2018 jyly Belarýs elinde Qazaqstan mádenı kúnderi ótedi

ASTANA. QazAqparat - 2018 jyly Belarýsta Qazaqstan mádenı kúnderi ótedi, dep habarlaıdy BELTA.

Bul týraly Belarýs Mádenıet mınıstrligi mádenıet jáne taldaý jumystary bas basqarmasynyń bastyǵy Vasılıı Chernık  «Qazaqstan-Belarýs: dıplomatııalyq qarym-qatynastarynyń ornaǵanyna 25 jyl. Qorytyndylary, naqty nátıje men bolashaq»  atty halyqaralyq konferentsııasynda aıtty.

«Mundaı is-sharalar turaqty túrde ótkiziledi. 2014 jyly Astanada Belarýs mádenı kúnderi ótti. 2018 jyly Belarýsta Qazaqstan mádenı kúnderin ótkizý josparlanýda», - dep atap ótti Vasılıı Chernık.

Belarýs pen Qazaqstan arasyndaǵy mádenı qarym-qatynas 1996 jyly 17 qańtarda qabyldanǵan mádenıet, bilim jáne ǵylym salalaryndaǵy yntymaqtastyq týraly úkimetaralyq kelisimge jáne mádenıet jáne óner salalaryndaǵy yntymaqtastyq týraly vedomstvoaralyq kelisimge sáıkes damýda.