3 myńǵa jýyq aýyl ınternetke qosylady
ASTANA. KAZINFORM — 2027 jyldyń sońyna qaraı taǵy 2 689 aýyldy joǵary jyldamdyqty ınternetke qosý josparlanyp otyr. Qosymsha 504 shalǵaı eldi mekendi spýtnıktik tehnologııalardy paıdalana otyryp jelige qosý josparlanyp otyr. Bul týraly Úkimettiń baspasóz qyzmeti habarlady.
Búgingi tańda Qazaqstannyń 6 179 eldi mekeniniń 119 qalasy men 4 906 aýyly baılanyspen qamtamasyz etilgen, onyń 2 724-i 3G tehnologııasy boıynsha, al 2 182-i 4G boıynsha qosylǵan. Internetke tirkelgen qoljetimdilik 1 902 aýylda (ADSL) jáne 2 654 aýylda (TOBJ) bar.
— 2027 jyldyń sońyna qaraı taǵy 2 689 aýyldy joǵary jyldamdyqty ınternetke qosý josparlanyp otyr. Qosymsha 504 shalǵaı eldi mekendi spýtnıktik tehnologııalardy paıdalana otyryp jelige qosý josparlanyp otyr. Onyń 176-sy KazSat arqyly baılanyspen qamtamasyz etilgen, al 2025 jyldyń sońyna deıin taǵy 328 aýyl OneWeb arqyly qosylatyn bolady.
2025 jylǵy maýsymda Starlink-pen kelisimge qol qoıyldy, ol osy jyldyń 13 tamyzynan bastap Qazaqstanda resmı túrde qyzmet kórsete bastady. Búgingi tańda Starlink spýtnıktik ınterneti 1,7 myńnan astam aýyldyq mektepterde jumys isteıdi, — delingen Úkimet habarlamasynda.
Jalpy, 2025-2027 jyldary 3 myńnan astam aýyldyq eldi meken joǵary jyldamdyqty ınternetke qosylatyn bolady.
Aıta ketelik 1 mln azamat jasandy ıntellekt negizderine oqytylatyny týraly jazǵan edik.