5 jeltoqsan. Tulǵalar týǵan kún

Búgin, 5 jeltoqsan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.

67 jyl buryn (1956) Qazaqstan Respýblıkasy Parlamenti Senatynyń depýtaty, Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń múshesi Muhtar Sabyruly JUMAǴAZIEV dúnıege keldi.

Aqtóbe oblysy Isataı aýdany Qobylandy aýylynda týǵan. Almaty maldárigerlik ınstıtýty, Almaty ekonomıka jáne statıstıka ınstıtýtyn bitirgen.

Eńbek joly: 1980-1985 jyldary – Aqtóbe oblysy Qobda aýdany «Qobda» keńsharynda zootehnık-selektsıoner, bas zootehnık; 1985-1990 jyldary – «Ilıch» ujymsharynyń partkom hatshysy; 1990-1994 jyldary – Qazaqstan KP Qobda aýdandyq komıteti uıymdastyrý bóliminiń meńgerýshisi, aýyl sharýashylyǵy basqarmasy bastyǵynyń orynbasary; 1994-1996 jyldary – «Serp ı Molot» ujymshary basqarmasynyń tóraǵasy; 1996-1997 jyldary – Isataı aýdanynyń ákimi; 1997-2006 jyldary – Qobda aýdanynyń ákimi; 2006-2007 jyldary – oblystyq avtomobıl joldary jáne jolaýshylar tasymaly basqarmasynyń bastyǵy; 2007-2010 jyldary – Qarǵaly aýdanynyń ákimi; 2010-2011 jyldary – Oıyl aýdanynyń ákimi; 2011-2014 jyldary – oblystyq aýyl sharýashylyǵy basqarmasynyń bastyǵy; 2014-2017 jyldary – Aqtóbe oblysy ákiminiń orynbasary.

Qazirgi qyzmetinde 2017 jylǵy maýsymnan.

Qazaqstan Respýblıkasynyń «Qurmet» ordenimen, «Eren eńbegi úshin» medalimen, sondaı-aq mereıtoılyq medaldarmen marapattalǵan.

59 jyl buryn (1964) QR Prezıdenti Arhıvi dırektorynyń orynbasary Roza Samıdollaqyzy KÁRІBJANOVA dúnıege keldi.

Torǵaı oblysynda dúnıege kelgen.

Qaraǵandy memlekettik ýnıversıtetin, Eýrazııa gýmanıtarlyq ınstıtýtyn, QR Prezıdenti janyndaǵy Memlekettik basqarý akademııasynyń Ulttyq memlekettik saıasat mektebin bitirgen.

Eńbek jolyn 1986 jyly Torǵaı oblysy Qıma aýdany Úki OM tarıh pániniń muǵalimi, tárbıe isi jónindegi meńgerýshisi bolyp bastady. 1988-1991 jyldary — Qıma aýdandyq komsomol komıtetiniń ekinshi hatshysy, Qazaqstan LKJO Torǵaı oblystyq komıtetiniń hatshysy. 1991-1994 jyldary — Semeı oblystyq jastar isi jónindegi komıtetiniń uıymdastyrý bóliminiń jetekshi mamany, basshysy. 1994-2000 jyldary — Semeı oblystyq jastar isi, týrızm jáne sport basqarmasynyń, Semeı qalasy Jastar, týrızm jáne sport komıtetiniń bas mamany, Semeı qalasy bilim, jastar jáne sport basqarmasynyń tárbıe jumysy jáne jastar saıasaty bóliminiń basshysy. 2000-2003 jyldary — QR Mádenıet jáne qoǵamdyq kelisim mınıstrliginiń Muraǵattar men qujattamany basqarý komıtetiniń jetekshi, bas mamany, bólim basshysy. 2003-2008 jyldary — QR Premer-Mınıstri Keńsesiniń Áleýmettik-ekonomıkalyq bóliminiń bas sarapshysy. 2008-2014 jyldary — QR Mádenıet mınıstrliginiń Mádenıet komıteti tóraǵasynyń orynbasary.

2014-2016 jyldary — Qazaqstan Respýblıkasy Bilim jáne ǵylym mınıstrliginiń Jastar isi jónindegi komıtetiniń tóraǵasy, Jastar saıasaty departamentiniń dırektory. 2016-2019 jyldary — QR Aqparat jáne qoǵamdyq damý mınıstrliginiń Іshki ákimshilendirý departamentiniń dırektory. 2019-2020 jyldary — «Rýhanı jańǵyrý» qazaqstandyq qoǵamdyq damý ınstıtýty» KEAQ Basqarma tóraǵasynyń orynbasary. 2020-2022 jyldary QR Prezıdenti Ákimshiliginiń Іshki saıasat bóliminiń sektor meńgerýshisi bolyp jumys istedi. 2022-2023 jyldary – QR Mádenıet jáne sport mınıstrligi Mádenıet komıtetiniń tóraıymy.

