486 pornosaıt jabyldy
ASTANA. QazAqparat - Qazaqstannyń Internet-qaýymdastyǵynyń jetekshisi Shavqat Sabyrovtyń aıtýynsha, pornografııalyq 486 saıt Esil aýdandyq sotynyń 12 sheshimimen jabylǵan.
Bul týraly www.muslim.kz saıty habarlady.
Zań boıynsha memlekettik ókiletti organ atalǵan saıttarda pornografııa bar ekeni týraly talap aryz berip, sodan keıin oǵan sottyń sheshimi shyqqanyn alǵa tartqan Sabyrov halyq arasynda 28 shildeden beri qaraı ınternettiń qazaqstandyq segmentinde keıbir pornosaıttardyń ashylmaı jatqany týraly sybystar taraǵanyn da aıtyp ótti.
Ózderińiz biletindeı, ınternetten áldebir qajetińizdi izdeı qalsańyz, qajettińizdiń mańaıynan pornojarnamalar legin kóresiz. Al bul kez-kelgen jastaǵy azamattyń nápsisine qozǵaý salýy múmkin. Esterińizge sala keteıik, buǵan deıin depýtattar osynaý úrdistiń balalar men jasóspirimder sanasyna keri áser etetinin aıtyp dabyl qaqqan edi. Olar tarapynan balalarǵa qajetti taqyryptar aınalasynan osynaý saıttardyń siltemesin alyp tastaý, pornosaıttardy balalarǵa qoljetimsiz etý joldaryn qarastyrý usynylǵan bolatyn. 500-ge jýyq saıttyń jabylýy - atalmysh máseleniń aldyn alýǵa da yqpal eteri sózsiz.
