26 balaǵa JITS juqqany anyqtaldy
ASTANA. QazAqparat - Ózbekstannyń quqyq qorǵaý organdary eldiń ońtústigindegi Qashqadarııa oblysy Shahrısabz aýdanynda 26 balaǵa JITS vırýsy juqqanyn anyqtady, dep jazady «RIA Novostı».
Juqtyrylǵan ımmýn tapshylyǵy sındromynyń taralýyna qarsy júrgizilgen keshendi tekseris nátıjesinde Shahrısabz aýdanynda 2007-2013 jyldar aralaǵynda 26 bala vırýs juqtyrǵany, onyń altaýy indet saldarynan kóz jumǵany anyqtalǵan.
«Osy faktiler boıynsha Qylmystyq kodekstiń 113-baby 3-tarmaǵy boıynsha qylmystyq is qozǵaldy», - deıdi Shahrısabz prokýrory Sheraly Áshirov. Qylmystyq is dáleldense, kináliler 5-ten segiz jylǵa deıin bas bostandyǵynan aıyrylýy múmkin.
