16 qańtardan bastap «Túrkistan – Abý-Dabı» áýe baǵyty ashylady
«Túrkistan – Abý-Dabı» áýe baǵytynda ushaq bıletteri satylymǵa shyqty, dep habarlaıdy Kazinform.
Birikken Arab Ámirlikteriniń «Wizz Air Abu Dhabi» avıakompanııasy 2024 jyldyń 16 qańtarynan bastap «Túrkistan – Abý-Dabı» baǵytynda áýe reısterin bastaýdy josparlap otyr.
Reıster aptasyna 3 ret — seısenbi, beısenbi, senbi kúnderi zamanaýı «AirBus 321» ushaqtarymen oryndalatyn bolady. Jolaqysy bir baǵytta - 20 myń teńgeden bastalmaq.
Bıletti «wizzair.com» resmı saıtynan, mobıldi qosymsha nemese avıabıletterdi onlaın satý servısterinen alýǵa múmkindik bar. Jolaýshylar reısti ushý ýaqytynan 3 saǵat buryn eshqandaı komıssııasyz ózgerte alady. Atalǵan baǵytta ushý ýaqyty - 3 saǵat.
Jańa baǵyt qos qala turǵyndary men qonaqtary úshin týrıstik múmkindikterdi keńeıtedi.
Aıta keteıik, qazirgi tańda Túrkistan halyqaralyq áýejaıy Stambýl jáne El-Kýveıt jáne elimizdiń Astana, Almaty, Aqtaý, Aqtóbe, Oral jáne Qaraǵandy áýe baǵyttaryna qyzmet kórsetip keledi.
