20 tamyz. Tulǵalar týǵan kún
ASTANA. KAZINFORM - Búgin, 20 tamyz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
66 jyl buryn (1959) jazýshy, etnolog, pedagog, professor, tarıh ǵylymdarynyń doktory Jambyl Omaruly ARTYQBAEV dúnıege keldi.
Qaraǵandy oblysynda týǵan. Qaraǵandy memlekettik ýnıversıtetin bitirgen.
Eńbek joly: Qaraǵandy memlekettik ýnıversıtetiniń oqytýshysy, aǵa oqytýshysy, dotsenti, professory, kafedra meńgerýshisi, tarıh fakýltetiniń dekany, Qaraǵandy memlekettik ýnıversıtetiniń zerthana meńgerýshisi, Pavlodar memlekettik ýnıversıtetiniń arheologııa, etnologııa jáne Qazaqstan tarıhy kafedrasynyń meńgerýshisi; L.N. Gýmılev atyndaǵy Eýrazııa ulttyq ýnıversıtetiniń professory. L. N. Gýmılev atyndaǵy EUÝ. 2012 jyly «JOO úzdik oqytýshysy» ataǵynyń ıegeri.
60 jyl buryn (1965) VIII shaqyrylymdaǵy Qazaqstan Respýblıkasy Parlamenti Májilisiniń depýtaty Murat Abdýlamıtuly ÁBENOV dúnıege keldi.
Ol Qyzylorda oblysynda týǵan. 1990 jyly Abaı atyndaǵy qazaq pedagogıkalyq ınstıtýtynyń matematıka jáne ınformatıka fakýltetiniń «Matematıka jáne ınformatıka» pánderiniń muǵalimi mamandyǵyn bitirgen. 2002 jyly Qazaq gýmanıtarlyq-zań ýnıversıtetiniń quqyqtaný fakýltetin zańger mamandyǵy boıynsha bitirgen.
Eńbek joly: 1990-1991 jyldary S. Seıfýllın atyndaǵy №4 orta mektepte ınformatıka jáne esepteý tehnıkasynyń muǵalimi, 1991 jyly Qyzylorda qalalyq bilim basqarmasynyń kadrlar jáne negizgi is-áreket boıynsha ınspektory, 1991-1992 jyldary 1 Mamyr atyndaǵy №1 qazaq mektep-lıtseıi dırektorynyń oqý-tárbıelik is boıynsha orynbasary (Qyzylorda qalasy), 1992 Qyzylorda qalalyq ákimdiginiń qoǵamdyq pikirdi boljaý jáne baspasóz bóliminiń bas mamany, 1993-1998 jyldary «Atameken» JShS-de kommertsııalyq is-áreket boıynsha dırektordyń orynbasary (Apmaty qalasy), 1999-2000 jyldary Qyzylorda oblysy ákimi apparatynyń uıymdastyrýshylyq-baqylaý bóliminiń keńesshisi qyzmetinde boldy. 2000-2002 jyldary Memlekettik qyzmet isteri agenttiginiń Qyzylorda oblysy boıynsha basqarma bastyǵy, 2002-2005 jyldary Qyzylorda oblysy ishki saıasat departamentiniń dırektory, 2005-2007 jyldary Qyzylorda oblysy ákiminiń orynbasary, 2007 jyly Qyzylorda oblysy ákimi apparatynyń jetekshisi, 2007-2011 jyldary QR Parlamenti Májilisi 4-shi shaqyrylymynyń «Nur Otan» HDP tizimi boıynsha depýtaty, QR Parlamenti Májilisinde «Nur Otan» HDP fraktsııasynyń Azamattyq baılanystar jáne azamattyq qoǵam ınstıtýttary boıynsha keńesiniń múshesi. Ekonomıkalyq reforma jáne óńirlik damý komıtetiniń hatshysy. 2012 jyldyń qarashasynan Qazaqstan Respýblıkasynyń Bilim jáne ǵylym vıtse-mınıstri boldy. «Qazaqstan» telearnasynda «Serpilis», 24.kz telearnasynda «Murat Ábenovpen ashyq áńgime» atty avtorlyq baǵdarlamasyn júrgizdi. 2013-2016 jyldary «Órleý» biliktilikti arttyrý ulttyq ortalyǵy» AQ dırektorlar keńesiniń tóraǵasy, 2016-2017 jyldary «Atameken» QR UKP basqarma tóraǵasynyń orynbasary, 2017-2018 jyldary «Atameken» QR UKP prezıdıýmy janyndaǵy aqparattyq-kommýnıkatsııalyq tehnologııalar, bilim jáne ınnovatsııa komıtetiniń tóraǵasy, Prezıdentiniń janyndaǵy ulttyq qoǵamdyq senim keńesiniń múshesi, 2018 jyly «Serpin» Ulttyq bilim jáne ınnovatsııalar palatasynyń prezıdenti laýazymyn atqarǵan. 2022-2023 jyldary QR Densaýlyq saqtaý mınıstriniń keńesshisi boldy.
