27-28 qarashada elordanyń keıbir JOO stýdentteri qashyqtan oqıdy
ASTANA. KAZINFORM — 27-28 qarasha kúni Astana qalasyndaǵy joǵary oqý oryndarynyń oqý formaty ózgeredi. Bul týraly Ǵylym jáne joǵary bilim mınıstrliginiń qoǵammen baılanys departamentiniń dırektory Oljas Berkinbaev málim etti.
«4 joǵary oqý orny — qashyqtan, 2 joǵary oqý orny — ishinara qashyqtan, 2 joǵary oqý orny — kanıkýl (1 trımestr), 5 joǵary oqý orny — dástúrli (oflaın) formatta. Oqý formatyna qatysty sheshimdi joǵary oqý oryndary akademııalyq saıasatyna sáıkes derbes qabyldaıdy», — dedi mınıstrlik ókili Oljas Berkinbaev.
Al oqýshylar men kolledj stýdentterine qatysty elordanyń Bilim basqarmasynyń baspasóz qyzmeti sabaq ádettegideı formatta ótetinin habarlady.
Aıta ketsek, Memleket basshysy Qasym-Jomart Toqaevtyń shaqyrýymen 27 qarasha kúni elimizge Reseı Federatsııasynyń Prezıdenti Vladımır Pýtın memlekettik saparmen keledi.
28 qarasha kúni Qazaqstan Prezıdenti Qasym-Jomart Toqaevtyń tóraǵalyǵymen UQShU Ujymdyq qaýipsizdik keńesiniń kezekti sessııasy ótedi. Jıynda aımaqtyq jáne halyqaralyq qaýipsizdiktiń negizgi máseleleri talqylanady. Otyrys qorytyndysy boıynsha birqatar qujatqa qol qoıylady.
