Búgin elimizde segiz qalanyń aýa sapasy buzylatyny habarlandy

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.

— 19 naýryzda aýanyń lastanýynyń qolaısyz meteorologııalyq jaǵdaıy Qostanaı, Pavlodar, Óskemen, Rıdder, Oral, Aqtóbe, Almaty, Astana qalalarynda kútiledi, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Eske sala ketsek, Almatyda júzdegen avtobýs aýa sapasynyń buzylýyna sebepshi bolǵan.