18 qarasha. Tulǵalar týǵan kún

Búgin, 18 qarasha kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.

72 jyl buryn (1951) memleket jáne qoǵam qaıratkeri, «Ardagerler uıymy» RQB elordalyq fılıalynyń tóraǵasy, Astana qalasynyń qurmetti azamaty Sansyzbaı Seıitjanuly ESІLOV dúnıege keldi.

Aqmola oblysynda týǵan. 1979 jyly Tselınograd ınjenerlik-qurylys ınstıtýtyn bitirgen, ınjener-qurylysshy. 1988 jyly Almaty joǵary partııa mektebin bitirgen, qoǵamdyq pánder muǵalimi.

Eńbek joly:1970-1975 jyldary Astrahan oblysy Jaltyr stantsııasynda slesar, tehnık, aǵa jol sheberi, 1975-1986 jyldary Astrahan aýdandyq partııa komıtetiniń nusqaýshysy, uıymdastyrý bóliminiń meńgerýshisi, Tselınograd oblysy Teńiz aýdandyq partııa komıtetiniń hatshysy, 1988-1991 jyldary Tselınograd oblystyq partııa komıteti bólim meńgerýshisiniń orynbasary, 1991-1992 jyldary Aqmola aýmaqtyq memlekettik múlik komıteti tóraǵasynyń orynbasary, 1992-1993 jyldary Memlekettik múlikti basqarý jónindegi Aqmola aýmaqtyq komıtetiniń tóraǵasy, 1993-1995 jyldary Aqmola oblystyq ákimshiligi basshysynyń orynbasary, 1996-1997 jyldary QR Memlekettik múlikti basqarý jónindegi memlekettik komıteti tóraǵasynyń orynbasary, 1997 jyly Aqmola oblysy ákimi apparatynyń basshysy, 1997-2000 jyldary Astana qalasy ákiminiń orynbasary qyzmetin atqardy. 2001-2007 jyldary Astana qalasy ákiminiń birinshi orynbasary boldy. «Nur Otan» HDP partııalyq tizimi boıynsha IV saılanǵan QR Parlamenti Májilisiniń depýtattyǵyna kandıdat, 2007-2011 jyldary IV shaqyrylymdaǵy QR Parlamenti Májilisiniń depýtaty, 2012-2016 jyldary Astana qalasy máslıhatynyń hatshysy, Astana qalasy Qoǵamdyq keńesiniń tóraǵasy qyzmetin atqardy.

«Qurmet», ІІ dárejeli «Dostyq», ІІІ dárejeli «Barys», medaldarmen marapattalǵan.

64 jyl buryn (1959) qazaq ınjener-qurylysshysy, Sh. Esenov atyndaǵy Kaspıı memlekettik tehnologııalar jáne ınjınırıng ýnıversıtetiniń eks-rektory Ádilbek Qojabekuly BOTABEKOV dúnıege keldi.

1982 jyly V.V. Kýıbyshev atyndaǵy Máskeý ınjenerlik-qurylys ınstıtýtyn bitirgen, ınjener-qurylysshy, tehnıka ǵylymdarynyń kandıdaty.

Eńbek joly: 1982-1985 jyldary Almaty sáýlet-qurylys ınstıtýtynda oqytýshy, 1986-1988 jyldary Máskeýdegi Kýcherenko atyndaǵy Ortalyq qurylys qurylymdary ǵylymı-zertteý ınstıtýtynyń aspıranty, 1988-2009 jyldary Qazaq bas sáýlet-qurylys akademııasynyń oqytýshysy, dotsenti, professory, fakýltet dekany, prorektory, vıtse-prezıdenti, 2008-2013 jyldary M. Tynyshpaev atyndaǵy Qazaq kólik jáne kommýnıkatsııalar akademııasynyń prezıdent-rektory, 2013-2017 jyldary Sh. Esenov atyndaǵy Kaspıı memlekettik tehnologııalar jáne ınjınırıng ýnıversıtetiniń rektory qyzmetin atqardy.

«Qurmet» ordenimen, «QR táýelsizdigine 20 jyl», «QR ǵylymyn damytýǵa sińirgen eńbegi úshin» tósbelgisimen marapattalǵan. QR bilim berý isiniń qurmetti qyzmetkeri, 40-tan astam ǵylymı jáne oqý-ádistemelik jumystardyń avtory.

63 jyl buryn (1960) memleket jáne qoǵam qaıratkeri Málik Imanqululy QULShAR dúnıege keldi.

Oral oblysy (qazirgi Batys Qazaqstan) Jánibek aýdanynda dúnıege kelgen.

1982 jyly Almaty qalasyndaǵy S. Kırov atyndaǵy (qazirgi ál-Farabı atyndaǵy QazUÝ) qazaq memlekettik ýnıversıtetiniń matematıka fakýltetin bitirdi.

