30 qańtar. Tulǵalar týǵan kún
Búgin, 30 qańtar kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
64 jyl buryn (1960) Shyǵys Qazaqstan oblysy Óskemen garnızony áskerı sotynyń tóraǵasy Asqar Júnisbekuly JÚNІSBEKOV dúnıege keldi.
Shyǵys Qazaqstan (burynǵy Semeı) oblysynda dúnıege kelgen. Óskemen jol-qurylys ınstıtýtyn ınjener-mehanık (1983), Qazaqstan Respýblıkasy Іshki ister mınıstrliginiń Qaraǵandy joǵary mektebin zańger mamandyǵy boıynsha bitirgen (1994).
Eńbek joly: 1983-1984 jyldary «Aıagóz qurylys-27» trestiniń OÁK ınjener-dıspetcheri, 1984-1993 jyldary Semeı oblysy Іshki ister basqarmasynyń Abyraly aýdandyq ishki ister bóliminiń ýchaskelik ınspektory, qylmystyq izdestirýdiń jedel ýákili, jedel ýákili, kezekshi orynbasary, 1993-1997 jyldary Semeı oblysy Іshki ister basqarmasynyń Abyraly aýdandyq Іshki ister bóliminiń bastyǵy bolyp qyzmet atqarǵan. 1997-2000 jyldary Shyǵys Qazaqstan oblysy Jarma aýdandyq sotynyń tóraǵasy, 2000-2002 jyldary QR Joǵarǵy Soty Janyndaǵy Sot ákimshiligi komıtetiniń Shyǵys Qazaqstan oblysy sottarynyń ákimshisi, 2008-2017 jyldary Semeı garnızony áskerı sotynyń tóraǵasy bolyp qyzmet etti.
Qazirgi qyzmetinde 2017 jyldyń qazanynan bastap.
63 jyl buryn(1961) «Qazaqstan Respýblıkasy Aýyl sharýashylyǵy mınıstrliginiń Agroónerkásip keshendegi memlekettik ınspektsııa komıtetiniń Pavlodar oblystyq aýmaqtyq ınspektsııasy» Memlekettik mekemesiniń basshysy Nyǵman Qudaıbergenuly PІShEMBAEV dúnıege keldi.
Pavlodar oblysy Maı aýdanynda týǵan. Semeı zooveterınarlyq ınstıtýtyn mal dárigeri, S.Toraıǵyrov atyndaǵy Pavlodar memlekettik ýnıversıtetin ekonomıst-menedjer mamandyǵy boıynsha bitirgen.
Eńbek joly: 1983-1984 jyldary Semeı oblystyq aýyl sharýashylyǵy basqarmasynyń mal dárigeri, 1984-1991 jyldary Pavlodar oblysy Maı aýdany stantsııasynyń mal dárigeri, Maı aýdany «Belogor» keńsharynda bas mal dárigeri,1991-1997 jyldary Pavlodar oblysy Maı aýdany «Qyzyl-Qurama» keńsharynyń dırektory, Pavlodar oblysy Maı aýdanynyń ákimniń birinshi orynbasary - AÓK-niń departament bastyǵy, 1997-2000 jyldary - Pavlodar oblysy veterınarııa komıtetiniń jetekshi mamany, Pavlodar aýdany ákimniń birinshi orynbasary - Pavlodar oblysynyń Pavlodar aýdanynyń aýyl sharýashylyǵy basqarmasynyń bastyǵy, 2000-2009 jyldary - Pavlodar oblysy Aqtoǵaı aýdanynyń ákimi., 2009-2010 jyldary Pavlodar oblysy ákiminiń keńesshisi qyzmetterin atqarǵan. 2010-2013 jyldary Pavlodar oblysy Maı aýdanynyń ákimi bolyp qyzmet etti. 2013-2015 jyldary – Pavlodar oblysy Ertis aýdanynyń ákimi qyzmetinde.
Qazirgi qyzmetin 2017 jyldan bastap atqaryp keledi.
55 jyl buryn (1969) QR memleket jáne qoǵam qaıratkeri, Qazaqstan Respýblıkasy Parlamenti Májilisiniń depýtaty Zákirjan Pirmuhameduly KÚZIEV dúnıege keldi.
Almaty qalasynda týǵan. Kásibı-tehnıkalyq ýchılışeni, Almaty gýmanıtarlyq-ekonomıkalyq ýnıversıtetin bitirdi.
