19 aqpan. Tulǵalar týǵan kún
Búgin, 19 aqpan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
59 jyl buryn (1965) belgili jýrnalıst Mahat Kábiruly SADYQ dúnıege keldi.
Semeı oblysynda týǵan. QazMUÝ-dyń jýrnalıstıka fakýltetin, RF Úkimeti janyndaǵy Halyq sharýashylyǵy akademııasyn, Halyqaralyq bıznes akademııasyn bitirgen.
Eńbek jolyn 1989 jyly Qazaq radıosynyń tilshisi bolyp bastady. Keıin Qazaq televızııasynda baǵdarlamalar jetekshisi, 1995 jyly «Habar» agenttiginde redaktor, kommentator, «Jeti kún» baǵdarlamasynyń avtory, júrgizýshisi boldy. 1997 jyly «Habar» agenttiginiń atqarýshy prodıýseri, Astanadaǵy fılıalynyń jetekshisi, 1999 jyly «Qazaqstan» telearnasynda aqparattyq baǵdarlamalardyń bas redaktory, «Úsh anyq» aqparattyq baǵdarlamasynyń júrgizýshisi, 2000-2005 jyldary «Qazaqstan Prezıdenti Teleradıokesheniniń» bas dırektory bolyp jumys atqardy. 2005-2006 jyldary «Makhat — Studio» JShS Bas dırektory, «Fototeleradıo» jýrnalynyń bas redaktory, 2006-2007 jyldary QR Aqparat jáne mádenıet mınıstrligi Aqparat jáne muraǵat komıteti tóraǵasynyń orynbasary, 2007-2008 jyldary QR Parlamenti Senaty baspasóz qyzmetiniń jetekshisi, 2008 jyly QR Parlamenti Senaty tóraǵasynyń keńesshisi, keıingi jyldary «Qazaqstan» RTRK AQ basqarma tóraǵasynyń orynbasary, aqparattyq-saraptamalyq baǵdarlamalar dırektsııasynyń dırektory, Shyǵys Qazaqstan oblysy ákiminiń orynbasary, «Qazaqstan» RTRK AQ «Astana» radıosynyń dırektory, «Qazaqstan» RTRK AQ Qazaq radıosynyń dırektory, «QazAqparat» HAA bas dırektorynyń keńesshisi qyzmetterin atqarǵan.
Memlekettik «Daryn» jastar syılyǵynyń, «Altyn juldyz» syılyǵynyń ıegeri, Qazaqstan Prezıdenti stıpendııasynyń ıegeri. «Derekti fılmnen úlken kınoǵa deıin» kitabynyń, 25 derekti fılmniń avtory. Fılosofııa ǵylymynyń doktory, Halyqaralyq televıdenıe jáne radıo akademııasynyń akademıgi. Qazaqstan Respýblıkasynyń Eńbek sińirgen qaıratkeri.
55 jyl buryn (1969) Batys Qazaqstan oblystyq máslıhat tóraǵasy Murat Rahmetuly MUQAEV dúnıege keldi.
Batys Qazaqstan oblysy Fýrmanov aýdany Fýrmanov aýylynda dúnıege kelgen. Batys Qazaqstan aýyl sharýashylyǵy ınstıtýtyn býhgalterlik esep-ekonomıst mamandyǵy boıynsha bitirgen.
1992-1994 jyldary Fýrmanov aýdany memlekettik salyq ınspektsııasynyń esepke alý ınspektory, 1994-1996 jyldary BQO «Igilik bank» fılıalynyń jetekshi mamany, nesıleý jáne qarajat aınalymy bóliminiń jetekshi mamany, aǵa mamany, 1996-1997 jyldary Qazaqstan Halyq Jınaqtaýshy bankiniń Batys Qazaqstan oblystyq fılıalynyń býhgalterlik esep jáne birińǵaı qor shoty bóliminiń býhgalteri, operatsııalyq jumys basqarmasynyń zańdy tulǵalarmen jumys bóliminiń menedjeri, 1997-1998 jyldary Batys Qazaqstan oblysy boıynsha kedendik baqylaý basqarmasy «Saıhyn» kedendik beketiniń ınspektory, 1999-2004 jyldary QR kedendik baqylaý agenttiginiń Batys Qazaqstan oblysy boıynsha keden basqarmasynyń kedendik tólemder bóliminiń basshysy, kedendik túsimder bóliminiń basshysy, basqarmasy basshysynyń orynbasary, departament basshysynyń orynbasary, 2004-2007 jyldary QR Qarjy mınıstrliginiń kedendik baqylaý komıtetiniń Batys Qazaqstan oblysy boıynsha kedendik baqylaý departamentiniń «Oral-kedendik resimdeý ortalyǵy» beketi basshysynyń mindetin atqarýshysy, kedendik baqylaý departamentiniń «Oral-kedendik resimdeý ortalyǵy» beketiniń basshysy boldy. 2007-2009 jyldary QR Qarjy mınıstrliginiń kedendik baqylaý komıtetiniń Shyǵys Qazaqstan oblysy boıynsha kedendik baqylaý departamentiniń «Óskemen-kedendik resimdeý ortalyǵy» beketi basshysynyń mindetin atqarýshysy, kedendik baqylaý departamentiniń «Óskemen-kedendik resimdeý ortalyǵy» beketiniń basshysy, 2009-2011 jyldary QR qarjy mınıstrliginiń kedendik baqylaý komıtetiniń Batys Qazaqstan oblysy boıynsha kedendik baqylaý departamentiniń «Tasqala» kedendik beketiniń basshysy, 2011-2013 jyldary Oral qalalyq kásipkerlik bóliminiń basshysy, 2013-2016 jyldary BQO Jánibek aýdanynyń ákimi, 2016-2017 jyldary BQO Terekti aýdanynyń ákimi, 2017-2019 jyldary BQO Oral qalasynyń ákimi, 2019-2022 jyldary «Nur Otan» partııasy Batys Qazaqstan oblystyq fılıal tóraǵasynyń birinshi orynbasary, 2022-2023 jyldary «AMANAT» partııasy Batys Qazaqstan oblystyq fılıalynyń tóraǵasy qyzmetin atqarǵan.
