4 aqpan. Tulǵalar týǵan kún
Búgin, 4 aqpan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
62 jyl buryn Jambyl oblysy boıynsha Sottar ákimshisiniń basshysy Berik Saılaýuly QULTASOV dúnıege keldi.
Shymkent oblysy Alǵabas aýdanynyń Buǵun aýylynda dúnıege kelgen. «Quqyqtaný» mamandyǵy boıynsha Qaraǵandy memlekettik ýnıversıtetiniń túlegi.
Eńbek joly Taldyqorǵan qalalyq prokýratýrasynda aǵa tergeýshi bolyp bastady. 1985 jyly Keńes áskeri qatarynda boldy. 1987-1991 jyldaryQyzylorda qalasy prokýrorynyń kómekshisi, tergeý bóliminiń prokýrory, Qyzylorda oblystyq prokýratýrasynyń aǵa tergeýshisi qyzmetterin atqardy. 1991-1992 jyldary OQO oblystyq prokýratýrasy ishki ister departamentinde aǵa tergeýshi, 1992-1994 jyldary Jambyl oblystyq prokýratýrasynyń aıryqsha qaýipti qylmystardy tergeý bólimniń bastyǵy, 1994-1995 jyldary Jambyl oblysy, Jýaly aýdanynda prokýror, 1995-1996jyldary Jýaly aýdany MTK bólim bastyǵy, 1996-1997 jyldary Jambyl oblysy MTKD basqarma bastyǵy qyzmetin atqarǵan. 1997-1998 jyldaryJambyl oblysy UQKD basqarma bastyǵynyń orynbasary, 1998-2000jyldary Taraz garnızonda áskerı prokýror, 2000-2001 jyldary OQO áskerı prokýrory qyzmetinde boldy. 2001-2002 jyldary Almaty qalasy prokýrorynyń orynbasary, 2002-2008 jyldary Jambyl oblysy prokýrorynyń orynbasary, birinshi orynbasary, 2008-2009 jyldaryMańǵystaý oblysy prokýrorynyń birinshi orynbasary bolyp qyzmet etti. 2009-2012 jyldary OQO prokýrory, 2012-2013 jyldary Pavlodar oblysy prokýrorynyń orynbasary, 2013 jyly Jambyl oblysy prokýrorynyń orynbasary bolyp qyzmet atqarǵan.
Qazaqstan Respýblıkasy Táýelsizdigine 10 jyl» medalimen (2001 j)marapattalǵan. QR Prokýratýrasynyń qurmetti qyzmetkeri.
59 jyl buryn (1965) Qazaqstan Respýblıkasy Parlamenti Senatynyń depýtaty Lázzat Moldabekqyzy QALTAEVA dúnıege keldi.
Qyzylorda qalasynda týǵan. 1983 jyly Búkilodaqtyq syrttaı óner ınstıtýtyn grafıka jáne stanok keskindemesi mamandyǵy boıynsha, 1991 jyly Abaı atyndaǵy Qazaq pedagogıkalyq ınstıtýtyn syzý jáne beıneleý óneri páni muǵalimi mamandyǵy boıynsha, 1997 jyly QMEBI janyndaǵy «Arman» oqý ortalyǵyn baǵaly qaǵazdar boıynsha mámileler jónindegi maman retinde, 2009 jyly Kaspıı qoǵamdyq ýnıversıtetin zańger bolyp támamdaǵan.
