14 sáýir. Tulǵalar týǵan kún

Búgin, 14 sáýir kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady. 

ESІMDER

57 jyl buryn (1967) Qazaqstan Respýblıkasy Qarýly Kúshteri Áýe qorǵanysy kúshteri Bas qolbasshysy dırektsııasynyń birinshi orynbasary – shtab bastyǵy Qaırat Ánýarbekuly SADYQOV dúnıege keldi. 

Shyǵys Qazaqstan oblysynda týǵan. Orynbor Joǵary zenıtti-zymyran komandalyq ýchılışesin, Qazaqstan Respýblıkasynyń Tuńǵysh Prezıdenti – Elbasy atyndaǵy Ulttyq qorǵanys ýnıversıteti janyndaǵy akademııalyq kýrstardy, D.Qonaev atyndaǵy ýnıversıtetti «zańger» mamandyǵy boıynsha bitirgen.

Eńbek joly: Áýe qorǵanysy kúshteri bas qolbasshysynyń tárbıe jáne ıdeologııalyq jumystar jónindegi orynbasary, Qazaqstan Respýblıkasy Qarýly Kúshteri Áýe qorǵanysy kúshteri tárbıe jáne ıdeologııalyq jumystar jónindegi bas basqarmasynyń basshysy boldy.

2023 jyldan bastap qazirgi qyzmetinde.

II dárejeli «Aıbyn», «Jaýyngerlik erligi úshin» ordenderimen jáne mereıtoılyq medaldarmen marapattalǵan.

41 jyl buryn (1983) Ahmet Baıtursynuly atyndaǵy Qostanaı óńirlik ýnıversıtetiniń dırektorlar keńesiniń tóraǵasy Danat Esboluly JÝMIN dúnıege keldi.

Qostanaı oblysynda týǵan. 2006 jyly L.N.Gýmılev atyndaǵy Evrazııa ulttyq ýnıversıtetin «saıasattanýshy», 2009 jyly AQSh Montana ýnıversıtetin «memlekettik basqarý magıstri» mamandyǵy jáne 2017 jyly AQSh Garvard bıznes mektebin joǵary basshylardy daıarlaý baǵdarlamasy boıynsha bitirgen.

Eńbek joly: 2003-2007 jyldary Qazaqstan jastar kongresiniń atqarýshy dırektory, 2009-2011 jyldary QR Prezıdenti janyndaǵy memlekettik basqarý akademııasynyń dıplomatııa ınstıtýty rektorynyń keńesshisi, dırektordyń orynbasary, 2011-2013 jyldary Astana qalasyndaǵy «Apex Consult» JShS bas dırektory, 2013-2014 jyldary «Báıterek» Ulttyq basqarýshy holdıngi» AQ hatshylyǵynyń basshysy, basqarma tóraǵasynyń keńesshisi, 2014-2016 jyldary «Qazaqstan 2050» jalpyulttyq qozǵalysy keńesiniń tóraǵasy, 2016-2017 jyldary Shymkent qalasy ákiminiń shtattan tys keńesshisi qyzmetin atqarǵan. 2017-2018 jyldary «Nur Otan» partııasy ortalyq apparatynda saıası jumystar departamentiniń dırektory, 2018-2019 jyldary Shymkent qalasy ákiminiń orynbasary, 2019-2021 jyldary QR Premer-Mınıstri Keńsesi basshysynyń orynbasary, 2021-2022 jyldary Kreatıvti ındýstrııalardy damytý jónindegi jobalyq keńseniń basshysy, 2022 jyly Barakat Partners seriktesi, QR premer-mınıstriniń kreatıvti ekonomıka jónindegi shtattan tys keńesshisi laýazymyn atqarǵan.

Qazirgi qyzmetin 2024 jyldyń aqpanynan bastap atqaryp keledi.

40 jyl buryn (1984) QR Mádenıet jáne aqparat mınıstrliginiń Arhıv, qujattama jáne kitap isi komıtetiniń tóraǵasy Rýstam ÁLI dúnıege keldi.

Almaty oblysynda dúnıege kelgen. Ál-Farabı atyndaǵy Qazaq ulttyq ýnıversıtetin, І. Jansúgirov atyndaǵy Jetisý memlekettik ýnıversıtetin bitirgen.

Eńbek jolyn 2006 jyly «Delovaıa nedelıa» gazetinde tilshi bolyp bastaǵan. 2006-2011 jyldary «Delovaıa nedelıa» gazetinde tilshi, redaktor, bas redaktordyń orynbasary, 2011-2012 jyldary «Jetisý jastary» jastar ortalyǵy» MKQK dırektory, 2012 jyly Almaty oblysy jastar saıasaty ortalyǵynyń dırektory, 2012 jyly Almaty oblysy Qaınarly aýyldyq okrýginiń ákimi, 2012-2016 jyldary Almaty oblysy jastar saıasaty máseleleri basqarmasynyń bastyǵy, basshysy, 2016-2020 jyldary Almaty oblysy ishki saıasat basqarmasynyń basshysy bolyp jumys istedi. 2020-2021 jyldary Almaty oblysy ákiminiń orynbasary, 2021-2022 jyldary Almaty oblysy Eskeldi aýdanynyń ákimi, 2022-2024 jyldary Jetisý oblysy ákiminiń orynbasary qyzmetin atqarǵan.

2024 jyldyń qańtar aıynan bastap qazirgi qyzmetinde.

«Qazaqstan Konstıtýtsııasyna 20 jyl» (2015), «Qazaqstan Respýblıkasynyń táýelsizdigine 25 jyl» (2016), «Eren eńbegi úshin» (2018), «Qazaqstan máslıhatyna 25 jyl» (2019) medaldarymen marapattalǵan.

35 jyl buryn (1989) Almaty qalasy Týrızm basqarmasy basshysynyń orynbasary Aqmaral Nurashqyzy EŞANOVA dúnıege keldi.

Almaty oblysynda týǵan. Ál-Farabı atyndaǵy Qazaq ulttyq ýnıversıtetin bitirgen.

Eńbek joly: 2011-2015 jyldary Almaty qalasy Týrızm basqarmasy Zańgerlik jáne uıymdastyrý kadr jumysy bóliminiń bas mamany, 2015-2017 jyldary Almaty qalasy Týrızm basqarmasynyń týrızmdi damytý bóliminiń bas mamany, 2017 jyly Almaty qalasy Týrızm jáne syrtqy baılanystar basqarmasynyń týrıstik ónimdi ilgeriletý boıynsha marketıng bóliminiń bas mamany, 2017-2019 jyldary Almaty qalasy Týrızm jáne syrtqy baılanystar basqarmasynyń týristik ónimdi qalyptastyrý jáne marketıng bóliminiń bas mamany bolyp qyzmet atqarǵan. 2019- 2022 jyldary Almaty qalasy Týrızm basqarmasynyń týrızmdi ilgeriletý bóliminiń bas mamany, 2022-2023 jyldary Almaty qalasy Týrızm basqarmasy týrızmdi ilgeriletý bóliminiń basshysy laýazymyn atqardy.

Qazirgi qyzmetin 2023 jyldyń maýsym aıynan bastap atqaryp keledi.