Qazirgi qyzmetin 2023 jyldan bastap atqaryp keledi.
51 jyl buryn (1973) «City Transportation Systems» JShS tóraǵasynyń orynbasary — basqarma múshesi Abat Abaıuly ShYNYBEKOV dúnıege keldi.
Batys Qazaqstan aýyl sharýashylyq ınstıtýtyn «Aýyl sharýashylyǵyn mehanıkalandyrý», «Eýrazııa» Batys Qazaqstan menedjment jáne tilder ınstıtýtyn «Ekonomıka jáne menedjment», Batys Qazaqstan ınjenerlik-gýmanıtarlyq ýnıversıtetin «Aqparattyq júıeler» mamandyqtary boıynsha bitirgen.
Eńbek jolyn 1995 jyly Qaratóbe aýdany Egindibulaq sovhozynda ınjener-mehanık bolyp bastady. 1995-2000 jyldary Qaratóbe aýdany ákimi apparatynda maman, bas maman, bólim meńgerýshisi qyzmetterin atqardy. 2000-2003 jyldary BQO ákimi apparatynyń bas mamany, bas ınspektory, 2003-2006 jyldary Kaztalov aýdany ákiminiń orynbasary, 2006-2007 jyldary QR BǴM «Respýblıkalyq biliktilikti rastaý jáne berý ortalyǵy» RMKK BQO boıynsha fılıal dırektory, 2007 jyly Oral qalasynyń dene shynyqtyrý jáne sport bóliminiń basshysy qyzmetin atqardy. 2007-2008 jyldary Oral qalasy ákiminiń keńesshisi, 2008-2012 jyldary «Nur Otan» HDP BQO fılıaly tóraǵasynyń orynbasary, 2012-2013 jyldary Oral qalalyq máslıhatynyń hatshysy, 2013-2017 jyldary BQO Syrym aýdanynyń ákimi, 2017-2019 jyldary BQO Kaztalov aýdanynyń ákimi. 2019-2022 jyldary Oral qalasynyń ákimi, 2022-2023 jyldary Batys Qazaqstan oblysy ákiminiń apparat basshysy qyzmetin atqarǵan.
Qazirgi qyzmetinde — 2023 jyldyń qyrkúıek aıynan bastap.
44 jyl buryn (1980) BQO boıynsha Ekonomıkalyq tergep-tekserý departamentiniń basshysy Asylbek Ábilhaıyruly DÚISENOV dúnıege keldi.
Aqmola oblysy, Zerendi aýdanynda dúnıege kelgen. 2001 jyly Almaty ekonomıka jáne statıstıka ınstıtýtyn «Býhgalterlik esep jáne aýdıt» mamandyǵy boıynsha, 2004 jyly D. Qonaev atyndaǵy ýnıversıtetin «Quqyqtaný» mamandyǵy boıynsha jáne 2016 jyly Qazaq sport jáne týrızm akademııasyn «Karate jattyqtyrýshysy» mamandyǵy boıynsha bitirgen.
Eńbek joly: 2001-2023 jyldary quqyq qorǵaý qyzmetinde ártúrli laýzymdarda jumys atqardy. 2023 jylǵy 6 sáýirde QR Qarjylyq monıtorıng agenttigi tóraǵasynyń buıryǵymen Batys Qazaqstan oblysy boıynsha Ekonomıkalyq tergep-tekserý departamenti basshysynyń mindettin ýaqytsha atqardy.
Qazirgi qyzmetin 2023 jylǵy qyrkúıekten bastap atqaryp keledi.