Eńbek joly: 1990-1991 jyldary «Remstroıtehnıka» óndiristik birlestiginde 5 razrıadty aǵash sheberi-stanokshy, 1991-1992 jyldary «Chetyre ı K» shaǵyn óndiristik kommertsııalyq kásipornynyń shef-montaj bóliminde nusqaýshy, 1992-1993 jyldary «Edınstvo» Shaǵyn memlekettik kásiporny dırektorynyń orynbasary, 1993-1996 jyldary «Nazıgým» shaǵyn jeke kásipornynyń dırektory bolyp jumys istegen. 1996-1999 jyldary «Ýnıversal» AQ Prezıdenti, 1999-2005 jyldary «Ýnıversal» JAQ dırektory, bas dırektory, «Bent-Anak» BK bas dırektory, 2005-2008 jyldary «Jarkent Krahmal-sirne zaýyty» JShS bas dırektory, 2008-2010 jyldary «Ýnıversal» JShS Prezıdenti, bas dırektorynyń keńesshisi, 2016 jyldan bastap «Jarkent Krahmal-sirne zaýyty» JShS dırektor keńesi basqarmasynyń, «Ýnıversal» JShS tóraǵasy bolyp qyzmet atqarǵan. 2020-2022 jyldary Qazaqstan halqy Assambleıasy Tóraǵasynyń orynbasary, 2022-2023 jyldary QR Parlamenti Májilisiniń VII shaqyrylym depýtaty boldy.
Qazirgi qyzmetin 2023 jyldyń qańtar aıynan beri atqaryp keledi.
«IMPORT EXPORT AWARD» ordenimen (2014); «Eren eńbegi úshin» medalimen; «Jyldyń úzdik top-menedjeri» («Best Manager of the Year») halyqaralyq dıplomymen jáne Qurmet belgisimen (2012) marapattalǵan. Qazaqstan Respýblıkasy Prezıdentiniń, «Altyn sapa», «Úzdik kásipker» (2007), Almaty oblysynda da, Qazaqstan Respýblıkasynda da óndiris salasyndaǵy «Úzdik kásipker» (2007) syılyqtaryna, ıntegratsııalyq protsesterdi damytýǵa qosqan jeke úlesi úshin «United Europe» (birikken Eýropa) halyqaralyq syılyǵyna (2007) ıe boldy.
46 jyl buryn (1978) Shymkent qalasy prokýrorynyń birinshi orynbasary Nurǵalı JOMART dúnıege keldi.
Shymkentte týǵan. Q.A.ıAssaýı atyndaǵy Halyqaralyq Qazaq-Túrik ýnıversıtetin «quqyqtaný» mamandyǵy boıynsha bitirgen.
Prokýratýra organdaryndaǵy qyzmetin 2000 jyldyń naýryz aıynda Ońtústik Qazaqstan oblysy, Túlkibas aýdany prokýrorynyń kómekshisi laýazymynan bastaǵan. Shymkent qalasy prokýratýrasynyń bólim prokýrory, Ońtústik Qazaqstan oblysy prokýratýrasynyń basqarma prokýrory, aǵa prokýrory, oblys prokýrorynyń kómekshisi laýazymdaryn atqarǵan.
2005-2010 jyldary QR Bas prokýratýrasynda túrli qyzmetterde jumys istedi.
2010-2021 jyldary Ońtústik Qazaqstan oblysy prokýratýrasynyń Apparat basshysy, Kentaý qalasy, Abaı jáne Saryaǵash aýdandarynyń prokýrory laýazymdaryn atqarǵan.
39 jyl buryn (1985) «QazExpoCongress» UK» AQ dırektorlar keńesiniń múshesi, táýelsiz dırektory Qýat Tólegenuly JOLDYBEKOV dúnıege keldi.
Abaı oblysynda týǵan.
Eýrazııa ulttyq ýnıversıtetin «Halyqaralyq qatynastar» mamandyǵy boıynsha (2007), Semeı memlekettik ýnıversıtetin «Ekonomıka» mamandyǵy boıynsha (2009), Ońtústik Koreıanyń Seýl qalasyndaǵy KDI School of Public Policy and management oqý ornyn ekonomıka jáne bıznes magıstri biliktiligi boıynsha bitirgen.
