jyly M.V.Frýnze atyndaǵy Áskerı akademııany syrttaı bitirgen.
Eńbek joly: 1984-1988 jyldary Orta Azııa áskerı okrýgi áskerleri qolbasshysynyń qaramaǵyna jiberilip, 42610 áskerı bólimniń arnaıy jasaqtalǵan tobynyń komandıri Prıkarpat áskerı okrýgi 186-shi arnaıy maqsattyǵy jeke jasaq tobynyń komandıri, Ortaazııa áskerı okrýgi 71170 áskerı bóliminiń arnaıy jasaqtalǵan otrıady arnaıy jasaqtalǵan tobynyń komandıri, Germanııadaǵy keńes áskerleri toby p.p. 83149 áskerı bóliminiń arnaıy jasaqtalǵan otrıady arnaıy jasaqtalǵan tobynyń komandıri boldy. 1988-1997 jyldary Germanııadaǵy keńes áskerleri toby 83149 áskerı bóliminiń arnaıy jasaqtalǵan otrıady arnaıy jasaqtalǵan rotasynyń komandıri, 21208 áskerı bólimi arnaıy jasaqtalǵan otrıad komandıriniń orynbasary – shtab bastyǵy, Prıvolje-Oral áskerı okrýgi arnaıy jasaqtalǵan brıgadasy arnaıy jasaqtalǵan otrıad komandıriniń orynbasary – shtab bastyǵy, QR QM-niń qaramaǵynda, jeke gvardııalyq áýe-desanttyq brıgadasynyń parashıýt-desanttyq batalony komandıriniń orynbasary, jeke gvardııalyq áýe-desanttyq brıgadasynyń parashıýt-desanttyq batalon komandıri, jeke gvardııalyq desanttyq-shabýyl brıgadasy komandıriniń orynbasary – shtab bastyǵy, 1997-2004 jyldary jeke gvardııalyq desanttyq-shabýyl brıgadasynyń komandıri, Utqyr kúshter qolbasshysynyń birinshi orynbasary – shtab bastyǵy, 14776 áskerı bólim basqarmasynyń bastyǵy, Utqyr kúshter qolbasshysynyń orynbasary Utqyr kúshter qolbasshysynyń birinshi orynbasary – shtab bastyǵy, 2004-2007 jyldary «Batys» aımaqtyq qolbasshylyǵy áskerleri qolbasshysynyń birinshi orynbasary – shtab bastyǵy, 2007-2009 jyldary «Shyǵys» aımaqtyq qolbasshylyǵy áskerleri qolbasshysynyń birinshi orynbasary – shtab bastyǵy, 2009-2013 jyldary 14776 áskerı bólimniń komandıri, QR Aeroutqyr áskerleriniń qolbasshysy, 2013-2016 jyldary QR QK Qurlyqtaǵy áskerler shtabynyń bastyǵy – Bas qolbasshynyń birinshi orynbasary, 2016-2021 jyldary Qazaqstan Respýblıkasy Qarýly Kúshteri Bas shtaby bastyǵynyń orynbasary boldy.
«Qyzyl juldyz», ІІ dárejeli «Aıbyn», ІІ dárejeli «Dańq» ordenderimen, medaldarmen nagradtalǵan.
56 jyl buryn (1967) Abaı oblysy ákiminiń orynbasary Shalqar Zamanbekuly BAIBEKOV dúnıege keldi.
Semeı (qazirgi - Abaı) oblysynda týǵan. Qazaq memlekettik basqarý akademııasyn bitirgen, ekonomıst, Qazaq memlekettik zań akademııasyn bitirgen, zańger.
Eńbek joly: 1988-1990 jyldary Semeı oblysy Jańasemeı aýdandyq ınspektsııasynyń aǵa ınspektory, 1990-1999 jyldary Semeı qalasy boıynsha salyq ınspektsııasynyń qyzmetkeri, 1999-2002 jyldary Pavlodar qalasy boıynsha Salyq komıteti tóraǵasynyń orynbasary, tóraǵasy, 2002-2014 jyldary Astana qalasy boıynsha Salyq komıteti tóraǵasynyń orynbasary, Astana qalasy, Qaraǵandy oblysy boıynsha Salyq komıtetiniń tóraǵasy, Qazaqstan Respýblıkasy Qarjy mınıstrligi Salyq komıtetiniń Uıymdastyrýshylyq qamtamasyz etý basqarmasynyń bastyǵy, Salyq departamentiniń bastyǵy, 2014-2017 jyldary QR Prezıdenti Ákimshiliginiń memlekettik baqylaý jáne uıymdastyrý-aýmaqtyq jumys bóliminiń memlekettik ınspektory, 2017-2019 jyldary Shyǵys Qazaqstan oblysy ákiminiń orynbasary, 2019-2022 jyldary Shyǵys Qazaqstan oblysy Besqaraǵaı aýdanynyń ákimi.
2022 jyldyń shildesinen bastap qazirgi qyzmetinde.
46 jyl buryn (1978) Abaı atyndaǵy Qazaq ulttyq pedagogıkalyq ýnıversıtetiniń rektory – basqarma tóraǵasy Bolat Anapııauly TІLEPOV dúnıege keldi.
Kentaý qalasynda týǵan. Ál-Farabı atyndaǵy Qazaq ulttyq ýnıversıtetin saıasattanýshy, saıasattaný oqytýshysy mamandyǵy boıynsha támamdaǵan.
Eńbek joly: 2001-2005 jyldary «Strategııa» taldaý ortalyǵy» qoǵamdyq qorynyń sarapshysy, Áleýmettik-saıası zertteýler ǵylymı-zertteý ınstıtýtynyń ǵylymı qyzmetkeri, Saıası tehnologııalar ortalyǵynyń aǵa ǵylymı qyzmetkeri bolyp jumys istedi.
2005-2006 jyldary Almaty qalasy ákimi apparatynyń Qazaqstan halqy kishi assambleıasy meńgerýshisiniń mindetin atqarýshy, hatshylyq meńgerýshisi. 2008 jyly Almaty qalasy Іshki saıasat departamenti dırektorynyń orynbasary, Іshki saıasat basqarmasy basshysynyń orynbasary qyzmetin atqardy. 2008-2013 jyldary Astana qalasy Іshki saıasat basqarmasy basshysynyń orynbasary, basshysy.
2013-2014 jyldary «Astana qalasynyń Іshki saıasat basqarmasy» MM basshysy. 2014-2015 jyldary QR Qorǵanys mınıstrliginiń Ákimshilik departamenti basshysynyń orynbasary, 2015-2016 jyldary QR Premer-Mınıstri orynbasarynyń keńesshisi, 2017-2019 jyldary QR Reseı Federatsııasyndaǵy Elshiliginiń keńesshisi, 2019-2020 jyldary QR Prezıdenti Ákimshiliginiń memlekettik ınspektory bolyp jumys istedi.
2023 jyldyń qyrkúıek aıynan bastap qazirgi qyzmetinde.
