23 jasóspirim esirtki qylmysy úshin ustaldy — ІІM

ASTANA. KAZINFORM —  Іshki ister mınıstrligi ata-analarǵa úndeý jasady.

ІІM esirtki qylmysyna qarsy is-qımyl komıteti kámeletke tolmaǵandardy esirtkiniń aınalymyna tartý faktileriniń jalǵasýyna baılanysty alańdaýshylyq bildirdi.

Bıyl úsh aıda búkil el boıynsha tyıym salynǵan zattardy saqtaýǵa jáne taratýǵa qatysy bar degen kúdikpen 23 jasóspirim ustaldy.

Olardyń ishinde kolledjderdiń birinshi kýrs stýdentteri men 9-11 synyp oqýshylary bar.

— Zańdy bilmeý jaýapkershilikten bosatpaıdy. Esirtki qylmysy úshin qylmystyq jaýapkershilik 16 jastan bastalady. Qazaqstan Respýblıkasynyń Qylmystyq kodeksiniń 296 jáne 297-baptaryna sáıkes esirtkini saqtaǵany jáne taratqany úshin bas bostandyǵynan aıyrý jazasy kózdelgen. Budan basqa, Qylmystyq kodekstiń 299-1-babynda esirtkini, onyń ishinde ınternet jáne áleýmettik jeliler arqyly nasıhattaý men jarnamalaý úshin qylmystyq jaýapkershilik qarastyrylady. Qurmetti ata-analar! Sizderdi balalaryńyzdyń aralasatyn ortasyna jáne olardyń bos ýaqytynda ne isteıtinine erekshe nazar aýdarýǵa shaqyramyz. Qaýiptiń aldyn alý mańyzdy! Balalardyń bolashaǵy bizdiń qolymyzda! Tek birlesip qana biz esirtkisiz qaýipsiz qoǵamdy qura alamyz! — dedi ІІM esirtki qylmysyna qarsy is-qımyl komıteti tóraǵasynyń orynbasary Qýandyq Áljanov.

Aıta ketelik esirtki saqtaǵany úshin 7 jylǵa sottalǵan 21 jastaǵy azamattyń sotyna 1000-nan asa oqýshy qatysqan edi.