19 shilde. Tulǵalar týǵan kún
ASTANA. QazAqparat – Búgin, 19 shilde kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
65 jyl buryn (1960) fılolog, ádebıet synshysy, rejısser, stsenarıst Ǵalym Tólembekuly DOSKEN dúnıege keldi.
Abaı atyndaǵy Qazaq pedagogıkalyq ınstıtýtyn bitirgen. Ár jyldary «Qazaqstan respýblıkalyq televıdenıe jáne radıo korporatsııasy» JAQ basqarma tóraǵasynyń birinshi orynbasary (2001-2002); «Qazaqstan» respýblıkalyq teleradıokorporatsııasy» AQ basqarma tóraǵasy (2002-2006); «El» prodıýserlik ortalyǵynyń kórkemdik jetekshisi (2007 jyldan bastap) bolyp qyzmet etken.
«Sáýleni kútý», «Uly dala astanalary», «Mańǵystaý qabirleriniń túsi», «Joǵalǵan jaryq hronıkasy» jáne t.b. fılmderiniń, «Toǵyz quıryqty aq túlki», «Sıqyrly fleıta», «Bıleıtin qus» kitaptarynyń, «Jeztyrnaq» baleti lıbrettosynyń, aýdarmalardyń avtory.
61 jyl buryn (1964) Batys Qazaqstan oblysynyń ákimi Narıman Tóreǵalıuly TÓREǴALIEV dúnıege keldi.
Taıpaq aýdany Esensaı aýylynda týǵan. Bilimi joǵary, 1990 jyly Jambyl gıdromelıoratıvtik-qurylys ınstıtýtyn – ınjener-ekonomıst, 2004 jyly Kaspıı qoǵamdyq ýnıversıtetin zańger mamandyǵy boıynsha bitirgen. Eńbek jolyn 1981 jyly «Esensaı» keńsharynda jumysshy bolyp bastaǵan ol 1982-1984 jyldary Vengrııada áskerı boryshyn ótedi. Eńbek jolynda Terekti aýdandyq eńbek jáne halyqty áleýmettik qorǵaý bóliminiń bastyǵy, Oral qalasyndaǵy jalpy úlgidegi ınternat úıiniń dırektory, oblystyq jumyspen qamtý jáne áleýmettik baǵdarlamalardy úılestirý basqarmasy bastyǵynyń orynbasary, oblystyq jumyspen qamtý jáne áleýmettik baǵdarlamalardy úılestirý departamenti dırektorynyń orynbasary syndy jaýapty qyzmetterdi atqardy. 2008-2010 jyldary Tabıǵı monopolııalardy retteý agenttigi Batys Qazaqstan oblystyq departamentiniń dırektory boldy. Al 2010-2012 jyldary oblystyq jumyspen qamtý jáne áleýmettik baǵdarlamalardy úılestirý basqarmasynyń bastyǵy. 2012-2015 jyldar aralyǵynda Aqjaıyq aýdanynyń, 2016-2017 jyldary Oral qalasynyń ákimi boldy. Parlament Senatynyń depýtaty (2017-2022).
Qazirgi qyzmetinde 2022 jyldan beri. Qurmet ordenimen marapattalǵan.
53 jyl buryn (1972) Qazaqstan Respýblıkasy Densaýlyq saqtaý mınıstrligi apparat basshysy Bolat Turǵanuly TÓKEJANOV dúnıege keldi.
Shyǵys Qazaqstan oblysynda dúnıege kelgen. Qazaq memlekettik basqarý akademııasyn bitirgen, ekonomıst (1994); Qazaqstan Respýblıkasy Prezıdentiniń janyndaǵy Memlekettik basqarý akademııasynyń Memlekettik saıasattyń ulttyq mektebi, memlekettik jáne jergilikti basqarý magıstri (2010).
