5 oblys áli sý basý aýmaǵynda tur

ASTANA. KAZINFORM – Sý tasqynyna baılanysty elimizdiń óńirlerinde jergilikti aýqymdaǵy 20 tótenshe jaǵdaı jarııalandy. Bul týraly Úkimet otyrysynda Tótenshe jaǵdaılar vıtse-mınıstri Baýyrjan Syzdyqov aıtty.

«Mınıstrlik sý tasqyny saldaryn joıý boıynsha is-qımyldardy úılestirýdi jalǵasyp jatyr. Mınıstrliktiń, ákimdikterdiń, Qorǵanys, Іshki ister mınıstrligi, Ulttyq ulan, Ulttyq qaýipsizdik komıtet bólimsheleriniń kúshteri men quraldary jumyldyryldy. Áreket etý jedel sanatta júzege asyrylýda. Sý tasqynyń jaǵdaıy turaqty – kúrdeli. Batys aımaqtarda sý azdap tómendedi, ortalyq, soltústik jáne shyǵys bólikterinde kerisinshe ózender deńgeıiniń qarqyndy joǵarlaýy baıqalady. Sý basý aımaǵynda 5 oblystar qalýda, ákimdiktermen jergilikti aýqymdaǵy 20 tótenshe jaǵdaı jarııalandy», - dedi vıtse-mınıstr.

Onyń atap ótýinshe, Aqtóbe, Batys Qazaqstan jáne Qostanaı oblystarynda jaǵdaı áli de kúrdeli. Bul jerlerge dereý kúshter men quraldar jumyldyrylyp, jiberildi. Óńirlerde avarııalyq-qutqarý jumystary jalǵasyp jatyr.

Tótenshe jaǵdaılar aımaǵynan eń aldymen múmkindigi shekteýli adamdar, qarttar, áıelder jáne balalar qaýipsiz jerge shyǵaryldy. Sý tasqyny kezinen bastap 15 myń 786 adam qutqaryldy. Onyń ishinde 6 187 bala bar. Adam shyǵynyna jol berilmedi. Qazirgi tańda ýaqytsha ornalastyrý pýnktterinde 4 113 adam, onyń ishinde 1 911 bala bar. Olar úshin barlyq qajetti jaǵdaı jasalǵan», - dedi Baýyrjan Syzdyqov.