27 aqpan. Týǵan kún ıeleri
Búgin, 26 aqpan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
77 jyl buryn (1947) medıtsına ǵylymdarynyń doktory, akademık, «Ulttyq ǵylymı medıtsına ortalyǵy» AQ basqarmasynyń tóraǵasy, Ortalyq Azııa pýlmanologtary qaýymdastyǵynyń, Eýrazııalyq respıratorlar qoǵamynyń prezıdenti, Eýropalyq Jaratylystaný ǵylymdary akademııasynyń tolyq múshesi, Dúnıejúzilik densaýlyq saqtaý uıymy komıteti tóralqasynyń múshesi Abaı Qabataıuly BAIGENJIN dúnıege keldi.
Soltústik Qazaqstan oblysynda týǵan.
Almaty memlekettik medıtsına ınstıtýtyn bitirgennen keıin densaýlyq saqtaý salasynda ártúrli qyzmetterde boldy. 1978-1983 jyldary Almaty qalalyq klınıkalyq aýrýhanasy bas dárigeriniń orynbasary, 1983-1988 jyldary Qazaq KSR Densaýlyq saqtaý mınıstrliginiń 4-bas basqarmasynyń «Alataý» shıpajaıynyń bas dárigeri, 1988-1993 jyldary Almaty aımaqtyq dıagnostıkalyq ortalyǵynyń dırektory, 1993-1997 jyldary Memlekettik aeroǵarysh kompanııasynyń vıtse-prezıdenti qyzmetin atqarǵan. 1997-1998 jyldary QR Úkimeti janyndaǵy Medıtsınalyq saqtandyrý qory bas dırektorynyń orynbasary, 2000-2010 jyldary «Ulttyq ǵylymı medıtsına ortalyǵy» RMK bas dırektory. 2010 jyldyń tamyz aıynan bastap qazirgi kezge deıin «Ulttyq ǵylymı medıtsına ortalyǵy» AQ basqarmasynyń tóraǵasy. Qazaqstan Respýblıkasynyń eńbek sińirgen qaıratkeri, QR Prezıdentiniń Qurmet gramotasymen marapattalǵan, Qazaqstan Respýblıkasy Ulttyq keńesiniń múshesi, «Nur Otan» HDP Saıası keńesiniń múshesi.
«Parasat» ordeniniń, brıtandyq Vıktorııa patshaıym ordeniniń ıegeri, Robert Koh medalimen marapattalǵan.
62 jyl buryn (1962) Qazaqstan qarjygerler qaýymdastyǵy keńesiniń tóraıymy Elena Leonıdovna BAHMÝTOVA dúnıege kelgen.
Almaty halyq sharýashylyǵy ınstıtýtyn támamdaǵan, ekonomıst.
1983-1984 jyldary Almaty aýyl qurylys №7 tresiniń OAKK aǵa ınjeneri, 1984-1989 jyldary Qazaq KSR Memlekettik josparlaý komıteti janyndaǵy Josparlaý jáne normatıvter ekonomıkalyq ǵylymı-zertteý ınstıtýtynyń ekonomısi, 1989-1991 jyldary Qazaq KSR-i Áleýmettik qamsyzdandyrý mınıstrliginiń aǵa ekonomısi, 1991-1992 jyldary «Elim-Aı» kınosharýashylyq birlestiginiń ekonomısi, 1992-1998 jyldary QR Qarjy mınıstrligi Bıýdjet departamentiniń jetekshi, bas ekonomısi, bólim bastyǵy, áleýmettik sala departamenti bastyǵynyń orynbasary, dırektordyń orynbasary, 1998-2001 jyldary QR Qarjy mınıstrligi Bıýdjet departamentiniń dırektory bolyp qyzmet atqarǵan. 2001-2002 jyldary QR eńbek jáne halyqty áleýmettik qorǵaý vıtse-mınıstri, 2002-2004 jyldary QR Ulttyq banki Qarjylyq qadaǵalaý departamentiniń dırektory, 2004-2008 jyldary QR Qarjy naryǵyn jáne qarjylyq uıymdardy retteý jáne qadaǵalaý agenttigi tóraǵasynyń orynbasary, 2008-2011 jyldary QR Qarjy naryǵyn jáne qarjylyq uıymdardy retteý jáne qadaǵalaý agenttigi tóraǵasy, 2012-2016 jyldary «Samuryk-Qazyna» aktsıonerlik qoǵamynyń Basqarma tóraǵasynyń orynbasary, 2016 jyly - «Samuryq-Qazyna» AQ qarjy jáne operatsıalar jónindegi atqarýshy dırektory, 2016-2018 jyldary «Áleýmettik medıtsınalyq saqtandyrý qory» KEAQ Basqarma tóraǵasy bolǵan.