Qazirgi qyzmetin 2023 jyldyń mamyr aıynan beri atqaryp keledi.

57 jyl buryn (1967) Qaraǵandy qalasy Álıhan Bókeıhan aýdany ákiminiń orynbasary Bereket Janábiluly JAINAZAROV dúnıege keldi.

Qyzylorda oblysy Aral aýdanynda dúnıege kelgen.

1994 jyly Qaraǵandy memlekettik ýnıversıtetin «Qarjy jáne nesıe» mamandyǵy boıynsha bitirgen.

Eńbek jolyn 1994 jyly Qyzylorda oblysynyń Aral fermasynda bastaǵan.

1994-1996 jyldary Qyzylorda oblysy boıynsha memlekettik qarjylyq baqylaý komıtetiniń basqarmalarynda baqylaýshy revızor bolyp jumys istedi. 1997-2008 jyldary Qaraǵandy oblystyq qazynashylyq basqarmasynda aýmaqtyq bólimniń bas qazynashysy qyzmetin atqardy. 2008 jyly Qaraǵandy oblysy boıynsha Qazynashylyq departamenti Oktıabr aýdandyq qazynashylyq basqarmasy basshysynyń orynbasary qyzmetinde boldy. 2008-2014 jyldary - Qaraǵandy oblysy boıynsha Qazynashylyq departamenti Oktıabr aýdandyq qazynashylyq basqarmasynyń basshysy. 2014-2015 jyldary Qaraǵandy qalasynda «Altera 2010» JShS dırektorynyń orynbasary bolyp jumys istedi. 2016-2020 jyldary Qaraǵandy qalasynyń jumyspen qamtý jáne áleýmettik baǵdarlamalar bólimi basshysy, 2020-2021 jyldary Oktıabr aýdany ákiminiń áleýmettik sala máseleleri jónindegi orynbasary qyzmetin atqardy. 2021-2023 jyldary – Qaraǵandy qalasynyń turǵyn úı ınspektsııasy bóliminiń basshysy.

Qazirgi qyzmetin 2023 jyldyń shildesinen bastap atqaryp keledi.

51 jyl buryn (1972) Qostanaı oblystyq sotynyń azamattyq ister jónindegi sot alqasynyń tóraǵasy Armat Nurmuratuly ERMANOV dúnıege keldi.
Qyzylorda oblysy Qarmaqshy aýylynda dúnıege keldi. Qazaq memlekettik zań ýnıversıtetin (1997) bitirdi.

Eńbek jolyn Memlekettik tergeý komıtetiniń Qyzylorda oblysy boıynsha tergeýshisi bolyp bastady. 1998-2002 jyldary UQK Qyzylorda oblysynyń Baıqońyr qalasyndaǵy jedel ókili, 2000-2002 jyldary Qyzylorda oblysynyń mamandandyrylǵan aýdanaralyq ekonomıkalyq sotynyń sýdıasy, 2002-2008 jyldary Qarmaqshy aýdandyq sotynyń sýdıasy, 2008-2014 jyldary Qyzylorda oblystyq sotynyń sýdıasy bolyp qyzmet atqardy. 2014-2020 jyldary – Atyraý qalalyq sotynyń tóraǵasy. 2018-2020 jyldary – Sýdıalar odaǵy Atyraý fılıalynyń tóraǵasy.

Qazirgi qyzmetin 2020 jyldyń sáýirinen beri atqaryp keledi.

44 jyl buryn (1979) Aqmola oblysy prokýrorynyń orynbasary Erbolat Erkinuly JÚSІP dúnıege keldi.

Soltústik Qazaqstan oblysynda týǵan. Qazaq memlekettik zań akademııasyn quqyqtaný mamandyǵy boıynsha bitirgen.

Eńbek joly: prokýratýra organdaryndaǵy qyzmetin 2001 jyly bastaǵan, ár ýaqytta Kókshetaý qalasy prokýrorynyń kómekshisi, aǵa kómekshisi, Aqmola oblysy prokýratýra basqarmasynyń prokýrory, Batys óńirlik kólik prokýratýrasy bóliminiń bastyǵy, Aqmola oblysy prokýratýra basqarmasynyń bastyǵy, Bas kólik prokýratýrasy basqarmasynyń bastyǵy, Soltústik Qazaqstan oblysy Ýálıhanov aýdany prokýrory, Aqmola oblysy prokýratýrasy apparatynyń basshysy – basqarma bastyǵy, Aqmola oblysy, Qosshy qalasynyń prokýrory qyzmetterin atqarǵan.

2023 jylǵy qazannan bastap qazirgi laýazymynda.