2019 jyly Almatyda sýyq sý arzandaıdy

ALMATY. QazAqparat - 2019 jyly Almatyda sýyq sýdyń tarıfi 10 paıyzǵa arzandaıdy, dep habarlaıdy QazAqparat tilshisi.

«Qazirgi tarıf sońǵy 4 jyl ishinde ózgergen emes. Qazir monopolııaǵa qarsy agenttikpen kelisimshart jasalyp jatyr. 1 qańtardan bastap tarıf ózgeredi. 55 teńge 56 tıyn bolǵan 1000 lıtr sýdyń baǵasy 50 teńge bolmaq», - dedi oblystyq kommýnıkatsııalar qyzmetinde ótken brıfıngte «Almaty Sý» RMK resmı ókili Serik Shaǵyrov.

Onyń aıtýynsha, tarıftiń arzandaýy sý tartýǵa da áser etedi. Kanalızatsııa tarıfi 28,8 teńge bolsa, qańtardan bastap 25,7 teńge bolady.

Kompanııa ókilderi atap ótkendeı, tarıfterdi tómendetý shyǵyndardy ońtaılandyrýǵa, bıznes-úderisterge, energııa únemdeýge baılanysty. Sondaı-aq hodldıngtiń 400 qyzmetkeriniń jalaqysyn kóterý usynyldy.  

Tańsholpan Begalyqyzy