2018 jyldyń tamyz aıynan bastap qazirgi qyzmetinde.
«Qurmet» ordenimen; «Qazaqstan Konstıtýtsııasyna 10 jyl» medalimen; «Astanaǵa 10 jyl» mereıtoılyq medalimen; Qazaqstan Respýblıkasy Prezıdentiniń Alǵys hatymen marapattalǵan.
58 jyl buryn (1966) Qazaqstan Respýblıkasy Konstıtýtsııalyq sotynyń sýdıasy Qanat Sergeıuly MÝSIN dúnıege kelgen.
Qazirgi Astana qalasynda týǵan. E.A. Bóketov atyndaǵy Qaraǵandy memlekettik ýnıversıtetin bitirgen.
1984-1986 jyldary Tselınograd (qazirgi Astana ) qalasynyń Lenın aýdandyq halyq sotynyń sot oryndaýshysy, sot otyrysynyń hatshysy, arhıvarıýsy, 1986-1989 jyldary «Tselınogradoblgaztop» óndiristik birlestiginiń aǵa ıýrıskonsýlty, 1989-1998 jyldary Tselınograd qalasynyń, Aqmola oblysynyń prokýratýra organdarynda qyzmet etken, Astana qalasy prokýrorynyń orynbasary boldy. 1998-2001 jyldary Soltústik Qazaqstan oblysy prokýrorynyń orynbasary, Jambyl oblysy prokýrorynyń birinshi orynbasary., 2001-2007 jyldary qarjy polıtsııasy organdarynda qyzmet etken, Batys Qazaqstan oblysy, Almaty qalasy Ekonomıkalyq qylmys jáne sybaılas jemqorlyqqa qarsy kúres departamenti basshysynyń orynbasary qyzmetin atqarǵan. 2007-2010 jyldary QR Qaýipsizdik Keńesi apparatynda jumys istegen: bas sarapshy, bas ınspektory, Qaýipsizdik Keńesi Hatshylyǵy meńgerýshisiniń orynbasary. 2010-2012 jyldary Soltústik Qazaqstan oblysy prokýrorynyń birinshi orynbasary, 2012-2016 jyldary Astana qalasynyń Ádilet departamentiniń basshysy, 2016-2021 jyldary QR Parlamenti Májilisiniń VIІ shaqyrylymynyń depýtaty, Zańnama jáne sot-quqyqtyq reforma komıtetiniń múshesi, 2021-2022 jjyldary QR Joǵarǵy Sotynyń sýdıasy, QR Joǵarǵy Sotynyń Ákimshilik ister jónindegi sot alqasynyń tóraǵasy laýazymdaryn atqarǵan. 2022 jyly QR Ádilet mınıstri boldy.
2023 jyldyń qańtarynan bastap qazirgi qyzmetinde.
«Eren eńbegi úshin», «Qazaqstan Respýblıkasynyń táýelsizdigine 20 jyl», «Astananyń 10 jyldyǵy» medaldarymen, quqyq qorǵaý organdarynyń vedomstvolyq nagradalarymen marapattalǵan.
56 jyl buryn (1968) QR Joǵary sot keńesiniń tóraǵasy Denıs Alekseevıch ShIPP dúnıege kelgen.
