29 tamyz. Tulǵalar týǵan kún
Búgin, 29 tamyz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
56 jyl buryn (1969) Qazaqstan Respýblıkasy Premer-mınıstriniń keńesshisi Ermek Boranbaıuly MARJYQPAEV dúnıege keldi.
Tselınograd qalasynda týǵan. 1994 jyly S.Seıfýllın atyndaǵy Tselınograd pedagogıkalyq ınstıtýtyn, 2001 jyly «Turan» ýnıversıtetin, 2009 jyly Kókshetaý ýnıversıtetin támámdaǵan.
Eńbek jolyn orta mektepte ustazdyqtan bastady. 1992-1994 jyldary «Shonaı» shaǵyn kásipornynyń dırektory, keıin «Býrabaı» JShS dırektory qyzmetin atqardy. 2008-2013 jyldary Arshaly, Zerendi aýdandarynyń ákimi, 2013-2014 jyldary Aqmola oblysy ákiminiń orynbasary, 2015-2019 jyldary Kókshetaý qalasynyń ákimi, 2019-2023 jyldary Aqmola oblysynyń ákimi qyzmetin atqarǵan.
2024 jyldyń qyrkúıek aıynan bastap qazirgi qyzmetinde.
«Qurmet» ordenimen (2011), «Qazaqstan Respýblıkasynyń táýelsizdigine 10 jyl» (2001), «Eren eńbegi úshin» (2004), «Qazaqstan Respýblıkasynyń táýelsizdigine 20 jyl» (2011), «Qazaqstan Konstıtýtsııasyna 10 jyl» (2005), «Astananyń 10 jyldyǵy» (2008) medaldarimen marapattalǵan.
55 jyl buryn (1970) Shyǵys Qazaqstan oblysy ákiminiń orynbasary Baqytjan Kákenqajyuly BAIAHMETOV dúnıege keldi.
Aıagóz qalasynda dúnıege kelgen. Qazaq aýyl sharýashylyǵy ınstıtýtyn «ınjener-elektrık» mamandyǵy boıynsha bitirgen (1992); Ortalyq Azııa ýnıversıteti, «Ekonomıst» mamandyǵy (2008).
Eńbek joly: Aıagóz elektr jelileri «Altaıenergo» ZAI MSR qyzmetinde RQA ınjeneri (1992-1999); Aıagóz elektr jelileri «Altaıenergo» PEO ZAI MSR bastyǵy (1999); «VK REK» AES SF ZAO «AZS» DAO tehnıkalyq qoldaý tobynyń jetekshisi (1999-2000); «VK REK» JAQ Aıagóz RES SF aǵa dıspetcheri (2000); «Aıagóz REK» ÓF «VK REK» saýda tobynyń basshysy (2000-2001); Aıagóz REK SF ZAO VK REK bastyǵy (2001-2002); VK REK Aıagóz aýdany SF ZA dırektory (2002-2004); Aıagóz RES bastyǵy (2004); VK REK ZAO Borodýlıha RES SF bastyǵy (2004-2005); Aıagóz aýdany ákiminiń orynbasary (2005-2008); «Dana-Aıagóz» JShS atqarýshy dırektory (2008-2009); Qazaqstan Respýblıkasy Mádenıet jáne aqparat mınıstrligi Aqparat jáne muraǵat komıtetiniń Memlekettik satyp alý jáne uıymdastyrý-quqyqtyq jumys basqarmasynyń basshysy (2009);
Qazaqstan Respýblıkasy Mádenıet jáne aqparat mınıstrligi Aqparat jáne muraǵat komıtetiniń bas sarapshysy (2009); Qorshaǵan ortany qorǵaý mınıstrligi Memlekettik jáne bıýdjettik josparlaý basqarmasynyń bas sarapshysy (2009); Óskemen qalasynyń qurylys bóliminiń bastyǵy (2009-2010); Aıagóz qalasynyń ákimi (2010-2014); Shyǵys Qazaqstan oblysy Ulan aýdanynyń ákimi (2014 j.); Shyǵys Qazaqstan oblysy Aıagóz aýdanynyń ákimi (2014-2019); Shyǵys Qazaqstan oblysy ákiminiń orynbasary (2019-2021); Semeı qalasynyń ákimi (2021-2022); Abaı aýdanynan Qazaqstan Respýblıkasy Parlamenti Senatynyń depýtaty (2022-2023); Shyǵys Qazaqstan oblysy ákimi apparatynyń basshysy (2023).
2023 jyldyń shildesinen beri qazirgi qyzmetinde.
47 jyl buryn (1978) Qazaqstan Respýblıkasy Joǵary aýdıtorlyq palatanyń múshesi Rasýl Nurlanuly RAHIMOV dúnıege keldi.
Shyǵys Qazaqstan oblysynyń Óskemen qalasynda dúnıege keldi. Ol «Bolashak» halyqaralyq stıpendııasynyń túlegi, qazaqstandyq jáne sheteldik joǵary oqý oryndarynda bilim aldy.
