2013 jyldyń áskerı adamy bolyp general-leıtenant Murat Máıkeev atandy
Bul týraly QR Qorǵanys mınıstrliginiń baspasóz qyzmetinen habarlady.
Jyl saıynǵy «Jyl tańdaýy - Jyl adamy» festıvaliniń jeńimpazdaryn marapattaý saltanaty Almaty qalasynda ótkizildi. Abaı atyndaǵy qazaq memlekettik akademııalyq opera jáne balet teatrynda ótken sharada 2013 jyldyń túrli saladaǵy úzdikteriniń esimderi jarııalandy. Olardyń qatarynda áskerı, mádenıet, óner, bıznes, medıtsına, sport jáne taǵy basqa salanyń maıtalmandary bar.
«Qazaqstandaǵy jyl tańdaý № 1» festıvali TMD-nyń bes elinde ótkiziledi jáne halyqaralyq mártebege ıe. Syılyqtyń ıegerlerin áleýmettik saýalnamalardyń kómegi arqyly táýelsiz sarapshylar tańdaıdy.
General-leıtenant Murat Máıkeev 1959 jylǵy 9 qarashada Aqtóbe qalasynda týǵan. 1980 jyly Almaty joǵary jalpyáskerı komandalyq ýchılışesin bitirgen, al 1994 jyly M.V.Frýnze atyndaǵy Áskerı akademııany támamdady.
Áskerı qyzmetin motoatqyshtar polkinde motoatqyshtar vzvody komandırliginen bastady. General-leıtenant Murat Máıkeev ár jyldary motoatqyshtar rotasynyń komandıri, shtab bastyǵy - komandırdiń orynbasary. Motoatqyshtar batalonynyń komandıri, motoatqyshtar quramasynyń komandıri laýazymdarynda boldy.
2002-2003 jyldary - QR QM Tárbıe jáne áleýmettik-quqyqtyq jumystar departamentiniń bastyǵy.
2003-2009 jyldary - QR QK Aeroutqyr áskerleriniń qolbasshysy.
2009-2010 jyldary - QR QM Shtabtar bastyqtary komıteti tóraǵasynyń orynbasary.
2010 jylǵy naýryz aıynda Qazaqstan Respýblıkasynyń Prezıdenti - QR QK Joǵarǵy Bas qolbasshysy Nursultan Ábishuly Nazarbaevtyń Jarlyǵymen QR QK Qurlyq áskerleriniń Bas qolbasshysy bolyp taǵaıyndaldy.
3 dárejeli «Otanǵa qyzmeti úshin», 2 dárejeli «Aıbyn», 2 dárejeli «Dańq» ordenderimen jáne medaldarmen marapattalǵan.