1982-1984 jyldary Oral oblysy Jánibek aýdany Abaı atyndaǵy mektep-ınternatynyń oqytýshysy. 1984-1993 jyldary Jánibek aýdandyq, Batys Qazaqstan oblystyq komsomol komıtetterinde bólim meńgerýshisi, birinshi hatshy, 1993-1996 jyldary Batys Qazaqstan oblystyq ákimshiliginde aǵa referent, bólim meńgerýshisiniń orynbasary, 1996-1998 jyldary Batys Qazaqstan oblystyq «Baldyrǵan» balalar qorynyń atqarýshy dırektory, 1998-2001 jyldary Batys Qazaqstan oblysy ákiminiń orynbasary, 2001-2004 jyldary Batys Qazaqstan oblystyq bilim basqarmasy basshysynyń orynbasary, 2004-2007 jyldary Batys Qazaqstan oblysy, Kaztalov aýdanynyń ákimi, 2007-2020 jyldary Batys Qazaqstan oblystyq máslıhatynyń hatshysy qyzmetin atqardy. 2021-2023 jyldary VII saılanǵan QR Parlamenti Májilisiniń depýtaty, Qarjy jáne bıýdjet komıtetiniń múshesi.

«Parasat» ordenimen marapattalǵan.

60 jyl buryn (1963) QR Parlament májilisiniń depýtaty, palýan, grek-rım kúresinen eńbek sińirgen sport sheberi, Qazaqstannyń eńbek sińirgen qaıratkeri, Qazaqstan jáne Qyrǵyzstan Respýblıkalarynyń eńbek sińirgen jattyqtyrýshysy Dáýlet Bolatuly TURLYHANOV dúnıege keldi.

Shyǵys Qazaqstan oblysynyń Jarma aýdanynda týǵan. Týrızm jáne sport akademııasyn, ál-Farabı atyndaǵy Qazaq ulttyq ýnıversıtetin bitirgen. Ol Qazaqstannyń jáne halyqaralyq týrnırlerdiń jeńimpazy, KSRO-nyń jeti dúrkin chempıony, KSRO halyqtary spartakıadasynyń kúmis júldegeri, jáne jeńimpazy, Eýropa chempıony, Álem chempıony jáne kúmis júldegeri, qola júldegeri, Álem kýboginiń eki márte jeńimpazy, HІІ Azııa oıyndarynyń jeńimpazy, Azııanyń eki dúrkin chempıony, Olımpıada oıyndarynyń kúmis, qola júldegeri bolǵan. 1995-1999 jyldary eki márte Qazaqstan Respýblıkasy Parlamenti Májilisiniń depýtaty bolyp saılanǵan. 2000-2006 jyldary Týrızm jáne sport agenttiginiń tóraǵasy, Mádenıet, aqparat jáne sport mınıstrligi Sport komıtetiniń tóraǵasy qyzmetterin atqarǵan. Qyrǵyzstan Olımpıada qozǵalysyn damytýǵa sińirgen eńbegi úshin Olımpıadalyq ordenmen, FILA, QR Ulttyq Olımpıada komıtetiniń altyn medaldarymen, І dárejeli Uly Petr ordenimen, kóptegen medaldarmen marapattalǵan. Qazaqstannyń Eńbek sińirgen qaıratkeri. ShQO Úrjar aýdanynyń qurmetti azamaty.

2023 jyldyń naýryz aıynan bastap VIII shaqyrylymdaǵy QR Parlamenti májilisiniń depýtaty.

58 jyl buryn (1965) Respýblıkalyq kásibı áskerılengen apattyq-qutqarý qyzmeti ortalyq shtabynyń bas dırektory Vladımır Robertovıch BEKKER dúnıege keldi.

Ol ShQO Úrjar aýdany Blagodatnoe aýylynda týǵan. 1997 jyly Qazaqstan Respýblıkasy Іshki ister mınıstrligi Almaty joǵary tehnıkalyq ýchılışesin «Órt qaýipsizdigi» mamandyǵy boıynsha aıaqtady. 2005 jyly Shyǵys Qazaqstan óńirlik ýnıversıtetin «Zańtaný» mamandyǵy boıynsha aıaqtady. 1983 -1985 jyldary KSRO Qarýly Kúshterinde qyzmet ótkerdi. Memlekettik órtke qarsy qyzmet organdarynda 1986 jylǵy qazannan bastap qyzmet etti. 1988-1991 jyl aralyǵynda memlekettik órtke qarsy qyzmet organdarynda orta jáne aǵa basshylyq quramda, 1991-2008 jyldary basshylyq laýazymdardy atqardy. 2008 jylǵy qazannan bastap QR TJM Órtke qarsy qyzmet komıteti tóraǵasynyń orynbasary. 2014 jylǵy qazannan bastap QR Іshki ister mınıstrligi Tótenshe jaǵdaılar komıteti tóraǵasynyń orynbasary. 2016-2020 jyldary QR Іshki ister mınıstrligi Tótenshe jaǵdaılar komıtetiniń tóraǵasy.

2022 jyldyń sáýir aıynan bastap qazirgi qyzmetinde.

ІІ dárejeli «Aıbyn» ordenimen, «Qazaqstan Respýblıkasynyń táýelsizdigine 20 jyl» merekelik medalimen, І, ІІ, ІІІ dárejeli «Órtke qarsy qyzmet organdaryndaǵy minsiz qyzmet úshin», «Tótenshe jaǵdaılardyń aldyn alýda jáne joıýda úzdik shyqqany úshin», «Tótenshe jaǵdaılar organdarynyń ardageri» medaldarymen, «Tótenshe jaǵdaılar organdarynyń qurmetti qyzmetkeri» tósbelgisimen marapattaldy.