Eńbek joly: Shyǵys Qazaqstan oblysy boıynsha ǵylymı-zertteý ınstıtýtynyń aǵa salyq ınspektory (1994-1995); Mindetti medıtsınalyq saqtandyrý qory Shyǵys Qazaqstan oblystyq fılıalynyń jetekshi mamany, qarjy bóliminiń basshysy, dırektorynyń orynbasary (1996-1998); Medıtsınalyq qyzmetke aqy tóleý ortalyǵynyń Shyǵys Qazaqstan oblystyq fılıaly dırektorynyń orynbasary, dırektory (1999-2000); «Densaýlyq» respýblıkalyq memlekettik kásiporny Shyǵys Qazaqstan oblystyq fılıalynyń dırektory (2001); Shyǵys Qazaqstan oblysynyń aqparattyq-medıtsınalyq ortalyǵynyń dırektory (2001-2003); Basqarma basshysy, strategııalyq damý jáne halyqaralyq baılanystar basqarmasynyń bastyǵy, ekonomıka jáne qarjy departamenti dırektorynyń orynbasary (2003-2009); Qazaqstan Respýblıkasy Densaýlyq saqtaý mınıstrliginiń Strategııalyq damý departamentiniń dırektory (2010-2013); Qazaqstan Respýblıkasy Densaýlyq saqtaý vıtse-mınıstri (2013-2014); «Qazaqstan Respýblıkasynyń densaýlyq saqtaý sektoryndaǵy tehnologııalar transferti jáne ınstıtýtsıonaldyq reforma» jobasynyń ulttyq úılestirýshisi (menedjeri) (2014-2017); Qazaqstan Respýblıkasy Densaýlyq saqtaý mınıstrliginiń Jaýapty hatshysy (2017-2019); «Áleýmettik medıtsınalyq saqtandyrý qory» AQ Basqarma tóraǵasy (07.2020-2022); Qazaqstan Respýblıkasy Ǵylym jáne joǵary bilim mınıstrliginiń apparat basshysy (2022-2023); Qazaqstan Respýblıkasy Eńbek jáne halyqty áleýmettik qorǵaý mınıstrliginiń Apparat basshysy (2023-2025).
2025 jyldyń naýryz aıynan bastap qazirgi qyzmetinde.
«Qurmet» ordenimen marapattalǵan (2018).
47 jyl buryn (1977) Qazaqstan Respýblıkasy Tótenshe jaǵdaılar mınıstrligi Azamattyq qorǵanys jáne áskerı bólimder komıteti tóraǵasynyń orynbasary Alekseı Sergeevıch SOVETOV dúnıege keldi.
Kókshetaý qalasynda týǵan. Sh.Ýálıhanov atyndaǵy Kókshetaý memlekettik ýnıversıtetin bitirgen (1999); Reseı Tótenshe jaǵdaılar mınıstrliginiń Azamattyq qorǵanys akademııasy úzdik jáne altyn medalmen bitirgen (2008).
Eńbek joly: Qazaqstan Respýblıkasy Tótenshe jaǵdaılar mınıstrligi Aqmola oblystyq tótenshe jaǵdaılar departamenti aqparat, baılanys jáne habarlandyrý bóliminiń aǵa ofıtseri (1999-2001); Qazaqstan Respýblıkasy Tótenshe jaǵdaılar mınıstrligi Aqmola oblystyq tótenshe jaǵdaılar departamenti aqparat, kommýnıkatsııalar jáne habardar etý basqarmasynyń aǵa ofıtseri (2001-2005); Qazaqstan Respýblıkasy Tótenshe jaǵdaılar mınıstrligi Aqmola oblysy Tótenshe jaǵdaılar departamenti baılanys, aqparattandyrý jáne habarlandyrý basqarmasynyń bastyǵy (2005-2009); Qazaqstan Respýblıkasy Tótenshe jaǵdaılar mınıstrligi Azamattyq qorǵanys, áskerı bólimder jáne jedel áreket etý departamentiniń aǵa ofıtseri (2009-2010); Qazaqstan Respýblıkasy Tótenshe jaǵdaılar mınıstrligi Tótenshe jaǵdaılardy joıý departamenti Tótenshe jaǵdaılardy joıý kúshteri men quraldary basqarmasynyń bastyǵy (2010-2012); Qazaqstan Respýblıkasy Tótenshe jaǵdaılar mınıstrligi Tótenshe jaǵdaılardy joıý departamentiniń Tótenshe jaǵdaılardy joıý kúshteri men quraldary departamenti dırektorynyń orynbasary – bastyǵy (2012-2014); Qazaqstan Respýblıkasy Tótenshe jaǵdaılar mınıstrligi Tótenshe jaǵdaılardy joıý departamentiniń dırektory (2014); Qazaqstan Respýblıkasy Іshki ister mınıstrligi Tótenshe jaǵdaılardy joıý departamentiniń bastyǵy (2014-2016); Qazaqstan Respýblıkasy Іshki ister mınıstrligi Aqmola oblysy Tótenshe jaǵdaılar departamentiniń bastyǵy (2016-2020).
2020 jyldyń jeltoqsan aıynan beri qazirgi qyzmetinde.