36 jyl buryn (1988) «CASPI BITUM» BK» JShS Bas dırektorynyń birinshi orynbasary Talǵat Dúısenbıuly MUQANOV dúnıege keldi.
Balqash qalasynda týǵan. 2010 jyly Qazaq ulttyq tehnıkalyq ýnıversıtetin, Munaı jáne gaz ınstıtýtyn (Almaty, Qazaqstan) organıkalyq zattardyń hımııalyq tehnologııasy mamandyǵy boıynsha bitirdi.
Eńbek joly: 2011-2013 jyldary «Pavlodar munaıhımııa zaýyty» JShS (Pavlodar, Qazaqstan) — tehnologııalyq qondyrǵylardyń operatory, 2013-2014 jyldary «CASPI BITUM» BK» JShS ELOU-AVT tsehynyń tehnologııalyq qondyrǵylarynyń aǵa operatory, bıtýmdy tolyqtyrý jáne modıfıkatsııalaý tsehynyń aǵa operatory, 2014-2019 jyldary «CASPI BITUM» BK» JShS ELOU-AVT bıtýmyn totyqtyrý jáne modıfıkatsııalaý tsehynyń bastyǵy, 2019-2020 jyldary «CASPI BITUM» BK» JShS tehnıkalyq bóliminiń bastyǵy/bas tehnolog qyzmetin atqarǵan.
Qazirgi qyzmetinde — 2020 jyldyń naýryz aıynan bastap.
103 jyl buryn (1921-2011) — Qazaqstannyń tanymal qoǵam jáne memleket qaıratkeri, ulttyq memlekettiligimizdi ornatýǵa jáne onyń evolıýtsııalyq damýyna negiz qalaýshylardyń biri, birtýar ǵalym, zań ǵylymynyń doktory, professor, Qazaqstannyń eńbek sińirgen ǵylym qaıratkeri, QR Memlekettik syılyǵynyń laýreaty Salyq ZIMANOV dúnıege kelgen.
Atyraý qalasynda týǵan. Búkilodaqtyq zań ınstıtýtyn bitirgen.
Ekinshi dúnıejúzilik soǵysqa qatysqan. 1944-1945 jyldary dıvızıon, mınomet polki, artılerııa polki komandıri bolyp, polkovnık shenimen áskerı qyzmetten bosaǵan. 1946-1947 jyldary Gýrev oblystyq prokýratýrasynyń tergeýshisi, aǵa tergeýshisi, 1947-1948 jyldary Qazaq KSR Prokýratýrasy janyndaǵy erekshe mańyzdy ister jónindegi tergeýshi, 1948-1952 jyldary QR Ǵylym akademııasy quqyq sektorynyń aspıranty, aǵa ǵylymı qyzmetkeri, sektor meńgerýshisi, 1952-1958 jyldary Almaty memlekettik zań ınstıtýtynyń dırektory, Qazaq memlekettik ýnıversıteti zań fakýltetiniń dekany bolyp qyzmet atqarǵan. 1958-1969 jyldary QR Ǵylym akademııasy Fılosofııa jáne quqyq ınstıtýtynyń dırektory, 1969-1976 jyldary osy ınstıtýttyń bólim meńgerýshisi bolǵan. 1976-1977 jyldary QR Ǵylym akademııasy Tóralqasynyń bas ǵylymı-hatshysy, 1992-1994 jyldary QR Ǵylym akademııasy Memleket jáne quqyq ınstıtýtynyń bas ǵylymı qyzmetkeri, 1992-1993 jyldary QR Joǵarǵy Keńesi Ardagerler men múgedekter jónindegi komıtetiniń tóraǵasy, 1994-1995 jyldary QR Joǵarǵy Keńesi Konstıtýtsııalyq zańnama jáne adam quqyǵy jónindegi komıtetiniń tóraǵasy, 1995-2005 jyldary «Parasat» akademııalyq ýnıversıtetiniń rektory, 2005-2011 jyldary «Intellektýal-Parasat» JShS prezıdenti qyzmetin atqardy.
Atyraý oblysynyń Qurmetti azamaty. Zımanov «Qazaq KSR-iniń memlekettik egemendigi týraly Deklaratsııanyń» jobasyn daıyndaý jónindegi komıssııany basqaryp, «Qazaqstan Respýblıkasynyń memlekettik táýelsizdigi týraly» Konstıtýttsııalyq Zańnyń jobasyn daıyndaý jónindegi komıssııanyń jetekshi músheleriniń biri boldy. Ǵalym 2001-2002 jyldary 1-shi jáne 2-shi tomdary jaryq kórgen 10 tomdyq «Qazaqtyń ata zańdary» entsıklopedııasyna ǵylymı jetekshilik jasaǵan. «Parasat», eki márte 1-shi dárejeli Otan soǵysy, Qyzyl Juldyz, Halyqtar dostyǵy ordenderimen, «Kavkazdy qorǵaǵany úshin», «Kenıgsbergti alǵany úshin» medaldarymen marapattalǵan.
