5 elde Qazaqstannyń saýda ókildikteri qurylady

ASTANA. QazAqparat –Saýda jáne ıntegratsııa mınıstrliginiń keńeıtilgen alqa májilisinde Qytaı, Túrkııa, BAÁ, Úndistan jáne Iran elderinde Qazaqstannyń saýda ókildikterin qurý máselesi kóterildi, dep habarlaıdy QazAqparat tilshisi.

«Halyqaralyq tájirıbe eksportty saýda ókilderi arqyly ilgeriletýdiń tıimdi ekenin kórsetip otyr. Qazaqstannyń Azııa men Eýropa naryǵyna jasaıtyn eksport kólemin arttyrýǵa múmkindigi mol. Osyǵan baılanysty Birikken Arab Ámirlikteri, Qytaı, Túrkııa, Úndistan jáne Iran sııaqty eldermen jumys isteıtin saýda keńesshilerin taǵaıyndaý máselesi pysyqtalyp jatyr», - dedi Premer-Mınıstr.

Onyń sózinshe, Qazaqstan atalǵan 5 memleketke qosymsha 4 mlrd dollarǵa deıin eksport jasaı alady.

«Eksportty odan ári qoldaı túsý úshin atalǵan elderdegi saýda ókildikterin qurýdy tapsyramyn», - dedi Álıhan Smaıylov alqa otyrysta.