Eńbek joly: 2007-2008 jyldary QR Eńbek jáne halyqty áleýmettik qorǵaý mınıstrliginiń sarapshysy, 2008-2011 jyldary QR Qarjy mınıstrligi Salyq komıtetiniń sarapshysy, 2011-2013 jyldary Memlekettik organdar qyzmetiniń tıimdiligin baǵalaý ortalyǵynyń strategııalyq maqsattary men mindetterine qol jetkizýdi jáne iske asyrýdy baǵalaý sektorynyń sektor meńgerýshisi, aǵa sarapshysy, 2013-2014 jyldary QR Óńirlik damý mınıstrligi Óńirlerdiń júıelik problemalaryn taldaý departamenti dırektorynyń orynbasary bolyp jumys atqarǵan. 2014-2016 jyldary QR Premer-Mınıstri orynbasarynyń keńesshisi, shtattan tys keńesshisi qyzmetinde boldy. 2016-2020 jyldary «KazakhExport» eksporttyq saqtandyrý kompanııasy» AQ Basqarma tóraǵasynyń orynbasary, Basqarýshy dırektory - Basqarma múshesi, 2020 jyly Dúnıejúzilik Banktiń jobany basqarý tobynyń jetekshisi, 2020-2021 jyldary «Agrarlyq kredıttik korporatsııa» AQ ınvestıtsııalyq jobalar jónindegi Qoǵamdyq komıssııasynyń tóraǵasy, 2021 jyly «KAZAKH INVEST» Ulttyq kompanııasy» AQ Marketıng jáne ınvestıtsııalar tartý departamentiniń dırektory bolyp qyzmet atqardy. 2022 jyldan bastap – BIO-LINE Group kompanııasynyń basqarýshy dırektory, kommertsııalyq dırektory. 2022 jylǵy 12 jeltoqsanda «QazExpoCongress» UK» AQ táýelsiz dırektory bolyp saılandy (QR Saýda jáne ıtegratsııa mınıstrliginiń 12.12.2022 j. № 476 - NQ buıryǵy).
110 jyl buryn (1914-1937) jazýshy, jýrnalıst Sattar ERÝBAEV dúnıege kelgen.
Ońtústik Qazaqstan oblysynyń Túrkistan aýdanynda týǵan. Aldymen aýyl moldasynan eskishe saýat ashqan. Túrkistan jeti jyldyq mektebin bitirip, sonda aýdandyq komsomol komıtetinde biraz ýaqyt qyzmet istegen. Almatydaǵy joǵary oqý oryndaryna túsýge daıarlaıtyn arnaıy kýrsty, Lenıngradtyń tarıh-fılosofııa-lıngvıstıka ınstıtýtyn bitirgen. 1933 jyly «Orys neoromantızmi jáne qazaqtyń ulttyq ádebıeti» degen taqyrypta dıplom qorǵap, aspırantýrada qaldyryldy. Biraq, Qazaqstan ólkelik komsomol komıtetiniń arnaıy shaqyrtqan telegrammasymen elge oraldy.
Aldymen «Lenınskaıa smena», keıinnen «Lenınshil jas» gazetinde ádebıet bóliminiń meńgerýshisi qyzmetin atqardy. Munymen qatar, Almatydaǵy joǵary aýyl sharýashylyǵy mektebiniń fılosofııa kafedrasynda assıstent bolyp, lektsııa oqydy. Biraz ýaqyt «Lenınshil jas», «Qaraǵandy proletarıaty» gazetterinde jaýapty redaktordyń orynbasary boldy. Óziniń bolashaq romany – «Meniń qurdastarymnyń» materıalyn osy kezeńde dál osy jerdegi ómirden jınaqtaǵan.
Qazaqstan jazýshylary odaǵynyń I sezine delegat bolyp qatysyp, odaqtyń músheligine alǵash qabyldanǵandardyń biri. 1935 jyly Almatyǵa oralyp, Lenıngrad ýnıversıtetiniń aspırantýrasyna túsýge daıyndaldy. Tolyq aıaqtap úlgermegenmen, «Meniń qurdastarym» romanymen, kórkem áńgime, novellalarymen prozashy retinde, sýretteme-ocherk, maqalalary arqyly – pýblıtsıst, óleń-jyr, balladalary, epıgramma, parodııalary arqyly – aqyn retinde ol týǵan ádebıeti tarıhynan óz ornyn aldy. 1966 jyly «Meniń qurdastarym» romany úshin Qazaqstan Lenın komsomoly syılyǵy berildi.
