12 qarashada ótetin mańyzdy sharalar ańdatpasy
NUR-SULTAN
9.00-de wdd2021.online / saıtynda qant dıabetin zertteý jónindegi qazaqstandyq qoǵam halyqaralyq onlaın-konferentsııa ótkizedi. Konferentsııa «Dúnıejúzilik dıabetpen kúres kúni – 2021: ınnovatsııa ǵasyry» dep atalady. Bul shara ınsýlınniń ashylǵanyna 100 jyl jáne KOID-tiń 5 jyldyq mereıtoıy aıasynda ótýde.
9.50-de fincongress.kz saıtynda Qazaqstan qarjygerleriniń IX kongresi onlaın rejımde ótedi. Sharany Qazaqstan Ulttyq Bankiniń jáne QR Qarjy naryǵyn retteý jáne damytý agenttiginiń qoldaýymen Qazaqstan qarjygerleriniń qaýymdastyǵy uıymdastyrady.
10.00-de QR Ulttyq mýzeıinde Qazaqstan Táýelsizdiginiń 30 jyldyǵy aıasynda «Táýelsizdik jyldaryndaǵy mýzeılerdiń jaǵdaıy» atty respýblıkalyq onlaın-forým ótedi.
10.00-de «MONACO» qonaq úıinde QR Bilim jáne ǵylym mınıstrliginiń Til saıasaty komıteti Qazaqstan Táýelsizdiginiń 30 jyldyǵyna oraı , ózge ult jastary arasyndaǵy «Memlekettik til – táýelsizdik sımvoly» respýblıkalyq baıqaýyn ótkizedi.
10.00-de Senatta «Qaýipti óndiristik nysandarda ónerkásiptik qaýipsizdikti qamtamasyz etý: taldaý, boljamdar jáne usynystar» taqyrybyna arnalǵan Úkimet saǵaty ótedi. Úkimet saǵaty parlam.kz saıtynda onlaın rejımde kórsetiledi.
10.00-de qoǵamdyq kólikte jol aqysyn tóleýdiń elektrondyq júıesin jańǵyrtý máselesine arnalǵan baspasóz brıfıngi ótedi. Sharada qalalyq jáne qala mańyndaǵy baǵyttar boıynsha testileýden ótken 3 áleýetti jolaqy tóleý júıeleri usynylady.
10.30-da Qoljazbalar jáne sırek kitaptar ulttyq ortalyǵynda QR Mádenıet jáne sport mınıstrligi Arhıv jáne qujattamany basqarý komıteti «Qoljazbalar jáne sırek kitaptar ulttyq ortalyǵy» RMM-si Qazaqstan Respýblıkasy Táýelsizdiginiń 30 jyldyǵyna oraı uıymdastyrylǵan «Ulttyq mura» atty kórmesin ashady.
11.00-de «Іsker» bıznes-ortalyǵynda «Jastardyń quqyqtyq mádenıeti: qazirgi jaǵdaıy jáne ony jetildirý joldary» atty dóńgelek ústel ótedi.
11.00-de «Samuryq-Qazyna» qorynyń baspasóz ortalyǵynda «QR Biryńǵaı elektr energetıkalyq júıesindegi ahýal týraly» baspasóz máslıhaty ótedi.
12.00-de Nur-Sultan ákimdiginiń Kásiptik-tehnıkalyq kolledjinde «Jas maman» jobasyn iske asyrý boıynsha prezentatsııa ótedi. Sharaǵa QR Bilim jáne ǵylym mınıstrliginiń, «Talap» KEAQ, Nur-Sultan qalasy ákimdiginiń, kásipkerler palatasynyń ókilderi, áleýmettik áriptester qatysady.
12.30-da QR Prezıdenti janyndaǵy Ortalyq kommýnıkatsııalar qyzmetinde «Memleket basshysynyń Joldaýy aıasynda Shyǵys Qazaqstan oblysynyń damýy týraly» baspasóz máslıhaty ótedi. Spıker: Shyǵys Qazaqstan oblysynyń ákimi Danıal Ahmetov. Kórsetilim siltemeleri: Youtube, Facebook.
