4 naýryz. Tulǵalar týǵan kún
Búgin, 4 naýryz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
66 jyl buryn (1958) Qazaqstannyń memleket jáne qoǵam qaıratkeri, Qazaqstannyń eńbek sińirgen ustazy Kúlásh Noǵataıqyzy ShÁMShIDINOVA dúnıege keldi.
Almaty oblysynda týǵan. Qazaq memlekettik ýnıversıtetin bitirgen.
Eńbek jolyn orta mekteptiń muǵalimi bolyp bastap, Kırov aýdandyq komsomol komıtetiniń hatshysy, Gvardııa aýdandyq komsomol komıtetiniń birinshi hatshysy, Taldyqorǵan oblystyq komsomol komıtetiniń hatshysy, Taldyqorǵan oblystyq muǵalimderdiń bilimin jetildirý ınstıtýty dırektorynyń orynbasary qyzmetterin atqarǵan. 1996-2002 jyldary Taldyqorǵan qalasy ákiminiń orynbasary, 2002-2005 jyldary QR Bilim jáne ǵylym vıtse-mınıstri, 2005-2007 jyldary «Bóbek» ulttyq ǵylymı-praktıkalyq bilim berý jáne saýyqtyrý ortalyǵynyń bas dırektory, 2007-2009 jyldary QR Bilim jáne ǵylym vıtse-mınıstri, 2009-2019 jyldary «Nazarbaev Zııatkerlik mektepteri» DBU Basqarma tóraıymy, 2019 jyly QR Bilim jáne ǵylym mınıstri, 2019-2023 jyldary «Nazarbaev Zııatkerlik mektepteri» DBU Basqarma tóraıymy qyzmetinde boldy.
«Parasat», «Qurmet» ordenderimen, medaldarmen marapattalǵan.
58 jyl buryn (1966) Qazaqstan Respýblıkasynyń Qorǵanys mınıstri Rýslan Fatıhuly JAQSYLYQOV dúnıege keldi.
Almaty oblysy Qaskeleń qalasynda týǵan. I.S.Konev atyndaǵy Almaty joǵary jalpy áskerı komandalyq ýchılışesin, M.V.Frýnze atyndaǵy Áskerı akademııasyn, Reseı Federatsııasy Qarýly Kúshteri Bas shtabynyń Áskerı akademııasynyń Joǵary akademııalyq kýrstaryn bitirgen.
1987-2006 jyldary QR Іshki ister mınıstrliginiń Іshki áskerleriniń vzvod komandırinen ásker quramasynyń komandırine deıingi dárejege jetti. 2006-2007 jyldary QR Іshki ister mınıstrliginiń Іshki áskerler qolbasshysynyń orynbasary, 2007-2008 jyldary QR Іshki ister mınıstrliginiń Іshki áskerler qolbasshysynyń birinshi orynbasary - Bas shtab bastyǵy qyzmetterin atqarǵan. 2008-2013 jyldary QR ІІM ishki ásker bas qolbasshysy, 2014-2021 jyldary Ulttyq ulannyń bas qolbasshysy qyzmetinde boldy. 2021-2022 jyldary – QR Іshki ister mınıstriniń orynbasaryy – Ulttyq ulannyń bas qolbasshysy.
Qazirgi qyzmetin 2022 jyldyń qańtar aıynan beri atqaryp keledi.
KSRO jáne Qazaqstan Respýblıkasynyń 14 medalimen marapattalǵan.
48 jyl buryn (1976) Qazaqstan Respýblıkasy Ultty bank Tóraǵasynyń orynbasary Berik Sholpanqululy ShOLPANQULOV dúnıege keldi.
1996 jyly Qazaq memlekettik agrarlyq ýnıversıtetin «Býhgalterlik esep, baqylaý jáne sharýashylyq qyzmetin taldaý» mamandyǵy boıynsha bitirgen.
