24 qarasha. Tulǵalar týǵan kún

Búgin, 24 qarasha kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.

62 jyl buryn (1961) Qazaq estrada teatrynyń bas dırektory, «Baýyrjan-shoý» teatrynyń kórkemdik jetekshisi, Qazaqstanda «Satıra jáne ázil» birinshi estradalyq teatrynyń negizin qalaýshy Baýyrjan Sabzalyuly IBRAGIMOV dúnıege keldi.

Ońtústik Qazaqstan oblysynda týǵan. Almatydaǵy Sáýlet-qurylys ınstıtýtyn (ınjener-qurylysshy), Júrgenov atyndaǵy Almaty memlekettik teatr-kórkemsýret ınstıtýtyn (drama jáne kıno akteri) támamdaǵan.

Eńbek joly: 1988-1992 jyldary «Tamasha» teleteatrynyń akteri ári kommertsııalyq dırektory, 1992-1998 jyldary Almaty qalasyndaǵy Temirjolshylar saraıynyń bas dırektory, 1998-2002 jyldary Almaty qalasyndaǵy «Tselınnyı» kınoteatrynyń bas dırektory, 2002-2007 jyldary «Aqbýra» óndiristik kooperatıviniń dırektory qyzmetterin atqardy. 2007-2012 jyldary «Fýd-Star» ÁKB basqarma tóraǵasy, 2012-2016 jyldary Qazaq ulttyq óner ýnıversıtetiniń professory boldy. 2016 jyldan bastap «BNB-Group» qurylys kompanııasy dırektorlar keńesiniń tóraǵasy.

Qazaqstan Jastar odaǵy syılyǵynyń laýreaty, halyqaralyq estrada ártisteri baıqaýynyń laýreaty.

55 jyl buryn (1968) Qazaqstan Respýblıkasy Parlament Senatynyń depýtaty Nýrııa Ismagılovna NIıAZOVA dúnıege keldi.

Jambyl jeńil jáne tamaq ónerkásibi tehnologııalyq ýnıversıtetiniń Almaty fılıalyn ınjener-tehnolog mamandyǵy boıynsha, Reseı Federatsııasynyń Novosibir memlekettik ýnıversıtetin psıholog mamandyǵy boıynsha támamdaǵan. Uıymdastyrý psıhologııasy mamandyǵy boıynsha Bıznes psıhologııasynyń halyqaralyq dıplomy bar.

Eńbek joly: 1989-1991 jyldary Almaty qalasynyń ashanalar men meıramhanalar tresi №152 Sharýashylyq esep júrgizýshi uıymynda tehnolog-ınjener bolyp eńbek etti. 1998-2008 jyldary «Shahar» teleradıokompanııasy, Hit TV, «Energy» radıosy, bıznesti damytý jónindegi dırektor qyzmetin atqardy. 2008-2022 jyldary dırektor bolyp, jeke kásippen aınalysty. 1999 jyldan bastap «Otan», «Nur-Otan», qazirgi «Amanat» partııasynyń múshesi. 2016 jyldan bastap Almaty qalalyq «Amanat» («Nur-Otan») partııasy Saıası Keńesiniń múshesi. 2012 jyldan bastap «Ildash» Tatar etno-mádenı jáne gýmanıtarlyq damý ortalyǵy» Qoǵamdyq birlestiginiń basqarma tóraǵasy, 2014 jyldan bastap Qazaqstan Respýblıkasynyń Qazaqstan halqy Assambleıasynyń múshesi, 2020 jyldan bastap Almaty qalasy boıynsha Qazaqstan halqy Assambleıasy tóraǵasynyń orynbasary boldy. 2015-2020 jyldary Almaty qalasy boıynsha Qazaqstan halqy Assambleıasy janyndaǵy Analar keńesiniń tóraǵasy, 2016-2021 jyldary «Nur-Otan» partııasynan VI shaqyrylymdaǵy Almaty qalasy Máslıhatynyń depýtaty, 2016-2021 jyldary Almaty qalasy Máslıhatynyń turaqty Komıssııasy tóraǵasynyń Áleýmettik-mádenı damý jónindegi orynbasary qyzmetterin atqardy. 2016-2023 jyldary Almaty qalasy boıynsha «Amanat» partııasy Alataý fılıalynyń Partııalyq baqylaý komıtetiniń tóraǵasy, 2021-2023 jyldary «Amanat» partııasy Almaty qalalyq fılıalynyń Partııalyq baqylaý komıteti tóraǵasynyń orynbasary boldy.

Qazirgi qyzmetin 2023 jylǵy qańtar aıynan atqaryp keledi.

«Qurmet» ordenimen marapattalǵan.

58 jyl buryn (1965) Mańǵystaý oblysy Jańaózen qalasy ákiminiń orynbasary Nurbergen Ótebaıuly HÝDIBAEV dúnıege keldi.