14.45-da QR Prezıdenti janyndaǵy «Ortalyq kommýnıkatsııalar qyzmetinde «Qazaqstannyń X Azamattyq forýmyn uıymdastyrý jáne ótkizý» týraly baspasóz máslıhaty ótedi. Spıkerler: QR Aqparat jáne qoǵamdyq damý mınıstrligi Azamatttyq qoǵam isteri komıtetiniń tóraǵasy Madııar Qojahmet, «Qazaqstannyń Azamattyq Alıansy» ZTB prezıdenti Baný Nurǵazıeva. Kórsetilim siltemeleri: Youtube, Facebook.
15.00-de QR Ulttyq mýzeıinde QR Táýelsizdiginiń 30 jyldyǵyna, QR Ulttyq Ǵylym akademııasynyń 75 jyldyǵyna, Á.H. Marǵulan atyndaǵy Arheologııa ınstıtýtynyń 30 jyldyǵyna jáne EUÝ-niń 25 jyldyǵyna arnalǵan K.M. Baıpaqovtyń, J.Q. Taımaǵambetovtyń «Qazaqstan arheologııasy» atty ǵylymı basylymnyń tusaýkeseri ótedi.
16.30-da QR Prezıdenti janyndaǵy Ortalyq kommýnıkatsııalar qyzmetinde «QR qazirgi epıdemıologııalyq jaǵdaıy týraly» baspasóz máslıhaty ótedi. Spıkerler: QR Densaýlyq saqtaý mınıstri Alekseı Tsoı, QR Densaýlyq saqtaý vıtse-mınıstri Ajar Ǵınııat, QR DSM sanıtarııalyq-epıdemıologııalyq baqylaý komıtetiniń tóraǵasy Aıjan Esmaǵambetova. Kórsetilim siltemeleri: Youtube, Facebook.
17.00-de QR Tuńǵysh Prezıdenti – Elbasy kitaphanasy mýzeıinde QR Sýretshiler odaǵynyń múshesi Gúlbaram Asqarovanyń «Oılar kollajy» kórmesiniń ashylýy ótedi. Kórme «Táýelsizdiktiń mádenı kody» jobasy aıasynda uıymdastyryldy.
17.00-de «Astana Balet» teatrynyń foıesinde ataqty horeograf Vasılıı Medvedevtiń redaktsııasynda Rıkardo Drıgonyń mýzykasyna jazylǵan Marıýs Petıpanyń «Raýshan gúli men kóbelektiń romany» atty spektakliniń premerasyna arnalǵan baspasóz konferentsııasy ótedi. Baletke horeografııa akademııasynyń pedagogtary men tárbıelenýshileri qatysady.
ALMATY
10.30-da QR Indýstrııa jáne ınfraqurylymdyq damý mınıstrligi aıaq kıim taýarlaryn tańbalaý protsesine qatysatyn Almaty qalasyndaǵy nysandar boıynsha baspasóz týryn ótkizedi. Shara barysynda BAQ ókilderi keden qoımasynda jáne qazaqstandyq aıaq kıim óndirisinde tańbalaý boıynsha júrgizilip jatqan jumystarmen tanysady.
14.00-de «Atakent» kórme ortalyǵynda «Qazhımprom» ZTB Central Asia Plast World plastmassa óndirisi men buıymdaryn óndirýge arnalǵan shıkizat pen tehnologııalar, plastmassa ındýstrııasynyń 13-shi Halyqaralyq kórmesi aıasynda hımııa ónerkásibi máseleleri boıynsha dóńgelek ústel ótkizedi.
17.00-de Almaty Menedjment ýnıversıtetinde (AlmaU) «Shevron» kompanııasynyń qoldaýymen iske asyrylatyn ITeachMe5.0 jastar ınklıýzıvti lageriniń jeńimpazdaryn saltanatty marapattaý ótedi.