Soltústik Qazaqstan oblysynda týǵan. Mýzykalyq orta mektepti fortepıano synyby boıynsha, Omby memlekettik ýnıversıtetiniń zań fakýltetin, akademık Korolev atyndaǵy Samara memlekettik aeroǵarysh ýnıversıtetin bitirgen.
1994 jyldan bastap Soltústik Qazaqstan oblysynyń Keden Basqarmasynda jáne Qarjy polıtsııasy Departamentinde jumys istedi. 2003-2006 jyldary Petropavl qalalyq sotynyń sýdıasy, Almaty qalasynyń mamandandyrylǵan qarjylyq sotynyń tóraǵasy qyzmetterin atqardy. 2012-2015 jyldary Qostanaı oblystyq sotynyń azamattyq jáne ákimshilik ister jónindegi apellıatsııalyq sot alqasynyń tóraǵasy, 2015-2021 jyldary QR Joǵarǵy Sotynyń sýdıasy boldy.
2021 jyldyń maýsymynan bastap Joǵary Sot Keńesiniń Tóraǵasy.
III dárejeli «Minsiz Qyzmeti úshin», II dárejeli «Minsiz qyzmeti úshin» medaldarmen jáne «Úsh bı» Qurmet belgisimen, sondaı-aq vedomstvolyq nagradalarmen jáne mereıtoılyq medaldarmen marapattalǵan.
54 jyl buryn (1969) Aqmola oblysy Bulandy aýdanynyń ákimi Ardaq Dýlatuly SMAIYLOV dúnıege keldi.
Almaty qalasynda týǵan. «Agronomııa», «qarjy jáne kredıt», «zańtaný» mamandyqtary boıynsha úsh joǵary bilimi bar.
1994 jylǵy tamyzdan beri keden organdarynda jaýapty qyzmetter atqardy.
2015 - 2017 jyldary Almaty oblysy ákiminiń apparatynda taldaý bólim meńgerýshisi, 2020 jylǵy qazanǵa deıin Almaty oblysy ákiminiń keńesshisi bolyp istedi. 2020 - 2022 jyldary - Býrabaı aýdany ákimi apparatynyń basshysy, 2022-2023 jyldary Bulandy aýdany ákiminiń orynbasary laýazymyn atqardy.
Qazirgi qyzmetinde – 2023 jylǵy qarashadan beri.
52 jyl buryn (1972) Qazaqstan Respýblıkasy Densaýlyq saqtaý vıtse-mınıstri BÚRKІTBAEV Jandos Qonysuly dúnıege keldi.
Asfendııarov atyndaǵy Almaty memlekettik medıtsına ýnıversıtetin «Jalpy medıtsına» mamandyǵy boıynsha; L.N. Gýmılev atyndaǵy Eýrazııa ulttyq ýnıversıtetin «Memlekettik jáne jergilikti basqarý» mamandyǵy boıynsha támamdaǵan.
Eńbek jolyn 1996 jyly Almaty qalalyq jedel medıtsınalyq kómek klınıkalyq aýrýhanasynyń dárigerinen bastady. Sodan keıin Almatydaǵy respýblıkalyq apattar medıtsınasy ortalyǵynda dáriger bolyp jumys istedi.
1999-2004 jyldary QR Densaýlyq saqtaý mınıstrliginiń túrli qurylymdyq bólimshelerinde jumys istedi, bas mamannan bólim meńgerýshisine deıingi laýazymdardy qatarynan atqardy. 2007-2008 jyldary QR Parlamenti Májilisiniń Áleýmettik-mádenı damý komıtetiniń qyzmetin qamtamasyz etý bólimi meńgerýshisiniń orynbasary bolyp jumys istedi. 2008 jyly Astana qalasyndaǵy «Qan ortalyǵy» ShJQ RMK dırektory qyzmetin atqarǵan. 2011-2019 jyldary «Ǵylymı-óndiristik transfýzıologııa ortalyǵy» ShJQ RMK dırektory, 2019-2021 jyldary «Ulttyq ǵylymı onkologııa ortalyǵy» JShS basqarma tóraǵasy, Nur-Sultan qalasynda Ulttyq ǵylymı onkologııalyq ortalyqty qurý jáne salý jónindegi jobalyq toptyń jetekshisi boldy.