Indýstrııa mınıstrliginiń júıesinde, BUUDB-nyń qorshaǵan ortany qorǵaý jáne energetıka baǵdarlamalarynyń úılestirýshisi, BUUDB-nyń Qazaqstandaǵy Ornyqty damý departamentiniń basshysy, Ulttyq ınnovatsııalyq qordyń basqarýshy dırektory qyzmetterin atqardy.
2018 jylǵy qańtardan bastap Qazaqstan Respýblıkasy Prezıdenti Ákimshiliginiń Strategııalyq josparlaý bólimi meńgerýshisiniń orynbasary, Áleýmettik-ekonomıkalyq monıtorıng bólimi meńgerýshisiniń orynbasary qyzmetterin atqardy. 2021-2022 jyldary Respýblıkalyq bıýdjettiń atqarylýyn baqylaý jónindegi esep komıtetiniń múshesi boldy.
2022 jyldyń jeltoqsan aıynan bastap qazirgi qyzmetinde.
39 jyl buryn (1986) Qostanaı oblysy ákimdiginiń aqparattandyrý, memlekettik qyzmetterdi kórsetý jáne arhıvter bóliminiń basshysy Azamat Sovhozbaıuly QAShIEV dúnıege keldi.
Qostanaı oblysy, Áýlıekól aýdany, Jaltyrkól aýylynda dúnıege kelgen. Qostanaı memlekettik pedagogıkalyq ınstıtýtyn «Fızıka jáne ınformatıka» mamandyǵy boıynsha bitirgen (2008); A.Baıtursynov atyndaǵy Qostanaı memlekettik ýnıversıteti, «Quqyqtaný» mamandyǵy boıynsha (2010); Qostanaı ınjenerlik-ekonomıkalyq ýnıversıtetinde «Ekonomıka» mamandyǵy boıynsha magıstratýra bitirdi (2015).
Eńbek joly: «Qostanaı qalasy ákimdiginiń sáýlet jáne qala qurylysy bólimi» MM mekenjaı tirkeliminiń ınspektory (2007-2008); «Qostanaı qalasy ákimdiginiń sáýlet jáne qala qurylysy bólimi» memlekettik mekemesiniń kadr jumysy jónindegi bas mamany (2008-2010); «Qostanaı oblysy ákimdiginiń tilderdi damytý basqarmasy» MM qarjy-quqyqtyq jumys bóliminiń bas maman-zańgeri (2010-2011); «Qostanaı oblysy ákimdiginiń densaýlyq saqtaý basqarmasy» MM lıtsenzııalaý, memlekettik qupııalardy qorǵaý, jumyldyrý daıyndyǵy jáne ekstremaldy medıtsına bóliminiń bas mamany (2011-2012); «Qostanaı oblysy ákimdiginiń bilim basqarmasy» MM quqyqtyq qamtamasyz etý bóliminiń bas mamany (2012-2013); «Qostanaı oblysy ákiminiń apparaty» MM uıymdastyrý-baqylaý jumysy bóliminiń bas mamany (2013-2014); «Qostanaı aýdany ákiminiń apparaty» MM Qostanaı aýdany ákimi apparatynyń basshysy, Fedorov aýdany ákiminiń orynbasary (2014-2020).
2020 jyldyń qańtarynan beri qazirgi qyzmetinde.
164 jyl buryn (1861-1933) qazaqtyń halyq kompozıtory, kúıshi, qazaq dombyra mektebiniń negizin salýshylardyń biri Seıtek ORAZALYULY dúnıege kelgen.
Batys Qazaqstan oblysynda týǵan.
Bala kúninen mýzykaǵa qabiletin baıqatty. Dombyra tartýdy óz aǵasy Sultanǵalıdan úırendi, kúı oryndaýdy Dáýletkereıdiń shákirtterinen úırendi. «Arpalys», «Orǵytpa», «Shárıpa», «Bes qyz», «Jantaza», «Qarashash», «Qanatym», «Kókala at» t.b. kúıleri bar.
Erkindik ıdeıalary úshin qýǵynǵa ushyrady. Orda, Irkýtsk, Qarabaıly, Astrahan, Máskeý túrmelerine qamaldy. Revolıýtsııashyl orys jumysshylarmen baılanysy bar degen aıyppen saıası senimsiz adam retinde Sibirge aıdaldy. Osy kezde «Aıdaý», «Túńildim», «Arman» kúıleri týdy. 1905 jyly elge oraldy. «Joqtaý», «Ǵazız», «Meń-zeń» «Sary dala» kúıleri osy kezde týdy.
1905 jylǵy revolıýtsııaǵa arnalǵan «Jiger», 1916 jyl oqıǵalaryna ún qosqan «16 jyl» kúıleri bar. Seıtek shyǵarmalarynyń shyńy – «Zaman-aı» kúıi, Oktıabr revolıýtsııasy ony «17 jyl», «Erkindik», «Partsezd» kúılerin shyǵarýǵa jigerlendirdi. A.Zataevıch Seıtek kúılerin «Qazaq halqynyń 1000 áni» jınaǵyna engizdi. Táken Álimqulovtyń «Seıtek saryny» povesi Seıtektiń ómiri men shyǵarmashylyǵyna arnalǵan. Seıtektiń kóptegen kúıi Qurmanǵazy atyndaǵy memlekettik akademııalyq halyq aspaptary orkestriniń repertýarynda.