4 naýryz. Tulǵalar týǵan kún
Búgin, 4 naýryz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
68 jyl buryn (1958) Qazaqstannyń memleket jáne qoǵam qaıratkeri, Bilim berýdi turaqty damytý qorynyń qamqorshylar keńesiniń tóraǵasy, Qazaqstannyń eńbek sińirgen ustazy Kúlásh Noǵataıqyzy ShÁMShIDINOVA dúnıege keldi.
Almaty oblysynda týǵan. Qazaq memlekettik ýnıversıtetin bitirgen.
Eńbek jolyn orta mekteptiń muǵalimi bolyp bastap, Kırov aýdandyq komsomol komıtetiniń hatshysy, Gvardııa aýdandyq komsomol komıtetiniń birinshi hatshysy, Taldyqorǵan oblystyq komsomol komıtetiniń hatshysy, Taldyqorǵan oblystyq muǵalimderdiń bilimin jetildirý ınstıtýty dırektorynyń orynbasary qyzmetterin atqarǵan. 1996-2002 jyldary Taldyqorǵan qalasy ákiminiń orynbasary, 2002-2005 jyldary QR Bilim jáne ǵylym vıtse-mınıstri, 2005-2007 jyldary «Bóbek» ulttyq ǵylymı-praktıkalyq bilim berý jáne saýyqtyrý ortalyǵynyń bas dırektory, 2007-2009 jyldary QR Bilim jáne ǵylym vıtse-mınıstri, 2009-2019 jyldary «Nazarbaev Zııatkerlik mektepteri» DBU Basqarma tóraıymy, 2019 jyly QR Bilim jáne ǵylym mınıstri, 2019-2023 jyldary «Nazarbaev Zııatkerlik mektepteri» DBU Basqarma tóraıymy qyzmetinde boldy.
«Parasat», «Qurmet» ordenderimen, medaldarmen marapattalǵan.
60 jyl buryn (1966) Qazaqstan Respýblıkasy Qaýipsizdik Keńesi hatshysynyń birinshi orynbasary Rýslan Fatıhuly JAQSYLYQOV dúnıege keldi.
Almaty oblysy Qaskeleń qalasynda týǵan. I. S. Qonev atyndaǵy Almaty joǵary jalpy áskerı komandalyq ýchılışesin, M. V. Frýnze atyndaǵy Áskerı akademııasyn, Reseı Federatsııasy Qarýly Kúshteri Bas shtabynyń Áskerı akademııasynyń Joǵary akademııalyq kýrstaryn bitirgen.
1987-2006 jyldary QR Іshki ister mınıstrliginiń Іshki áskerleriniń vzvod komandırinen ásker quramasynyń komandırine deıingi dárejege jetti. 2006-2007 jyldary QR Іshki ister mınıstrliginiń Іshki áskerler qolbasshysynyń orynbasary, 2007-2008 jyldary QR Іshki ister mınıstrliginiń Іshki áskerler qolbasshysynyń birinshi orynbasary — Bas shtab bastyǵy qyzmetterin atqarǵan. 2008-2013 jyldary QR ІІM ishki ásker bas qolbasshysy, 2014-2021 jyldary Ulttyq ulannyń bas qolbasshysy qyzmetinde boldy. 2021-2022 jyldary — QR Іshki ister mınıstriniń orynbasaryy — Ulttyq ulannyń bas qolbasshysy.
2025 jyldyń maýsym aıynan bastap qazirgi qyzmetinde.
KSRO jáne Qazaqstan Respýblıkasynyń 14 medalimen marapattalǵan.
32 jyl buryn (1994) Qazaqstan Respýblıkasy Parlamenti Májilisiniń depýtaty, Qarjy jáne bıýdjet komıtetiniń múshesi Naýryz Saıatuly SAILAÝBAI dúnıege keldi.
Jetisý oblysy (Almaty oblysy), Aqsý aýdany, Kókjaıdyq aýylynda dúnıege kelgen. 2011-2015 jyldary Shet tilder jáne iskerlik karera ýnıversıtetiniń dintaný fakýltetinde bilim alǵan.
Eńbek joly: 2017-2018 jyldary oblys aýmaǵynda dinı máselelerdi zerdeleý jáne dinı ınspektorlardyń jumysyn uıymdastyrý bóliminiń, Kóksý aýdany boıynsha ınspektory, 2017-2018 jyldary «Almaty oblysy jastar resýrtyq ortalyǵy» KMM-niń fılıaly «Taldyqorǵan qalasy jastar resýrstyq ortalyǵy» mekemesiniń keńesshi mamany, 2018-2019 jyldary «Almaty oblysy jastar resýrtyq ortalyǵy» KMM-niń Rýhanı adamgershilik, quqtyq tárbıe berý bóliminiń keńesshi mamany, 2019-2021 jyldary «Jasyl el» jastar eńbek jasaqtarynyń Respýlıkalyq shtaby» Almaty oblysy boıynsha I-dárejeli menedjeri, 2022 jyly «Almaty oblysy jastar resýrstyq ortalyǵy» KMM-niń fılıaly «Taldyqorǵan qalasy jastar resýrstyq ortalyǵy» jetekshisi, 2022-2023 jyldary «Jetisý oblysy Qoǵamdyq damý basqarmasy» MM-niń «Din salasyndaǵy máselelerdi zertteý jáne ońaltý ortalyǵy» KMM-niń dırekterynyń orynbasary qyzmetin atqarǵan.
2023 jylǵy naýryzdan bastap VIII saılanǵan QR Parlamenti Májilisiniń depýtaty. «JSDP» partııasynyń partııalyq tizimi boıynsha saılandy.