24 naýryz. Tulǵalar týǵan kún
Búgin, 24 naýryz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
84 jyl buryn (1942) sýretshi jáne sáýletshi, Qazaqstan Respýblıkasy Memlekettik Eltańbasynyń avtory Jandarbek Málibekuly MÁLІBEKOV dúnıege keldi.
Qyzylorda oblysynda týǵan. Tashkent polıtehnıkalyq ınstıtýtynyń sáýlet fakýltetin bitirgen.
Eńbek joly: Ózbekstan Ǵylymı-zertteý ónerkásibi ınstıtýtynyń (ÓzBǴZI) qala qurylysy sheberhanasynyń meńgerýshisi. Ándijandaǵy aerovokzaldyń, Ferǵanadaǵy oblystyq poshta bólimshesiniń, oblystyq basqarmanyń, Samarqandtaǵy drama teatry men ortalyq kitaphanasynyń ǵımarattaryn, Angren qalalaryndaǵy birqatar turǵyn yqsham aýdandardy jobalaýǵa belsene qatysty. Memlekettik rámizder jónindegi respýblıkalyq komıssııanyń múshesi.
1992 jyldyń basynda J.Málibekov qatysqan Táýelsiz Qazaqstannyń memlekettik rámizderiniń úzdik jobasyna baıqaý jarııalandy. Úzdik memlekettik rámizge arnalǵan aýqymdy baıqaýǵa 245 joba qatysty. Komıssııa apta saıyn jınalyp, sońynda Málibekovtiń jobasy depýtattardyń qaraýyna usynyldy.
2003 jyldan beri L. N. Gýmılev atyndaǵy Eýrazııa ulttyq ýnıversıtetinde jumys isteıdi, professor.
«Qurmet», «Barys» ordenderimen, «Qazaqstan Respýblıkasynyń táýelsizdigine 10 jyl», «Qazaqstannyń eńbek ardageri» medaldarymen marapattalǵan. «Ózbekstan Respýblıkasynyń eńbek sińirgen sáýletshisi» jáne «Qazaqstannyń eńbek sińirgen qaıratkeri» qurmetti ataqtary bar. Mádenıet jáne óner salasyndaǵy Qazaqstan Respýblıkasynyń memlekettik stıpendııasynyń ıegeri.
70 jyl buryn (1956) Qazaqstan Respýblıkasy Parlamenti Senaty janyndaǵy Senatorlar keńesiniń múshesi Erik Hamzınuly SULTANOV dúnıege keldi.
Soltústik Qazaqstan oblysynda týǵan. Qaraǵandy polıtehnıkalyq ınstıtýtyn, D. Serikbaev atyndaǵy Shyǵys Qazaqstan memlekettik tehnıkalyq ýnıversıtetin ınjener-mehanık mamandyǵy boıynsha bitirgen.
Eńbek joly: 1978-1992 jyldary «Ekibastuzshahtostroı» zaýytynda slesar, aǵa prorab, birikken qurylys komıtetiniń tóraǵasy, qurylysty mehanıkalandyrý bóliminiń bas ınjeneri, kásipodaq komıtetiniń tóraǵasy, 1992-1993 jyldary Ekibastuz qalasyndaǵy aǵash óńdeý zaýytynyń dırektory, 1993-1994 jyldary Ekibastuz qalasy ákimshiligi basshysynyń birinshi orynbasary, 1994-1995 jyldary QR Joǵarǵy Keńesi qurylys, sáýlet jáne turǵyn úı-kommýnaldyq sharýashylyq komıtetiniń múshesi, 1995-1996 jyldary QR Eńbek mınıstrligi janyndaǵy Eńbekti qorǵaý departamentiniń tóraǵasy, 1995-1996 jyldary «Ekibastuzshahtoqurylys» QB prezıdenti, 1996-1998 jyldary Pavlodar aýmaqtyq memlekettik múlikti basqarý komıtetiniń tóraǵasy, 1998-1999 jyldary aýmaqtyq memlekettik múlik jáne jekeshelendirý komıtetiniń tóraǵasy, Soltústik Qazaqstan oblysy ákiminiń orynbasary, 1999-2000 jyldary QR Kólik