30 shilde. Jylnama
Kazinform oqyrman nazaryna 30 shildege arnalǵan ataýly kúnder men este qalar oqıǵalar kúntizbesin usynady.
ATAÝLY KÚNDER
Dúnıejúzilik adam saýdasyna qarsy kúres kúni
2013 jyly Birikken Ulttar Uıymynyń Bas assambleıasy bekitti. Negizgi mindet – adam saýdasy qurbandarynyń basyna túsken jaǵdaı týraly aqparattardy arttyrý, olardyń qorǵaý jáne quqyqtaryn qamtamasyz etý.
Halyqaralyq dostyq kúni
Kúntizbedegi eń jas merekelerdiń biri. Ony atap ótý týraly sheshimdi BUU Bas Assambleıasy 2011 jyldyń 27 sáýirinde ótken 65-i sessııasynda qabyldady. Jańa datany bekitýge ıdeologııalyq negiz – Mádenıet jáne beıbitshilik salasyndaǵy is-qımyl deklaratsııasy men baǵdarlamasy, sondaı-aq 2001-2010 jyldardy qamtyǵan búkil ǵalamshardyń múddesi úshin beıbitshilik mádenıeti men zorlyq-zombylyqsyz halyqaralyq onjyldyq boldy. BUU memlekettik qurylymdarǵa, sondaı-aq halyqaralyq jáne óńirlik uıymdarǵa bul kúndi ár eldiń dástúri negizinde atap ótýdi usyndy. BUU-nyń qararynda ártúrli halyqtar arasyndaǵy dostyqty nyǵaıtý asa erekshe atap ótilgen.
ESTE QALAR OQIǴALAR
1925 jyly Pavlodar oblystyq atqarý komıtetiniń shtatyna muraǵatshy laýazymynyń engizilýimen Pavlodar oblysynda arhıv mekemeleriniń tarıhy bastaý aldy. Oblys arhıvterinde oblystyń túrli mekemelerine jáne jeke tulǵalarǵa qatysty 1 mıllıon 100 myńǵa jýyq qujat saqtaýly. Jeke tulǵalarǵa qatysty qujattar 1823-2007 jyldar aralyǵyn qamtıdy.
1937 jyly Shyǵys Qazaqstanda «Rýbtsovsk-Rıdder» temirjol ýchaskesi boıynsha qozǵalys ashyldy.
1992 jyly Qazaqstan Respýblıkasy men Kabo-Verde Respýblıkasynyń arasynda dıplomatııalyq qarym-qatynas ornady.
1993 jyly Qazaqstan Respýblıkasy men Shyǵys Ýrýgvaı Respýblıkasynyń arasynda dıplomatııalyq qarym-qatynas ornady.
2012 jyly astanalyq «Tumar» ansambli Italııadaǵy halyqaralyq konkýrs-festıvalde birinshi oryndy ıelendi.
2016 jyly Qazaqstan Malaızııada ótetin «jasyl tehnologııalar» halyqaralyq kórmesine shaqyryldy. Onda Astanada ótetin «EKSPO-2017» halyqaralyq kórmesin keńinen nasıhattaý jáne qatysýshylardy tartý úshin Qazaqstan tarapyna qajetti kórme jáne jarnamalyq qondyrǵylarmen qamtamasyz etilgen alań tegin berildi.
2017 jyly Túrkııanyń Samsýn qalasynda XIII Sýrdlımpıada oıyndary ótti. Oǵan álemniń 97 elinen 3105 sportshy qatysty. Qazaqstandyq taekvondoshy Aıan Ábdirash 58 kelige deıingi salmaq dárejesinde óner kórsetip, altyn medal ıelendi. Fınalda ol ýkraındyq sportshydan basym tústi.
2017 jyly «EKSPO-2017» baǵdarlamasy aıasynda Astana Opera memlekettik opera jáne balet teatrynda «Operalııa» dúnıejúzilik opera óneri konkýrsy ótti. Atalǵan baıqaýda úshinshi júlde men 10 myń dollar kóleminde syıaqyny qazaqstandyq ánshi Marııa Mýdrıak ıelendi.
2018 jyly Pattaıada (Taıland) taı boksynan FISU álem chempıonatynda qazaq sportshysy Elaman Saıasatov 54 kg salmaq sanatynda altyn medal aldy. Budan tys, Qazaqstan quramasy sol chempıonatta eki kúmis, tórt qola medal enshiledi.
2020 jyly rejısser Іńkár Ábdirashtyń «Umaı» qysqametrajdy fılmi Slovakııanyń aı saıyn ótetin Kosece International Monthly Film Festival halyqaralyq kınofestıvalinde «Úzdik rejısser-debıýtant» syılyǵyn ıelendi. KIMFF festıvaliniń maqsaty - dúnıejúzindegi talantty rejısserlerdi qoldap, olardy nasıhattaý.
2021 jyly qazaq mádenıetin damytý men mýzyka ónerin dáripteýdegi aıryqsha eńbegi úshin Álibek Musauly Dinishevke «Qazaqstannyń Eńbek Eri» ataǵy berildi.
2023 jyly Shymkentte ótken «Alash Pride – 87» aralas jekpe-jek týrnırinde Óskemen qalalyq órt sóndirý bóliminiń júrgizýshisi Erzat Saqabanov chempıon atandy. Saqabanov fınalda D.Mahabadjanovpen judyryqtasty. Kúrdeli tartystyń nátıjesinde órt sóndirý qyzmeti kóliginiń júrgizýshisi Erzat Saqabanov týrnır chempıony atandy.
