31 shilde. Jylnama
Kazinform oqyrman nazaryna 31 shildege arnalǵan ataýly kúnder men este qalar oqıǵalar kúntizbesin usynady.
ATAÝLY KÚNDER
Dúnıejúzilik reındjer kúni
Jyl saıyn atalyp ótiledi. Halyqaralyq reındjer federatsııasy (International Ranger Federation, IRF) bekitken. Alǵash ret 2007 jyly IRF-tiń 15 jyldyǵyna oraı atalyp ótildi. Reındjerler - erekshe qorǵalatyn tabıǵı aýmaqtardaǵy – qoryqtar, ulttyq parkter, jabaıy tabıǵat rezervattary jáne basqa da nysandardaǵy jabaıy ańdardy brakonerlerden qorǵaıtyn adamdar.
ESTEQALAROQIǴALAR
1929 jyly belgili ǵalym-astronom Nıkolaı Stepanovıch Chernyh sansyz juldyzdardyń arasynan belgisiz №2402 ǵalamshardy ashyp, ony ǵulama ǵalym Qanysh Sátbaevtyń esimimen atady. Shaǵyn ǵalamshar Jerge árbir 5 jylda jaqyn keledi.
1959 jyly Qazaq SSR Joǵarǵy Keńesi Prezıdıýmynyń Jarlyǵymen Aqtaý eldi mekeni jumysshy kenti sanatyna endi. Oǵan Aqtaý kenti degen ataý berildi.
2005 jyly «Qazposhta» AQ «Sáýlet» serııasynan Beıbitshilik jáne kelisim saraıy beınelengen jańa poshta markasyn aınalymǵa engizdi. Markanyń tırajy – 50 000 dana. Beıbitshilik jáne kelisim saraıy Qazaqstan halqynyń konfessııaaralyq kelisimin nyǵaıtady. Onyń qurylysy týraly sheshim 2003 jyly Álemdik dástúrli dinder sezinde qabyldanǵan bolatyn. Ǵımarat Esil ózeniniń sol jaq jaǵalaýynda ornalasqan.
2017 jyly Astanada ótken HІІІ Halyqaralyq «Eýrazııa» kınofestıvaliniń aıasyndaǵy «Bes qurlyq» balalar fılmderi festıvalinde «Úzdik stsenarıı» atalymynda «SAQ» stýdııasynyń tolyq metrajdy «Qazaq eli» anımatsııalyq fılmi jeńiske jetti.
2017 jyly aǵymdaǵy koeffıtsıentter boıynsha «Astana» Qazaqstan klýbtarynyń arasynda alǵash ret Eýropanyń úzdik 100 klýbynyń qataryna kirdi. «Astana» FK 2018 jylǵy shildedegi jaǵdaı boıynsha ÝEFA reıtınginde 67-orynǵa jaıǵasty.
2018 jyly Sh.Aımanov atyndaǵy «Qazaqfılm» AQ túsirgen «Altyn Emel» derekti fılmi Qytaıdyń Taıchjoý qalasynda ótken kıno men týrızm salasyndaǵy Azııa óner aptalyǵynda «Úzdik sheteldik derekti fılm» sanatynda syılyqqa ıe boldy. Oleg Belıalov túsirgen derekti fılmde «Altyn emel» memlekettik ulttyq tabıǵı parkiniń ásem tabıǵaty týraly aıtylǵan.
2019 jyly Baıqońyr ǵarysh aılaǵynan ushyrylǵan «Progress MS-12» kóliktik júk kemesi Halyqaralyq ǵarysh stansasyna (HǴS) ushý jyldamdyǵy boıynsha rekord ornatty. «Progress MS-12» júk kemesi áýege ushqan ýaqyttan bastap HǴS-ǵa túıiskenge deıin 3 saǵat 19 mınýt jumsaǵan. Ol HǴS ushý tarıhyndaǵy eń «jyldam» ǵarysh kemesi atandy.
2021 jyly aǵa leıtenant Ardana Botaı Sý-30SM kópfýnktsıonaldy joıǵyshynyń ekıpaj komandıri retinde alǵashqy jeke-dara ushýdy oryndady. «Qazaqstan Respýblıkasy Qarýly Kúshteriniń tarıhynda Sý-30SM jaýyngerlik ushaǵynda ekıpaj komandıri retinde derbes ushýdy alǵash ret áıel adam oryndady. Onyń buǵan jaqsy daıyndalǵanyn, kók aspandy baǵyndyrýǵa degen umtylysyn, joıǵysh ushqysh retinde memleketimizdiń áýe shebin kúzetýdegi mindetterdi oryndap júrgenin atap ótken jón. Ol jaýyngerlik avıatsııadaǵy áıelderdiń erlermen teń dárejede kúrdeli mindetterdi oryndaı alatynyn dáleldedi», - dedi avıatsııa general-leıtenanty Nurlan Ormanbetov.
2021 jyly ekstrakorporaldy uryqtandyrý tehnologııasynyń kómegimen «tútikshede» ómirge kelgen ǵumyr ıesi 25 jasqa toldy. Osylaısha Qazaqstanda alǵash ret embrıon aýystyrý áreketti sátti aıaqtalyp, keıin tájirıbe keńinen tarady. Al tútikshede gúldegen ǵumyrdyń alǵashqy ıesi búginde aman-esen boıjetken, Londonda jumys isteıdi.
2023 jyly Qazaqstan Respýblıkasynyń Qorǵanys mınıstrligi jastardy áskerı-patrıottyq tárbıeleýdiń 2030 jylǵa deıingi tujyrymdamasyn ázirledi.
