11 grant: Polshada oqý úshin ótinimderdi qabyldaý bastaldy
ASTANA. KAZINFORM — Polshanyń joǵary oqý oryndaryna qujat qabyldaý bastaldy. Bul týraly «Halyqaralyq baǵdarlamalar ortalyǵy» AQ baspasóz qyzmeti málim etti.
«Halyqaralyq baǵdarlamalar ortalyǵy» AQ Qazaqstan Respýblıkasynyń Úkimeti men Polsha Respýblıkasynyń Úkimeti arasyndaǵy Kelisim sheńberinde Polsha Respýblıkasynyń joǵary oqý oryndarynda bakalavrıat, magıstratýra jáne doktorantýra baǵdarlamalary boıynsha oqýǵa qujattar qabyldaýdy jarııalaıdy.
2026–2027 oqý jylyna arnalǵan Qazaqstan Respýblıkasynyń azamattary úshin 11 bilim berý granty bólindi, onyń ishinde:
- 3 grant – bakalavrıat baǵdarlamasy boıynsha;
- 4 grant – magıstratýra baǵdarlamasy boıynsha;
- 4 grant – doktorantýra baǵdarlamasy boıynsha.
Grant kelesi shyǵyndardy qamtıdy:
• tegin oqý;
• doktorantýra baǵdarlamasy boıynsha bilim alýshylarǵa aı saıynǵy stıpendııa.
Qujattardy qabyldaý 2026 jylǵy 19 naýryzdan 16 sáýirge deıin (qosa alǵanda) júzege asyrylady:
• «Elektrondyq úkimet» portaly (Egov.kz) arqyly:
• «Halyqaralyq baǵdarlamalar ortalyǵy» AQ-na tikeleı tapsyrý arqyly.
Qosymsha aqparatpen jáne qujattardy tapsyrý jónindegi nusqaýlyqpen ortalyqtyń resmı saıtynan tanysýǵa bolady.
Buǵan deıin Qazaqstan Respýblıkasynyń Bilim jáne ǵylym mınıstrligi men Qytaı Halyq Respýblıkasynyń Bilim mınıstrligi arasyndaǵy 2003 jylǵy 3 maýsymdaǵy bilim berý salasyndaǵy yntymaqtastyq týraly kelisimge sáıkes, Qytaı úkimeti 2026–2027 oqý jylyna QHR memlekettik stıpendııasy boıynsha oqýǵa 73 bilim grantyn usynǵanyn jazdyq.
Al 366 qazaqstandyq Majarstannyń JOO-larynda bilim alýǵa joldama aldy.
16 naýryz kúni «Bolashaq» jáne «Ǵylymı taǵylymdamalar» baǵdarlamasy boıynsha qujat qabyldaý bastaldy.