2011-2012 jyldary 108 elde 201 ekonomıkalyq reforma júrgizildi
ALMATY. 23 qazan. QazAqparat - 2011-2012 jyldary álemdegi 108 elde 201 ekonomıkalyq reforma júrgizilgen.
Bul týraly búgin Almatyda jarııalanǵan Dúnıejúzilik bank pen Halyqaralyq qarjy korporatsııasynyń «Bıznesti júrgizý 2013» reıtıngi týraly birlesken baıandamasynda aıtyldy.
«Ekonomıkalyq reformalar qarqynynyń deńgeıi 2011-2012 jyldary Shyǵys Eýropa jáne Ortalyq Azııada 88 paıyz boldy. Al kiris deńgeıi joǵary OESR elderinde - 68 paıyz, saharanyń ońtústiginde ornalasqan Afrıka elderinde - 61 paıyz, Taıaý Shyǵys pen Soltústik Afrıkada - 47 paıyz, Shyǵys Azııa men Tynyq muhıty aımaǵynda - 46 paıyz, Latyn Amerıkasy men Karıbte - 45 paıyz, Ońtústik Azııada - 38 paıyzdy qurady», - deıdi Dúnıejúzilik banktiń jeke sektordy damytý jónindegi aǵa mamany Adrıan Gonsales. Onyń aıtýynsha, Ortalyq Azııanyń 3 memleketi 2005 jyldan beri bıznesti retteýde joǵary nátıjege qol jetkizgen 25 eldiń qatarynda.
