160 myń Qazaqstan azamaty saılaýǵa alǵash ret qatysty
"Alǵash ret bul saılaýǵa 160 203 jas qatysty. Olar alǵash ret daýys berdi. Buǵan qosa, osy naýqanda múmkindigi shekteýli azamattardyń daýys berý quqyqtaryn qamtamasyz etý boıynsha aıtarlyqtaı sharalar qabyldandy. Aldyn ala derekterge sáıkes, saılaý komıssııalary jasaǵan múmkinshilikterdi ýchaskelerde erekshe qajettilikteri bar 12 061 saılaýshy paıdalandy. Onyń 3 502-si kreslo-kolıaskaǵa tańylǵan saılaýshy, 4 361-i kózi nashar kóretin saılaýshy, 3 425-i mylqaý jáne sańyraý saılaýshy.", - dedi ol Ortalyq saılaý komıssııasynyń otyrysynda.
Tóraǵa orynbasarynyń aıtýynsha, zańnama talaptaryna sáıkes daýystardy sanaý 12 saǵattyń ishinde júrgizildi. Ýchaskelik saılaý komıssııalarynyń hattamalary sáıkesinshe aýmaqtyq saılaý ýchaskelerine berildi.
"Saılaýshylar tizimine 11 960 364 azamat tirkelgen. Daýys berýge 9 261 460 azamat nemese jalpy saılaýshylardyń 77,4 paıyzy qatysty", - dedi K.Petrov.
