2020 jyldan bastap Qazaqstanda OJSB ótkizilmeıdi
Bul týraly QR Bilim jáne ǵylym mınıstri Erlan Saǵadıev Astanada mınıstrlik alqasynyń keńeıtilgen otyrysynda habarlady.
"2020 jyly OJSB ótkizý protsedýrasyn toqtatýdy josparlap otyrmyz. Joǵarǵy oqý oryndaryna akademııalyq erkindik berilgendikten, OJSB ótkizýdiń qajeti joq dep esepteımiz. Bıyl bas tartqymyz-aq keldi, biraq ol úshin zańnamalyq normalar qabyldanýy kerek. Bıylǵy qarashada ınformatıka, qazaq tili, aǵylshyn tili jáne fılosofııadan sońǵy OJSB ótedi dep úmittenemiz", - dedi E. Saǵadıev.
Sonymen birge, mınıstr bıyl pedagogıkalyq mamandyq túlekteriniń ulttyq biliktilik testileýinen ótetinin jetkizdi.
"Bul moderator sanatyn ıelenip, joǵary jalaqy alǵysy keletin túlekterge qatysty. Dıplom alýǵa esh áserin tıgizbeıdi, biraq bolashaqta barlyq pedagogıkalyq mamandyq túlekterine ulttyq biliktilik testileýinen ótý mindetteledi. Muny mindetteýden buryn keń aýqymda talqylaý júrgizemiz", - dedi ol.
Aıta keteıik, buǵan deıin mınıstr volonter-stýdentterge qansha teńge tólenetinin túsindirgen bolatyn.