Eńbek joly: 1987-1991 jyldary Almaty qalasy Frýnze aýdandyq múgedekter qoǵamynyń hatshysy, 1997-2000 jyldary Almaty qalasynyń «DAEKO» JAQ baǵaly qaǵazdarmen mámileler jasaý jónindegi mamany, 1998-2001 jyldary Almaty qalasyndaǵy «Dáneker» JAQ baǵaly qaǵazdarmen mámileler jasaý jónindegi mamany, Almaty qalasyndaǵy «Qazaqstan-Aýdıt» JAQ baǵaly qaǵazdarmen mámileler jasaý jónindegi mamany bolyp qyzmet atqarǵan. 2001-2022 jyldary «Shyraq» múgedektigi bar áıelder qaýymdastyǵy» QB tóraıymy boldy. 2006 jyldan bastap – «Almaty qalasy múgedekter uıymdary qaýymdastyǵy» zańdy tulǵalar birlestiginiń tóraıymy. 2016-2021 jyldary Almaty qalasy máslıhatynyń depýtaty qyzmetinde bolǵan.
2022 jyldyń qańtarynan bastap qazirgi qyzmetinde.
51 jyl buryn (1973) Respýblıkalyq advokattar alqasynyńtóraǵasy Aıdyn Jolshyuly BIKEBAEV dúnıege keldi.
1996 jyly Ál-Farabı atyndaǵy Qazaq memlekettik ýnıversıtetin «zańger» mamandyǵy boıynsha bitirgen.
Eńbek jolyn 1990-1991 jyldary kegen oblysyndaǵy orta mektepte muǵalimbolyp bastaǵan.1996-1997 jyldary «KRAMDS Bank» Aktsıonerlik banktińtaratý qyzmetin quqyqtyq qamtamasyz etý jónindegi zańger, 1997 jyly«Kazkommertsbank» AAQ Zań departamenti ınvestıtsııalyq baǵdarlamalardyquqyqtyq qamtamasyz etý bóliminiń zań keńesshisi qyzmetin atqardy, 1997 jyldyń qyrkúıek-qarasha aılarynda «Kazkommertsbank» AAQ Zańdepartamentiniń ekinshi sanatty zań keńesshisi boldy. 1997-1998 jyldary «Imashev ı Partnery» JShS Almaty fılıalynyń nesıelik operatsııalarmen saýdalyq qarjylandyrýdy qamtamasyz etý sektorynyń ekinshisanattaǵy zań keńesshisi, 1998 jyly «Imashev ı Partnery» JShS Almaty fılıalynyń ınvestıtsııalyq jobalardy qamtamasyz etý sektorynyńjetekshi zańgeri qyzmetin atqardy, 1998 jyly «Imashev ı Partnery» JShS Almaty fılıalynyń jyljymaıtyn múlik jáne bankıng bóliminiń basshysybolyp qyzmet atqarǵan. 1998-1999 jyldary «Agroortalyq» JShS zań basqarmasy basshysynyń orynbasary, 1999 jyly «Agroortalyq» JShS dırektorynyń quqyqtyq máseleler jónindegi orynbasary qyzmetinde boldy. 1999-2002 jyldary «Saıat, Jolshy, Darhan jáne Bado» JShS dırektory, 2002-2007 jyldary «Saıat Jolshy jáne Seriktester», ÝAK basqarýshy seriktesi, 2006-2007 jyldary «NOMAD Inshýrans» saqtandyrý kompanııasy» AQ Dırektorlar keńesiniń múshesi, 2007 jyly QR Indýstrııa jáne saýda mınıstrliginiń Básekelestikti qorǵaý jónindegi komıtet tóraǵasynyń orynbasary mindetin atqarýshy boldy. 2007 jyly QR Indýstrııa jáne saýda mınıstrliginiń Básekelestikti qorǵaý jónindegi komıtet tóraǵasynyń orynbasary qyzmetin atqardy. 2007-2008 jyldary QR Premer-Mınıstriniń keńesshisi, 2008 jyly «Jeke quqyq ınstıtýty» JShS dırektorynyń orynbasary, 2008-2009 jyldary «Jeke quqyq ınstıtýty» JShS dırektory bolyp qyzmet atqarǵan. 2009-2016 jyldary jáne 2017 jyldan bastap – Almaty qalalyq advokattar alqasynyń múshesi. 2015-2016 jyldary Kaspıı qoǵamdyq ýnıversıtetiniń (KQÝ) «Ádilet» joǵary zań mektebiniń aǵa lektory, 2016-2017 jyldary «Reseı Jınaqbanki» AQ enshiles bankiniń problemalyq qaryzdarmen jumys jónindegi basqarýshy dırektory, 2017 jyly «Reseı Jınaqbanki» AQ enshiles bankiniń Basqarma Tóraǵasynyń problemalyq qaryzdarmen jumys jónindegi orynbasary – Basqarma múshesi boldy. 2018 jyldan beri «Saıat Jolshy jáne Seriktester» advokattyq keńseniń basqarýshy seriktesi/aǵa seriktesi. 2019-2021 jyldary Joǵary Sot Keńesi janyndaǵy Biliktilik komıssııasynyń tóraǵasy qyzmetinde bolǵan.