jáne kommýnıkatsııa mınıstrligi Avtomobıl joldary departamentiniń dırektory, 2000-2001 jyldary QR Kólik jáne kommýnıkatsııa mınıstrligi Avtomobıl joldary komıtetiniń syrtqy qaryzdar jónindegi konsýltanttarynyń bas úılestirýshisi, 2001-2002 jyldary «Qazaqavtodor» RMK bas dırektorynyń birinshi orynbasary, QR Kólik jáne kommýnıkatsııa mınıstrligi Avtomobıl joldary komıtetiniń tóraǵasy, 2004-2005 jyldary QR Kólik jáne kommýnıkatsııa mınıstrligi Kólik ınfraqurylymyn damytý komıtetiniń tóraǵasy, 2005-2006 jyldary «Qazaqdorstroı» JShS bas dırektory, 2006-2007 jyldary Astana qalasy ákiminiń orynbasary, 2007-2008 jyldary Astana qalasy ákiminiń birinshi orynbasary, 2008-2014 jyldary «Qazaqstan temir joly» Ulttyq kompanııasy» aktsıonerlik qoǵamynyń vıtse-prezıdenti, 2014-2017 jyldary Soltústik Qazaqstan oblysynyń ákimi, 2017-2023 jyldary QR Parlamenti Senatynyń depýtaty, Ekonomıkalyq saıasat, ınnovatsııalyq damý jáne kásipkerlik komıtetiniń múshesi.
«Qurmet» jáne «Parasat» ordenderimen marapattalǵan.
46 jyl buryn (1980) «Qazaqstan atom elektr stantsııalary» JShS joba jetekshisi Meıirbek Ýaqasuly IHSANOV dúnıege keldi.
Oral qalasynda dúnıege kelgen. Batys Qazaqstan memlekettik ýnıversıtetin elektrotehnıka mamandyǵy boıynsha jáne Batys Qazaqstan ınjenerlik-gýmanıtarlyq ýnıversıtetin ekonomıka jáne bıznes magıstri dárejesimen bitirgen.
Eńbek joly: «Injtehservıs» kompanııasyndaǵy Qarashyǵanaq jobasynda elektr ınjeneri (2002-2004); Schlumberger kompanııasyndaǵy Álibek-Mola jáne Qojasaı ken oryndarynda sýpervaızer (2004-2008); Teńiz jáne Korolevskoe ken oryndarynda (TCO) bas ınjener, Sahalın-1 jobasynda (Sahalın araly, Reseı) aımaqtyq operatsııalar dırektory, Schlumberger kompanııasynda Saýd Arabııasyndaǵy aımaqtyq operatsııalar dırektory (2008-2017). Schlumberger halyqaralyq kompanııasynyń Kýveıt, Katar, Oman, Egıpet, Reseı Federatsııasy jáne Ortalyq Azııadaǵy jańa tehnologııalardy marketıng jáne satý jónindegi aımaqtyq dırektory (2018-2022); «QazaqGaz» Ulttyq kompanııasy» AQ Basqarma tóraǵasynyń birinshi orynbasary (2023 jylǵy qańtar — 2025 jylǵy qazan); «Kazakhstan Atomic Power Plants» JShS bas dırektorynyń keńesshisi (2025 jylǵy jeltoqsan — 2026 jylǵy naýryz).
2026 jyldyń naýryz aıynan bastap qazirgi qyzmetinde.
37 jyl buryn (1989) Shyǵys Qazaqstan oblysy Óskemen qalasynyń ákimi Almat Talǵatuly AQYShOV dúnıege keldi.
Shyǵys Qazaqstan oblysynyń Kúrshim aýdanynda týǵan. 2011 jyly L. N. Gýmılev atyndaǵy Eýrazııalyq Ulttyq ýnıversıtetin «Týrızm» mamandyǵy boıynsha, 2015 jyly Almaty ekonomıka jáne statıstıka akademııasyn ekonomıka mamandyǵy boıynsha bitirgen. 2018 jyly QR Prezıdentiniń janyndaǵy Memlekettik basqarý akademııasynda bilim alyp, óńirlerdi damytý magıstri atandy.
