31 jeltoqsanda Astanada júgirýden jarys ótedi
Jańa jyl túninde Astanada júgirýden jappaı jarys ótedi. Qatysýshylar 2 024 metr qashyqtyqty eńserýdi josparlap otyr, dep habarlaıdy Kazinform elorda ákimdiginiń resmı saıtyna silteme jasap.
Jarys 31 jeltoqsanda botanıkalyq baqtan (Túrkistan kóshesi men Orynbor kóshesiniń qıylysy) bastalyp, EKSPO-daǵy bas shyrshanyń aýmaǵynda aıaqtalady. Bastalýy – 21:00-de. Al 2023 jyldyń 31 jeltoqsanynda saǵat 20:30-da jarysqa qatysýshylarǵa paket beriledi.
Jarys aldynda fıtnes jattyqtyrýshylarmen denein qyzdyrý maqsatynda jattyǵýlar, túrli baǵdarlamalar bolady.
Qatysýshylar arasynda jańa jyldyq lotereıada júldeler oınatylady. Barlyq qatysýshy medaldarmen marapattalady.
Sporttyq is-sharaǵa qatysýǵa nıet bildirýshiler shaqyrylady. Negizgi qashyqtyq 2 024 metrdi quraıdy.
Jarys aıaqtalǵannan keıin bas shyrsha mańynda kontserttik baǵdarlama, lotereıa jáne qatysýshylardy marapattaý rásimi ótedi.