Túrikmenstan Respýblıkasy Balqan oblysynda dúnıege kelgen. Túrikmen halyq qojalyq ınstıtýtyn «ekonomıst» jáne E.A. Bóketov atyndaǵy Qaraǵandy memlekettik ýnıversıtetin «zańger» mamandyǵy boıynsha támamdaǵan.

Eńbek joly: 1985 jyly Túrikmenstan Respýblıkasy Krasnovodsk qalalyq «Tsentrneftehımremstroı» basqarmasynda tehnologııalyq qondyrǵylardy jóndeý jáne qyzmet kórsetý boıynsha 4 dárejeli slesar boldy. 1988-1991 jyldary Krasnovodsk qalalyq TETs mekemesiniń slesar, mashınısi, 1991-1992 jyldary Krasnovodsk aýdany boıynsha memlekettik salyq ınspektsııasynyń memlekettik salyq ınspektory, 1992-1995 jyldary Túrikmenstan Respýblıkasy Bekdash poselkesi memlekettik salyq ınspektsııasy tekserý bóliminiń bas salyq ınspektory,1995-1996 jyldary Memlekettik qarjy valıýta baqylaý komıteti Mańǵystaý oblysy boıynsha basqarmasynyń Qaraqııa aýdany boıynsha bóliminiń bas baqylaýshy – revızory bolyp eńbek etti. 1996-1999 jyldary Qaraqııa aýdandyq qarjy bóliminiń meńgerýshisi, 1999-2003 jyldary Mańǵystaý oblysy Qaraqııa aýdany boıynsha qarjy komıtetiniń tóraǵasy, 2003-2008 jyldary Mańǵystaý oblysy Jańaózen qalasy boıynsha qarjy komıtetiniń tóraǵasy, 2008-2012 jyldary Mańǵystaý oblysy Túpqaraǵan aýdany boıynsha salyq basqarmasynyń basshysy boldy.

Qazirgi qyzmetin 2012 jyldan beri atqaryp keledi.

53 jyl buryn (1970) «Batys» óńirlik qolbasshylyǵy áskerleriniń qolbasshysy Dáýlet Rysqulbekuly OSPANOV dúnıege keldi.

Ońtústik Qazaqstan oblysynda týǵan. Rıazan joǵary áskerı komandalyq baılanys ýchılışesin (1992), QR QK Áskerı akademııasyn bitirgen (2000).

Eńbek joly: 1988-1992 jyldary Rıazan JÁKBÝ tyńdaýshysy, 1992-1998 jyldary Jeke gvardııalyq desanttyq-shabýyl brıgadasy baılanys rotasy baılanys vzvodynyń komandıri, desanttyq-shabýyl batalony vzvod komandıri – baılanys bastyǵy, shtabtyq rota komandıri, batalon komandıriniń orynbasary – shtab bastyǵy, batalon komandıri, jeke desanttyq-shabýyl batalonynyń komandıri, 1998-2008 jyldary QR QK Áskerı akademııasynyń tyńdaýshysy, Jeke gvardııalyq desanttyq-shabýyl brıgadasy tyl boıynsha bastyǵynyn (tyl uıymdastyrý-josparlaý jumysy boıynsha) orynbasary, brıgada komandıriniń tyl boıynsha orynbasary - jeke gvardııalyq desanttyq-shabýyl brıgadasy tyl bastyǵy, Jeke desanttyq-shabýyl brıgadasy komandıriniń orynbasary - shtab bastyǵy, brıgada komandıri qyzmetterin atqardy. 2008-2010 jyldary QR QK Aeroutqyr áskerleri qolbasshysynyń orynbasary, qolbasshynyń áskerı daıyndyq jónindegi orynbasary - qolbasshy basqarmasynyń jaýyngerlik daıyndyq Basqarmasynyń bastyǵy, 2010 jylǵy sáýirinen QR QK Aeroutqyr áskerleri qolbasshysynyń birinshi orynbasary, QR Qarýshy Kúshteriniń Qurlyq áskerleri Aeroutqyr áskerleriniń qolbasshysy boldy. 2015-2018 jyldary «Batys» óńirlik qolbasshylyǵy áskerleriniń qolbasshysy, 2018-2022 jyldary QR QK Qurlyq áskerleri bas qolbasshysynyń orynbasary (jaýyngerlik daıarlyq boıynsha) - QR QK QK Bas qolbasshysy basqarmasynyń jaýyngerlik daıarlyq bas basqarmasynyń bastyǵy laýazymynda boldy.

Qazirgi qyzmetin 2022 jylǵy maýsym aıynan atqaryp keledi.

ІІ dárejeli «Aıbyn» ordenimen (2010), medaldarmen marapattalǵan.

64 jyl buryn (1959) Batys Qazaqstan oblysy jolaýshylar kóligi jáne avtomobıl joldary basqarmasy qarjy-ekonomıkalyq bóliminiń basshysy Temirbek Núkenuly MOLDAShEV dúnıege keldi.