Qazirgi qyzmetin 2021 jyldyń qarashasynan bastap atqaryp keledi.
45 jyl buryn (1979) Qazaqstan Respýblıkasy Bas prokýratýrasy janyndaǵy Quqyq qorǵaý organdary akademııasynyń rektory Marat Islamhanuly SEKSEMBAEV dúnıege kelgen.
Arqalyq qalasynda týǵan. 2000 jyly E.Bóketov atyndaǵy Qaraǵandy memlekettik ýnıversıtetin támamdady.
Eńbek joly: 2000-2002 jyldary Qaraǵandy qalasy Sovet aýdandyq prokýratýrasynda jumys istedi. 2002-2003 jyldary QR bas prokratýrasynda aǵa prokýror, 2003-2004 jyldary QR Bas prokýratýrasynda quqyqtyq statıstıka jáne arnaıy esepke alý komıteti basqarmasy bastyǵynyń orynbasary, 2004-2009 jyldary QR Bas prokratýrasynda bólim bastyǵy, basqarma bastyǵy, 2009-2010 jyldary QR Ádilet mınıstrliginiń Taldaý jáne strategııalyq josparlaý departamentiniń dırektory, 2010-2011 jyldary QR Ádilet mınıstrliginiń Tirkeý qyzmeti jáne quqyqtyq kómek kórsetý komıtetiniń tóraǵasy qyzmetinde boldy. QR EQSJKA Sybaılas jemqorlyq týraly isterdi ashý jáne aldyn alý departamentiniń bastyǵy bolyp qyzmet atqarǵan. 2014-2015 jyldary QR Prezıdenti Ákimshiliginiń Quqyq qorǵaý júıesi bólimi meńgerýshisiniń orynbasary, 2015-2017 jyldary QR Bas prokýratýrasy birinshi departamentiniń bastyǵy, 2017-2021 jyldary Qaraǵandy oblysynyń prokýrory, 2021-2022 jyldary QR Bas prokýrorynyń apparat basshysy qyzmetinde boldy.
Qazirgi qyzmetinde 2022 jyldyń qarashasynan beri.
3-shi dárejeli «Іsine adaldyq» medalimen marapattalǵan.
43 jyl buryn (1981) Bas áskerı prokýrordyń birinshi orynbasary Maqsat Beısenbekuly QAZIEV dúnıege keldi.
Qaraǵandy oblysynda týǵan. Qazaq gýmanıtarlyq zań ýnıversıtetin bitirgen.
