2 myń tonna sábiz ımporttaý qajet - AShM

ASTANA. QazAqparat – 2 myń tonna sábiz ımporttaý qajet. Bul týraly Úkimet otyrysynda Aýyl sharýashylyǵy mınıstri Erbol Qarashókeev aıtty, dep habarlaıdy QazAqparat tilshisi.

«Sábiz kelisimsharttaryna keletin bolsaq, kartop sııaqty jaǵdaı qalyptasýda. ıAǵnı joǵaryda atalǵan úsh oblystyń ákimdikteri qajettilik kólemin azaıtty. Jalpy, óńirler kelisimsharttarynyń kólemi 28,8 myń tonnany quraıdy. Kelisimsharttardyń kólemi 100 paıyzdan asatyn jasyl aımaqta 11 óńir tur», - dedi Erbol Qarashókeev.

Onyń dereginshe, kelisimsharttar kólemi 50-den 100 paıyzǵa deıingi sary aımaqta 8 óńir ornalasqan.

«Pavlodar oblysy qyzyl aımaqta. Onda kelisimsharttardyń kólemi 50 paıyzdan tómen. Bul rette, joǵaryda atap ótkendeı, oblysta jergilikti óndirýshilermen 5 myń tonnaǵa memorandýmdar bar. Importqa qajettilik – 2 myń tonnany, erte pisetin kókónisterge qajettilik 3,8 myń tonnany quraıdy», - dedi mınıstr.