1982 jyly Batys Qazaqstan aýyl sharýashylyq ınstıtýtyn «Injener-mehanık» mamandyǵy boıynsha bitirdi. 2010 jyly Qazaq qatynas joldary ýnıversıtetin «Qurylys» mamandyǵy boıynsha, 2011 jyly Batys Qazaqstan ınjenerlik gýmanıtarlyq ýnıversıtetin «Quqyqtaný» mamandyǵy boıynsha támámdaǵan.

Eńbek joly: 1982-1984 jyldary Jympıty aýdanynyń Qosoba sovhozynyń mal sharýashylyǵynda ınjener bolyp eńbek etti. 1984-1996 jyldary Qosoba sovhozynyń bas ınjener-mehanıgi, Jympıty aýdandyq agroónerkásip birlestiginiń bas ınjener-mehanıgi, Qosoba sovhozynyń bas ınjeneri qyzmetterinde bolǵan. 2000-2003 jyldary Batys Qazaqstan oblysynyń turǵyn úı-kommýnaldyq, jol sharýashylyǵy jáne kólik basqarmasynyń turǵyn úı-kommýnaldyq bóliminiń bas mamany, 2003-2005 jyldary Batys Qazaqstan oblysynyń jolaýshylar kóligi jáne avtomobıl joldary departamentiniń sýmen qamtamasyz etý bóliminiń bas mamany, 2005-2008 jyldary Batys Qazaqstan oblysynyń jolaýshylar kóligi jáne avtomobıl joldary basqarmasynyń uıymdastyrý, memlekettik satyp alý jáne esep bóliminiń bas mamany, 2008-2012 jyldary Batys Qazaqstan oblysynyń jolaýshylar kóligi jáne avtomobıl joldary basqarmasynyń memlekettik satyp alýdy uıymdastyrý, ótkizý jáne esep bóliminiń bastyǵy qyzmetterin atqardy. 2012-2020 jyldary Batys Qazaqstan oblysynyń jolaýshylar kóligi jáne avtomobıl joldary basqarmasynyń memlekettik satyp alý bóliminiń basshysy boldy.

Qazirgi qyzmetin 2020 jyldyń maýsym aıynan atqaryp keledi.

128 jyl buryn (1895-1983) qazaq balalar ádebıetiniń negizin salýshylardyń biri, aqyn, jazýshy, aýdarmashy Saparǵalı Ysqaquly BEGALIN dúnıege keldi.

Shyǵys Qazaqstan oblysy Abaı aýdanynda týǵan. 1915 jyly Semeı qalasyndaǵy orys-qyrǵyz (qazaq) ýchılışesin bitirgen. 1929-1935 jyldary Degeleń oblystyq atqarý komıtetiniń tóraǵasy, Qarqaraly ýezdik atqarý komıtetiniń múshesi, bólim meńgerýshisiniń orynbasary, aýdandyq halyq sýdıasy boldy. Qazaq eginshilik halyq komıssarıatynda, Túrksib basqarmasynda jaýapty jumystar atqardy. 1935-1960 jyldary «Temirjolshy» gazetinde, Qazaq KSR Ǵylym akademııasynyń Til jáne ádebıet ınstıtýtynda, Qazaqstan Jazýshylar odaǵynda ár túrli qyzmetter atqarǵan. Alǵashqy óleńi «Qazaq bozbalalaryna» degen atpen 1914 jyly «Aıqap» jýrnalynyń №9 sanynda basyldy. Alǵashqy kitaby «Qyran kegi» 1944 jyly jaryqqa shyqty. 1948 jyly basylǵan «Kóksegenniń kórgenderi» povesi artynan orys tiline aýdarylǵan. 50-60 jyldary «Jas butaq», «Ermektiń almasy», «Baqyt», «Jetkinshekter», «Ananyń kúshi», «Mektep túlekteri» áńgimeler jınaqtary, óleńder men poemalar jınaǵy «Syrly qaınar», «Tsımlıan teńizi», «Kóterilgen tyń» shyqqan.

Jazýshy Shoqan Ýálıhanovtyń beınesin jasaýda kóp jumys istegen, nátıjesi – «Shoqannyń balalyq shaǵy», «Shoqan asýlary» povesteri, «Zamana belesteri» romany jaryq kórdi. Halyq aqyndarynyń shyǵarmalaryn suryptap jınaq etip shyǵardy, óner sańlaqtary jóninde, jyr alyby Jambyl Jabaev týraly monografııa jazdy. Kóptegen týyndylary shetel tilderine aýdarylǵan. S. Begalın A. Pýshkınniń, M. Lermontovtyń, D. Mamın-Sıbırıaktyń, N. Leskovtyń jáne taǵy basqa jazýshylardyń shyǵarmalaryn qazaq tiline tárjimalaǵan.

Halyqtar Dostyǵy, 2 ret «Qurmet belgisi» ordenderimen jáne medaldarmen marapattalǵan.