Eńbek joly: 2003-2005 jyldary Almaty oblysy Jambyl aýdandyq sotynyń mamany, 2005-2006 jyldary Almaty oblysy Almaty oblysy Іshki ister Bas basqarmasynyń Jambyl aýdandyq bólimi anyqtaý bólimshesiniń anyqtaýshysy, 2006-2008 jyldary Almaty oblysy Jambyl aýdany prokýrorynyń kómekshisi, 2008-2009 jyldary Astana q. «Almaty» aýdany prokýrorynyń kómekshisi, 2009-2010 jyldary Astana qalasy prokýratýrasynyń tergeý jáne anyqtaý zańdylyǵyn qadaǵalaý bóliminiń prokýrory bolyp qyzmet atqardy. 2010-2012 jyldary QR Bas prokýratýrasy departamentiniń tergeý jáne anyqtaý zańdylyǵyn qadaǵalaý bóliminiń prokýrory, aǵa prokýrory, 2012-2013 jyldary Aqmola oblysy kólik prokýrorynyń orynbasary, 2013-2014 jyldary QR Bas prokýratýrasynyń qylmystyq protsestiń sotqa deıingi satysynyń zańdylyǵyn qadaǵalaý departamenti qylmystyq protsestiń sotqa deıingi satysynyń zańdylyǵyn qadaǵalaý basqarmasynyń aǵa prokýrory, 2014-2016 jyldary QR Qarjy mınıstrliginiń Memlekettik kirister komıteti Jambyl oblysy boıynsha Memlekettik kirister departamenti basshysynyń orynbasary, 2016-2019 jyldary Qostanaı qalasynyń prokýrory, 2019-2021 jyldary Qostanaı oblysy prokýrorynyń orynbasary, 2021-2022 jyldaryQyzylorda oblysy prokýrorynyń birinshi orynbasary qyzmetinde boldy.
Qazirgi qyzmetin 2022 jyldyń tamyz aıynan beri atqaryp keledi.
115 jyl buryn (1909-1998) aqyn, dramatýrg, Qazaqstannyń halyq jazýshysy, Qazaqstan Memlekettik syılyǵynyń laýreaty Ábdilda TÁJІBAEV dúnıege keldi. Qyzylorda qalasynda týǵan.
Qazaq memlekettik ýnıversıtetin bitirgen.
1932-1948 jyldary Qarsaqbaıdaǵy «Qyzyl kenshi», respýblıkalyq «Jas alash» gazetterinde redaktordyń orynbasary, Qazaqstan Jazýshylar odaǵy basqarmasynyń hatshysy, tóraǵasy, Qazaqstan ǴA Til jáne ádebıet ınstıtýty Jambyl bóliminiń meńgerýshisi boldy. 1948-1958 jyldary shyǵarmashylyqpen aınalysty. 1959-1984 jyldary «Qazaq ádebıeti» gazetiniń jaýapty redaktory, Qazaqstan Jazýshylar odaǵy basqarmasynyń hatshysy, Qazaqstan ǴA Ádebıet jáne óner ınstıtýtynyń aǵa ǵylymı qyzmetkeri, teatr óneri bóliminiń meńgerýshisi qyzmetterin atqardy. Á.Tájibaevtyń «Júrektiler» pesalar jınaǵy, «Halqym týraly ańyz», «Jomarttyń kilemi», «Kóterilgen kúmbez» atty dramalyq dastandary, «Maıra», «Jartas», «Jalǵyz aǵash orman emes», «Kóńildester», «Qyz ben jigit», «Monologtar» atty dramalyq shyǵarmalary jaryq kórgen. «Dýbaı Shýbaevıch», «Toı bolarda» atty komedııalary bar. Ol ádebıettaný salasynda da ónimdi eńbek etti. Onyń «Qazaq dramatýrgııasynyń damýy men qalyptasýy» atty zertteýinde qazaq dramatýrgııasynyń kúrdeli máseleleri jan-jaqty qarastyrylǵan. Aqynnyń «Jyldar, oılar», «Jadannyń hattary», «Hattar sóılegende», «Ómir men erlik» degen syn, esse, proza kitaptarynda ádebıet pen ónerge qatysty jaılar jóninde tolymdy pikirler aıtylady. 1954 jyly Á.Tájibaevtyń stsenarııi boıynsha «Jambyl» fılmi túsirildi.
«Qazan tóńkerisi», 2 márte «Eńbek Qyzyl Tý», «Qurmet belgisi» ordenderimen jáne medaldarmen marapattalǵan.