Eńbek jolyn 1996 jyly QR Qarjy mınıstrliginiń janyndaǵy Qazynashylyq komıtetinde Kassalyq qarajat jáne memlekettik borysh basqarmasynyń qolma-qol aqshany basqarý bóliminiń qazynashysy laýazymynan bastady. Osy Komıtettiń bas qazynashysy, bólim bastyǵy bolyp jumys istedi. 2001-2004 jyldary QR Qarjy mınıstrliginiń Qazynashylyq komıteti Qolma-qol aqshany basqarý jáne memlekettik mindettemelerdi esepke alý basqarmasynyń bastyǵy, 2004-2008 jyldary QR Qarjy mınıstrliginiń Qazynashylyq komıteti tóraǵasynyń orynbasary laýazymyn atqardy. 2008-2014 jyldary QR Qarjy vıtse-mınıstri boldy. 2014-2016 jyldary QR Qorǵanys mınıstriniń ekonomıka jáne qarjy jónindegi orynbasary, 2016 jyly QR Qarjy mınıstrliginiń Qarjylyq monıtorıng komıtetiniń tóraǵasy, 2016-2019 jyldary QR qarjy vıtse-mınıstri, 2019-2021 jyldary QR Qarjy mınıstrliginiń birinshi vıtse-mınıstri laýazymyn atqarǵan.
Qazirgi qyzmetinde 2021 jyldyń sáýir aıynan bastap.
QR Qarjy mınıstrliginiń Qurmet gramotalarymen, «Astananyń 10 jyldyǵy» merekelik medalimen, «Qazaqstan Respýblıkasynyń táýelsizdigine 20 jyl» merekelik medalimen, «Eren eńbegi úshin» medalimen, «Qarjy qyzmetiniń úzdigi» tósbelgisimen, «Eýrazııalyq ekonomıkalyq odaqty qurýdaǵy úlesi úshin» II dárejeli medalimen, «Qazaqstan Respýblıkasynyń Táýelsizdigine 25 jyl» merekelik medalimen, t.b. marapattalǵan.
47 jyl buryn (1977) Batys Qazaqstan oblystyq sotynyń tóraǵasy Rústem Myrzakárimuly MYRZAKÁRІMdúnıege keldi.
Almaty qalasynda týǵan.
1998 jyly Ál-Farabı atyndaǵy QazMÝ-diń zań fakýltetin bitirdi. 2002 jyly Ál-Farabı atyndaǵy QazMÝ-diń quqyqtaný magıstri dárejesin aldy.
Eńbek joly: 1998-1999 jyldary Almaty qalasy prokýratýrasynyń janyndaǵy QSjAO bólimi prokýrorynyń mindetin atqarýshy, 1999-2000 jyldary Almaty qalasy Almaly aýdany prokýrorynyń kómekshisi, 2000-2001 jyldary Almaty qalasynyń Áýezov aýdany prokýrorynyń kómekshisi, 2001-2002 jyldary Almaty qalasy prokýratýrasynyń qadaǵalaý basqarmasynyń prokýrory bolyp qyzmet atqarǵan. 2002-2003 jyldary Almaty qalasy Prokýratýrasynyń prokýrorynyń aǵa kómekshisi, 2003-2004 jyldary Almaty qalasy boıynsha Sottar Ákimshisiniń uıymdastyrý-taldaý bóliminiń bastyǵy, 2004-2005 jyldary Almaty qalasy Bostandyq aýdandyq sotynyń sýdıasy, 2005-2007 jyldary Almaty qalasy Mamandandyrylǵan aýdanaralyq ákimshilik sotynyń tóraǵasy, 2007-2010 jyldary Almaty qalasy Jetisý aýdanynyń № 2 aýdandyq sotynyń tóraǵasy, 2010-2012 jyldary QR Áskerı sotynyń apellıatsııalyq sot alqasynyń tóraǵasy, 2012-2013 jyldary Astana qalasy sotynyń qylmystyq ister jónindegi apellıatsııalyq sot alqasynyń tóraǵasy, 2013-2015 jyldary Almaty qalasy sotynyń qylmystyq ister jónindegi apellıatsııalyq sot alqasynyń tóraǵasy, 2015-2020 jyldary Jambyl oblystyq sotynyń tóraǵasy laýazymyn atqardy.
Qazirgi qyzmetinde 2020 jylǵy aqpannan beri.
