10 qazan. Tulǵalar týǵan kún
Búgin, 10 qazan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
55 jyl buryn (1970) QR Oqý-aǵartý mınıstrligi Orta bilim komıtetiniń tóraǵasy Qanybek Bekbolatuly JUMAShEV dúnıege keldi.
Mańǵystaý oblysynda týǵan. Ál-Farabı atyndaǵy Qazaq memlekettik ýnıversıtetin, Sh. Esenov atyndaǵy Aqtaý memlekettik ýnıversıtetin bitirgen.
Eńbek joly: 1992 jyly «Qarajanbastermunaı» tájirıbelik-eksperımenttik munaı-gaz óndirý basqarmasy tsehynyń tehnologi bolyp eńbek jolyn bastady. 1992-1993 jyldary «Qarajanbastermunaı» tájirıbelik-eksperımenttik munaı-gaz óndirý basqarmasynyń ǵylymı-zertteý jáne óndiristik jumystar tsehy zerthanasynyń ınjeneri, 1993-1995 jyldary Aqtaý qalasyndaǵy orta kásiptik-tehnıkalyq ýchılışede hımııa pániniń oqytýshysy, 1997 jyly kolledjde hımııa pániniń oqytýshysy, orta mektepte bıologııa jáne geografııa pániniń muǵalimi, 1997-2000 jyldary Mańǵystaý oblystyq bilim basqarmasynyń alǵashqy áskerı daıyndyq boıynsha jetekshi mamany bolyp eńbek etti. 2000-2004 jyldary Mańǵystaý oblystyq daryndy balalarǵa arnalǵan mektep-ınternatynyń dırektory boldy. 2004-2005 jyldary Mańǵystaý oblystyq bilim basqarmasy bastyǵynyń orynbasary, Mańǵystaý oblysy Bilim departamenti dırektorynyń mindetin atqardy. 2005-2006 jyldary Mańǵystaý oblysy ákiminiń áleýmettik máseleler jónindegi keńesshisi, 2006-2008 jyldary Mańǵystaý oblysy Bilim departamenti dırektorynyń orynbasary, dırektory, 2008-2010 jyldary Mańǵystaý oblysy Bilim basqarmasynyń bastyǵy, 2010-2012 jyldary Mańǵystaý oblysy ákiminiń orynbasary qyzmetterin atqardy. 2012-2019 jyldary «Nur Otan» partııasynda jumys istedi. 2019-2020 jyldary Mańǵystaý oblysy ákiminiń orynbasary, 2020-2021 jyldary QR Aqparat jáne qoǵamdyq damý mınıstriniń keńesshisi, 2021-2022 jyldary QR Aqparat jáne qoǵamdyq damý mınıstrligi Aqparat komıteti tóraǵasynyń orynbasary, 2022-2023 jyldary QR Oqý-aǵartý mınıstrligi Atyraý oblysynyń bilim salasyndaǵy sapany qamtamasyz etý departamentiniń basshysy boldy.
Qazirgi qyzmetin 2023 jylǵy shildeden beri atqaryp keledi.
54 jyl buryn (1971) Batys Qazaqstan oblysy TJD bastyǵynyń mindetin ýaqytsha atqarýshy Janbolat Jasqaıratuly JANShIN dúnıege keldi.
Batys Qazaqstan oblysy Aqjaıyq aýdanynda týǵan. 2003 jyly Batys Qazaqstan ınjenerlik-tehnıkalyq ýnıversıtetiniń basqarý jáne quqyq ınstıtýtyn zańger mamandyǵy boıynsha támamdaǵan.
Eńbek joly: 1996-1997 jyldary Batys Qazaqstan oblysy ІІB Kaztalov aýdany ІІB ákimshilik praktıka ınspektory, 1999-2004 jyldary BQO ІІB Bórli aýdany ІІB AEB memlekettik avtoınspektory, 2012-2013 jyldary BQO ІІD janyndaǵy tirkeý jáne emtıhan jumystary bóliminiń bastyǵy, 2016-2018 jyldary BQO ІІD ákimshilik polıtsııa basqarmasynyń bastyǵy, 2018-2020 jyldary BQO PD ákimshilik polıtsııa basqarmasynyń bastyǵy, 2020 jyly BQO PD jergilikti polıtsııa qyzmeti basqarmasynyń bastyǵy, 2020-2024 jyldary BQO PD bastyǵynyń birinshi orynbasary bolyp qyzmet atqarǵan.