2023 jyldyń naýryz aıynan bastap qazirgi qyzmetinde.
54 jyl buryn (1971) Soltústik Qazaqstan oblysy ákiminiń birinshi orynbasary Marat Imanbaıuly TASMAǴANBETOV dúnıege keldi.
Ǵalym-agronom, ekonomıst mamandyqtary boıynsha Kókshetaý aýyl sharýashylyǵy ınstıtýtyn, Almaty ekonomıka jáne statıstıka ınstıtýtyn támamdaǵan.
Eńbek jolyn «Prıvalnoe» keńsharynda brıgadır esepshisi bolyp bastady. «Zapodnoe» keńsharynda agronom, agronom-tuqym ósirýshi, bas agronomy; Kókshetaý oblysynda «Batys Qazaqstan» JShS dırektory, Ǵabıt Músirepov atyndaǵy aýdanda «Vest» JShS dırektory bolyp jumys istegen. 2006-2014 jyldary Ǵ.Músirepov atyndaǵy aýdannyń ákimi, 2014-2019 jyldary Petropavl qalasynyń ákimi
2019 jyldyń naýryz aıynan bastap qazirgi qyzmetinde.
«Qurmet», «Parasat» ordenderiniń ıegeri.
45 jyl buryn (1980) Shyǵys Qazaqstan oblystyq máslıhatynyń tóraǵasy Denıs Sergeevıch RYPAKOV dúnıege keldi.
Almaty qalasynda týǵan. Qazaq sport jáne týrızm akademııasyn «Dene shynyqtyrý muǵalimi» mamandyǵy boıynsha bitirgen (2001).
Eńbek joly: «Qazaqstan Respýblıkasynyń shtattyq qurama komandalary jáne sporttyq rezerv dırektsııasy» bóliminiń nusqaýshysy, Astana q. (2001-2005); Ulttyq qaýipsizdik komıtetiniń áskerı ınstıtýtynyń qyzmetkeri (2005-2007); «Ǵajaıyp jumysshy» TOO jarnama agenttigi dırektorynyń orynbasary (2007); «Qazaqstan Respýblıkasynyń shtattyq qurama komandalary jáne sporttyq rezerv dırektsııasy» jattyqtyrýshy-oqytýshy (2007-2013); Shyǵys Qazaqstan oblysy dene shynyqtyrý jáne sport basqarmasynyń «Shyǵys Qazaqstan oblystyq jeńil atletıkadan olımpıadalyq rezervtiń mamandandyrylǵan mektebi» KMM dırektory (2013-2019); «Shyǵys Qazaqstan oblysynyń dene shynyqtyrý jáne sport basqarmasy» memlekettik mekemesiniń basshysy (2019-2021); Shyǵys Qazaqstan oblystyq máslıhatynyń hatshysy (2021-2023).
2023 jyldyń naýryz aıynan bastap qazirgi qyzmetinde.
38 jyl buryn (1987) Óskemen qalasynyń prokýrory Tımýr Qaıratuly ChAQPANTAEV dúnıege keldi.
Shyǵys Qazaqstan oblysynda dúnıege kelgen. S.Amanjolov atyndaǵy Shyǵys Qazaqstan memlekettik ýnıversıtetin «Quqyqtaný» mamandyǵy boıynsha bitirgen.
Eńbek joly: Shyǵys Qazaqstan oblysy, Óskemen qalasy, Rıdder qalasy prokýrorynyń kómekshisi; Shyǵys Qazaqstan oblysy prokýratýrasy prokýrorynyń kómekshisi; Shyǵys Qazaqstan oblysynyń mamandandyrylǵan tabıǵatty qorǵaý prokýrorynyń aǵa kómekshisi; Shyǵys Qazaqstan oblysy prokýrorynyń aǵa kómekshisi; Shyǵys Qazaqstan oblysy, Óskemen qalasy, Glýbokovskıı aýdany prokýrorynyń orynbasary.
2024 jyldyń maýsym aıynan bastap qazirgi qyzmetinde.