17 naýryzda eldegi qaı joldar jabyq

ALMATY. KAZINFORM — «QazAvtoJol» ulttyq kompanııasy eldegi joldardyń qazirgi ahýaly týraly habarlady.

2026 jylǵy 17 naýryz saǵat 08:00–degi jaǵdaı boıynsha aýa raıynyń qolaısyzdyǵyna baılanysty kelesi respýblıkalyq avtojol ýchaskelerinde qozǵalysqa ýaqytsha shekteý engizildi:

Aqtóbe oblysy

• «RF shekarasy — Mártók — Aqtóbe — Qarabutaq — Qyzylorda — Shymkent — Taraz — Qordaı — Almaty — Qorǵas — QHR shekarasy» avtojolynyń 776-1153- shaqyrym aralyǵy («EKO Oıl» janarmaı quıý beketi — Yrǵyz aýyly aralyǵy);

• «Qostanaı — Rýdnyı — Denısovka — Komsomolskoe — Qarabutaq» avtojolynyń 5-234-shaqyrym aralyǵy (Qarabutaq aýyly — Qostanaı oblysynyń shekarasy).

Qostanaı oblysy

• «Qostanaı — Rýdnyı — Denısovka — Komsomolskoe — Qarabutaq» avtojolynyń 234-501-shaqyrym aralyǵy (Aqtóbe oblysynyń shekarasy — Rýdnyı qalasy);

• «Qostanaı — Áýlıekól — Surǵan» avtojolynyń 8-218-shaqyrymy (Tobyl qalasy — Oktıabrskoe aýyly);

• «Astana — Atbasar — Jaqsy — Rýzaevka — Sarykól — Qostanaı — RF shekarasy» respýblıkalyq mańyzy bar avtojolynyń 555-682-shaqyrymy (Tobyl qalasy — Sarykól aýyly).

Pavlodar oblysy

* «Astana — Shiderti — Pavlodar — Ýspenka — RF shekarasy» avtojolyndaǵy «Qalqaman» jolaıryǵy ýchaskesinde (Qalqaman kentine kireberis pen Astana baǵytyna shyǵar jol) qozǵalys shekteldi.

Shyǵys Qazaqstan oblysy

* Osınov asýynda tirkemesi bar jáne jartylaı tirkemeli júk kólikteriniń qozǵalysy ýaqytsha shekteldi. Shekteý «Óskemen — Altaı — Katonqaraǵaı — Rahman qaınary» avtojolynyń 46-66-shaqyrymyndaǵy (Severnoe aýyly — Serebrıansk qalasy) ýchaskesinde qysqy maýsym aıaqtalǵansha saqtalady.

Eske salaıyq, sınoptıkter 17 naýryzda Qazaqstannyń 13 oblysynda aýa raıyna baılanysty eskertý jasady. Eldiń basym bóligin tuman basyp, kóktaıǵaq bolady.