360-tan astam áskerı qyzmetker saltanatty túrde ant berdi
ASTANA. QazAqparat - Búgin Ulttyq gvardııanyń Astana garnızony áskerı bólimsheleriniń 360-tan astam qyzmetkeri saltanatty túrde ant berdi, dep habarlady astana.gov.kz.
Otan qorǵaýshylar alańynda ótken shara barysynda Tájik-aýǵan shekarasynda áskerı boryshyn óteý kezinde qaza tapqan Іshki áskerlerdiń 17 jaýyngerine arnalǵan eskertkishke gúl qoıý rásimi ótkizilip, bir mınýt únsizdikpen eske alyndy.
Áskerge shaqyrylǵan azamattardyń ómirindegi mańyzdy sharany Ulttyq ulan bas qolbasshylyǵynyń, memlekettik organdardyń, qoǵamdyq uıymdardyń ókilderi, sonymen qatar, QR Ulttyq gvardııasynyń ardagerleri, jas jaýyngerlerdiń ata-analary men №25 qalalyq mektep oqýshylary tamashalady.
Halqyna, Memleket basshysyna, eline jáne óz-ózine ant berý ejelgi zamandardan saqtalǵan áskerı dástúr. Bul Otanynyń namysyn, bostandyǵy men táýelsizdigin qorǵaýǵa baǵyttalǵan mańyzdy quqyqtyq jáne saıası-tárbıelik shara. Aıta keteıik, bıyl 5 myńnan astam áskerı qyzmetker QR Ulttyq gvardııasynyń qataryna qabyldandy.