Qazirgi laýazymyn 2024 jyldyń mamyr aıynan beri atqaryp keledi.
47 jyl buryn (1978) Aqtóbe oblysy ákiminiń orynbasary Ǵalymjan Almasbekuly ELEÝOV dúnıege keldi.
Aqtóbe qalasynda týǵan. 2001 jyly Marat Ospanov atyndaǵy Batys Qazaqstan memlekettik medıtsına akademııasyn «Hırýrgııa» mamandyǵy boıynsha bitirgen. 2006 jyly Astana qalasyndaǵy Ulttyq ǵylymı medıtsınalyq ortalyqta aspırantýrada oqydy. 2008 jyly Astana qalasyndaǵy Qazaq memlekettik zań akademııasyn «Quqyqtaný» mamandyǵy boıynsha támamdaǵan. 2010 jyly dıssertatsııasyn sátti qorǵap, medıtsına ǵylymdarynyń kandıdaty ǵylymı dárejesine ıe boldy. 2011 jyly Nazarbaev Ýnıversıtetiniń Joǵary bıznes mektebin MBA iskerlik ákimshilendirý salasyndaǵy Dıýk Ýnıversıtetiniń Fýkýa bıznes-mektebiniń baǵdarlamasy boıynsha aıaqtady.
Eńbek joly: 2002 jyly Aqtóbe qalasyndaǵy «№ 2 qalalyq emhana» MKK dáriger-hırýrg boldy. 2004-2010 jyldary Aqtóbe qalasynyń Jedel medıtsınalyq járdem aýrýhanasynda dáriger-hırýrg bolyp jumys istedi. 2010-2012 jyldary Aqtóbe qalasyndaǵy «№ 2 qalalyq emhana» MKK bas dárigerdiń orynbasary mindetin atqardy. 2010-2021 jyldary Aqtóbe qalasyndaǵy «Darý klınıkasy» ońaltý medıtsınalyq ortalyǵynyń dırektory, 2016-2021 jyldary Nur-Sultan qalasyndaǵy «DARU» ulttyq ońaltý medıtsınalyq ortalyǵynyń dırektory, 2018-2021 jyldary Aqtóbe qalasyndaǵy «Kóz Jaryǵy» klınıkasy oftalmologııalyq ortalyǵynyń dırektory bolyp jumys istedi. 2020-2021 jyldary Aqtóbe qalasyndaǵy «DARU NEFROS» medıtsına ortalyǵynyń dırektory, 2021-2023 jyldary VII shaqyrylymdaǵy QR Parlamenti Májilisiniń depýtaty, Ekologııa máseleleri jáne tabıǵat paıdalaný komıtetiniń múshesi qyzmetterin atqardy.
Qazirgi qyzmetin 2023 jyldyń qyrkúıeginen atqaryp keledi.
«Qazaqstan Konstıtýtsııasyna 25 jyl» (2020), «Eren eńbegi úshin» (2020), QR DSM «Densaýlyq saqtaý isiniń úzdigi» (2020) medaldarymen, «Jomart jan» (2019) tós belgisimen marapattalǵan.
39 jyl buryn (1986) QR Jasandy ıntellekt jáne tsıfrlyq damý vıtse-mınıstri Málik Serikuly OLJABEKOV dúnıege keldi.
Almaty oblysynda týǵan. KIMEP ýnıversıtetin bıznes ákimshiligi mamandyǵy boıynsha, ál-Farabı atyndaǵy Qazaq ulttyq ýnıversıtetin quqyqtaný mamandyǵy, Nazarbaev Ýnıversıtetin memlekettik basqarý mamandyǵy boıynsha bitirgen.
Eńbek joly: 2010 jyly «Respýblıkalyq ǵaryshtyq baılanys jáne radıoelektrondyq quraldardyń elektromagnıttik úılesimdiligi ortalyǵy» AQ kadrlyq jumys jáne qujat aınalymy bóliminiń menedjeri bolyp eńbek jolyn bastady. 2012-2017 jyldary «Respýblıkalyq ǵaryshtyq baılanys ortalyǵy» AQ-da basshylyq qyzmetterde jumys istedi. 2017-2019 jyldary QR Qorǵanys jáne aeroǵarysh ónerkásibi mınıstrliginiń Aeroǵarysh komıteti tóraǵasynyń orynbasary, 2019-2021 QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń Aeroǵarysh komıteti tóraǵasynyń orynbasary boldy.
Qazirgi qyzmetin 2021 jyldyń qyrkúıeginen atqaryp keledi.