2017 jyly Atyraýda 2 myń jer telimi berilgen

ATYRAÝ. QazAqparat - 2017 jyly Atyraý qalasy men qala mańyndaǵy selolyq okrýgterde turǵyn úı salý úshin eki myńǵa jýyq jer telimi berildi, dep habarlaıdy QazAqparat óńirlik kommýnıkatsııalar qyzmetine silteme jasap.

Sondaı-aq, bıznes úshin 86 ýchaske saýda-sattyqqa shyǵarylyp, 43 jer telimi aýktsıonda satyldy.

Qazir oblysta 1998-2004 jyldary ótinish bergenderge jer telimi bólinýde.
Úı salýǵa jer ýchaskesi ınjenerlik kommýnıkatsııalar júrgizilgennen keıin beriledi. Ótken jyly osy maqsatqa 6 mlrd 987 mln teńge bólingen.
Qala ákimi apparatynyń jetekshisi Serik Nysanbaevtyń aıtýynsha, qalalyq bılik jerlerdi qaıtarýdy qolǵa alǵan.  
«Qala ákimi Serik Shapkenov osy máselege aıryqsha nazar aýdaryp otyr. Jer maqsatty paıdalanatyn adamdarǵa ǵana berilýi kerek, - dedi apparat jetekshisi. - Qazir paıdalanylmaǵan jerlerdi sot arqyly qaıtarýdy bastadyq, jalpy aýdany 11,7 ga úsh jer ýchaskesi memleketke qaıtaryldy».