Eńbek joly: 2012 jyldan bastap memlekettik qyzmette. 2012-2015 jyldary «ShQO deneshynyqtyrý jáne sport basqarmasy» MM týrızmdi damytý, ishki baqylaý bóliminiń jetekshi mamany, 2015-2018 jyldary QR Aýyl sharýashylyǵy mınıstrliginiń Investıtsııalyq saıasat departamenti Qarjy quraldary basqarmasynyń sarapshysy, bas sarapshysy, 2018-2020 jyldary «ShQO Ulan aýdany ákiminiń apparaty» MM apparat basshysy, 2020 jyly ShQO Aıagóz aýdany ákiminiń orynbasary, 2020-2022 jyldary «ShQO energetıka jáne turǵyn úı-kommýnaldyq sharýashylyq basqarmasy» MM basshysy, 2022-2024 jyldary Shyǵys Qazaqstan oblysy Kúrshim aýdanynyń ákimi laýazymyn atqarǵan.
Qazirgi uyzmetin 2024 jyldyń jeltoqsan aıynan beri atqaryp keledi.
37 jyl buryn (1989) Qazaqstan áleýmettik damý ınstıtýtynyń basqarma tóraıymy Juldyzaı Amangeldiqyzy YSQAQOVA dúnıege keldi.
Astanada dúnıege kelgen ol L. N. Gýmılev atyndaǵy Eýrazııa ulttyq ýnıversıtetin saıasattaný mamandyǵy boıynsha bitirgen; saıasattaný, fılosofııa doktory.
Kásibı tájirıbesi: «PARASAT» ulttyq ǵylymı-tehnologııalyq holdıngi» AQ korporatıvtik damý jáne aktıvterdi basqarý departamentiniń menedjeri (2012–2013); «Seısmologııa ınstıtýty» JShS baqylaý keńesiniń hatshysy — korporatıvtik damý jáne aktıvterdi basqarý departamentiniń aǵa menedjeri (jartylaı jumys) (2013–2014); Saıası zertteýler departamentiniń jetekshi sarapshysy (2014–2015); Taldaý bóliminiń bas sarapshysy (2015–2017); Eýrazııalyq ıntegratsııa ınstıtýtynyń (taldaý ortalyǵy) Ǵylymı keńesiniń hatshysy, Operatsııalyq taldaý bóliminiń bas sarapshysy (2017–2018); Jastar korpýsyn damytý jobasynyń jobalardy basqarý tobynyń monıtorıng jáne baǵalaý jónindegi mamany (Dúnıejúzilik bank pen Qazaqstan Respýblıkasy Bilim jáne ǵylym mınıstrliginiń birlesken jobasy) (2019–2020); Qazaqstan Respýblıkasy Parlamenti Senaty tóraǵasynyń keńesshisi, Qazaqstan Respýblıkasy Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa tóraǵasynyń orynbasary (2024 jyldan bastap).
Qazirgi laýazymynda 2025 jyldyń qarasha aıynan beri.
83 jyl buryn (1943-2021) aqyn-jazýshy, Qazaqstan Jazýshylar odaǵynyń múshesi Rafael (Aqedil) NIıAZBEKOV dúnıege keldi.
Jambyl oblysynyń týmasy. S. M. Kırov atyndaǵy Qazaq memlekettik ýnıversıtetin bitirgen.
Gazet, jýrnal, radıo redaktsııalarynda, «Jazýshy» baspasynda redaktor bolyp qyzmet atqarǵan. «Qarataý men Alataý», «Temirqazyq», «Jalyn keshken», «Jer janary», «Órken», «Bıikteı ber, taýlarym!» atty poezııalyq jınaqtardyń, «Sheshender», «Tynda meni, zamana» romandarynyń avtory. Qyzyl úı», «Tas Qudaıy», «Otaǵasy», «Qańtar» áńgimeleri. M.Rýmıantseva, A.Chepýrov, K.Týıorskıı jáne basqalardyń óleńderin qazaq tiline aýdarǵan.
Qazaqstan Jazýshylar odaǵynyń І.Jansúgirov atyndaǵy syılyǵynyń, Sheshen Respýblıkasynyń Joǵary memlekettik «Ult namysy» ordeniniń ıegeri, B.Momyshulynyń 90 jyldyǵyna arnalǵan respýblıkalyq aqyndar músháırasynyń jeńimpazy.