17 qańtarda eldegi qaı joldar jabyq

ALMATY. KAZINFORM — «QazAvtoJol» ulttyq kompanııasy eldegi joldardyń qazirgi ahýaly týraly habarlady.

Ulttyq kompanııanyń málimetinshe, aýa raıynyń qolaısyzdyǵyna baılanysty kelesi avtojoldarda kóliktiń barlyq túri úshin qozǵalysqa shekteý engizildi:

Shyǵys Qazaqstan oblysy

• KAZ-08 «Almaty — Taldyqorǵan — Óskemen — Shemonaıha — RF shekarasy» avtojoly, 1194-1212-shaqyrym (Shemonaıha qalasy — RF shekarasy).
Abaı oblysy

• «QHR shekarasy — Maıqapshaǵaı — Zaısan — Qalbataý — Semeı — Pavlodar — RF shekarasy» avtojoly, 910-1002-shaqyrym (Qalbataý aýyly — Kókpekti aýyly).

Jambyl oblysy

• «RF shekarasy — Mártók — Aqtóbe — Qarabutaq — Qyzylorda — Shymkent — Taraz — Qordaı — Almaty — Qorǵas — QHR shekarasy» avtojolynyń «Qordaı asýynyń jańa aınalma joly» ýchaskesi, 159-238-shaqyrym (Kenen aýyly — Qaınar aýyly);

• KAZ-06 avtojoly, 238-334-shaqyrym (Qaınar aýyly — Medovyı kenti).
Túrkistan oblysy

• «Almaty — Tashkent — Termez» avtojoly, 593-652-shaqyrym (Jambyl oblysynyń shekarasy — Mashat eldi mekeni).

Aqtóbe oblysy

• KAZ-09 «Aqtóbe — Qandyaǵash — Dossor — Atyraý — RF shekarasy (Qurmanǵazy beketi)» avtojoly, 104-337-shaqyrym (Qandyaǵash qalasy — Atyraý oblysynyń shekarasy).

Atyraý oblysy

• «Aqtóbe — Qandyaǵash — Dossor — Atyraý — RF shekarasy» avtojoly, 621-841-shaqyrym (Atyraý qalasy — Qurmanǵazy kenti).

Mańǵystaý oblysy

• «Dossor — Qulsary — Beıneý — Saıótis — Shetpe — Jetibaı — Aqtaý» avtojoly, 338–786 shaqyrym (Beıneý aýyly — Aqtaý qalasy); • «Aqtaý — Quryq» avtojoly, 13-72-shaqyrym (Aqtaý qalasy — Quryq aýyly); • «Jetibaı — Jańaózen — Túrikmenstan shekarasy» avtojoly, 0-58-shaqyrym (Jetibaı aýyly — Jańaózen qalasy).

Shyǵys Qazaqstan oblysynda tirkemesi bar jáne jartylaı tirkemeli júk kólikteriniń qozǵalysy Osınov asýynda ýaqytsha shekteldi. Shekteý «Óskemen — Altaı — Katonqaraǵaı — Rahman qaınary» avto jolynyń 46-66-shaqyrymyndaǵy (Severnoe aýyly — Serebrıansk qalasy) ýchaskesinde qys aıaqtalǵansha saqtalady.

Sonymen birge «Astana — Shiderti — Pavlodar — Ýspenka — RF shekarasy» avtojolyndaǵy jolaıryqtyń kópir qurylymynyń shetki arqalyqtary zaqymdanýyna baılanysty «Qalqaman» jolaıryǵy ýchaskesi jabyldy. Atap aıtqanda, Qalqaman eldi mekenine kireberis pen Astana baǵytyna shyǵatyn jol ýaqytsha jabyq.

Eske salaıyq, buǵan deıin sınoptıkter 17 qańtarda keıbir óńirde aýa temperatýrasy 45 gradýsqa deıin tómendeıtinin boljaǵan edi.