2021 jylǵy 22 qańtardan bastap QR Densaýlyq saqtaý vıtse-mınıstri laýazymyna taǵaıyndaldy.
«Shapaǵat» (2014), «Qazaqstan Respýblıkasynyń Táýelsizdigine 25 jyl» (2016), «Astanaǵa 20 jyl» (2018) medaldarymen marapattalǵan; «Densaýlyq saqtaý isiniń úzdigi» (2003), «Densaýlyq saqtaý isine qosqan úlesi úshin» (2012) tósbelgileri.
41 jyl buryn (1983) "Astana medıtsına ýnıversıteti" KEAQ Basqarma tóraǵasy – rektory Kamaljan Talǵatuly NADYROV dúnıege keldi.
Almatyda týǵan. "Qoǵamdyq densaýlyq saqtaý" mamandyǵy boıynsha iskerlik ákimshilendirý magıstri (MVA), "Bıznes ákimshilendirý" (EMBA) mamandyǵy boıynsha iskerlik ákimshilendirý magıstri.
Eńbek joly: 2009-2014 jyldary Almaty qalasyndaǵy "Akademık B.Ý.Djarbýsynov atyndaǵy ýrologııa ǵylymı ortalyǵy" ShJQ RMK, uıymdastyrý-ádistemelik, quqyqtyq jumys jáne memlekettik satyp alý bóliminiń meńgerýshisi, uıymdastyrý-ekonomıkalyq máseleler jónindegi dırektor orynbasarynyń mindetin atqarýshy, uıymdastyrý-ekonomıkalyq jumys jónindegi dırektordyń orynbasary, ákimshilik-ekonomıkalyq qyzmet jónindegi bas dırektor, 2014-2015 jyldary QR densaýlyq saqtaý mınıstrligi strategııalyq damý departamentiniń dırektory orynbasary mindetin atqarýshy, medıtsınalyq qyzmetterdi standarttaý departamenti dırektorynyń orynbasary m.a., medıtsınalyq qyzmetterdi standarttaý departamenti dırektorynyń orynbasary, 2015-2017 jyldary «UNIVERSITY MEDICAL CENTER» korporatıvtik qorynyń medıtsınalyq kómek saraptamasy departamenti dırektorynyń mindetin atqarýshy, «UNIVERSITY MEDICAL CENTER» korporatıvtik qory Respýblıkalyq dıagnostıkalyq ortalyǵy fılıalynyń ákimshilik-qarjy máseleleri jónindegi dırektory, «UNIVERSITY MEDICAL CENTER» korporatıvtik qory Respýblıkalyq dıagnostıkalyq ortalyǵy fılıalynyń dırektory bolyp qyzmet atqarǵan. 2017-2019 jyldary «Astana qalasynyń densaýlyq saqtaý basqarmasy» MM basshysynyń mindetin atqarýshy, «Astana qalasynyń densaýlyq saqtaý basqarmasy» MM basshysy, «Astana qalasynyń qoǵamdyq densaýlyq saqtaý basqarmasy» MM basshysy, 2019-2020 jyldary QR
densaýlyq saqtaý vıtse-mınıstri qyzmetinde boldy. 2020 jyly Almaty qalasynyń Qoǵamdyq densaýlyq basqarmasy basshysynyń mindetin atqarýshy, Almaty qalasynyń Qoǵamdyq densaýlyq basqarmasy basshysy, 2021 jyly QR Densaýlyq saqtaý mınıstrliginiń «Salıdat Qaıyrbekova atyndaǵy Ulttyq ǵylymı densaýlyq saqtaýdy damytý ortalyǵy» sharýashylyq júrgizý quqyǵyndaǵy respýblıkalyq memlekettik kásiporny Basqarma Tóraǵasy bolyp qyzmet atqarǵan.
Qazirgi laýazymyn 2021 jyldan bastap atqaryp keledi.
«Birlik», «Eren eńbegi úshin», «Densaýlyq saqtaý isiniń úzdigi» medaldarimen marapattalǵan.
