10 óńirde daýyldy eskertý jarııalandy

ASTANA. KAZINFORM -  Qazaqstannyń 10 oblysynda 16 aqpanda daýyldy eskertý jarııalandy. 

Túnde Atyraý oblysynyń batysynda, soltústiginde, ońtústiginde jaýyn-shashyndy bolady (negizinen qar). Oblystyń batysynda, soltústiginde, ońtústiginde kóktaıǵaq. 

Jambyl oblysynyń taýly aýdandarynda túnde qar, boran, kúndiz oblystyń ońtústiginde jaýyn-shashyn (jańbyr, qar), kóktaıǵaq, oblystyń taýly aýdandarynda qar, boran bolady dep boljanyp otyr. Jel soltústik-batystan soltústik-shyǵysqa aýysady, oblystyń taýly aımaqtarynda jel ekpini  15-20 m/s jetpek. 

Batys Qazaqstan oblysynda jaýyn-shashyn (negizinen qar), kóktaıǵaq, boran soǵady. Ońtústik-batysta jel ekpini sekýndyna 15-20 metr. 

Túnde batysta, shyǵysta, Qaraǵandy oblysynyń ortalyǵynda qar, boran, kúndiz oblystyń batysynda azdaǵan qar, boran bolady. Jol kóktaıǵaq bolady. 

Tańerteń jáne tústen keıin Qostanaı oblysynyń batysynda, soltústiginde qar, boran, kóktaıǵaq bolady. Oblystyń shyǵysyn, ońtústigin tuman basady. Jel ońtústik-batys, kúndiz oblystyń batysynda, soltústiginde, shyǵysynda ekpini sekýndyna 15-20 metr. 

Qyzylorda oblysynyń soltústiginde, shyǵysynda, ortalyǵynda tumandy bolady. 

Mańǵystaý oblysynyń soltústigi men batysynda tuman túsedi. Jel ekpini ońtústik-shyǵys, batysta, oblystyń ortalyǵynda 15-20 metr. 

Soltústik Qazaqstan oblysynyń batysynda, soltústiginde, shyǵysynda qar, boran, kúndiz kóktaıǵaq bolady. Oblystyń batysynda, soltústiginde, shyǵysynda tuman túsedi. Jel ońtústik-batysta, oblystyń batysynda, soltústiginde, shyǵysynda kúndiz ekpini 23-28 metr. 

Tańerteń jáne tústen keıin Túrkistan oblysynyń batysynda, ońtústiginde, taýly jáne taý bókterinde jaýyn-shashyn (jańbyr, qar), kóktaıǵaq, tuman bolady. 

Túnde Ulytaý oblysynyń soltústiginde azdaǵan qar, jaıaý boran bolady dep boljanyp otyr. Kúndiz jolda kóktaıǵaq bolady. 

Qaraǵandyda aýa raıynyń qolaısyzdyǵynan 200-den asa kólik jolda turyp qalǵan edi.