1 mıllıon terek: Astana jasyl qalaǵa aınala ma
ASTANA. KAZINFORM — Astana qalasynyń ákimi Jeńis Qasymbek Instagram paraqshasynda bıyl qalada 1 mıllıon jasyl jelek otyrǵyzylatyny týraly jazdy. Bul týraly elordanyń ákimdigi málim ettti.
— Aýa raıynyń jylynýyna baılanysty elordada jóndeý-qalpyna keltirý jáne abattandyrý boıynsha aýqymdy jumys bastaldy. Áriptesterimmen birge qalanyń barlyq aýdanyn aralap shyǵamyz. Jaıaý aralaý barysynda jumys josparyna túzetýler engizemiz. Osy demalys kúnderi jol salý jáne jóndeý jumysy bastalady. Sol sııaqty qoǵamdyq keńistikterdi abattandyrý jumysy bastaldy. Bıyl da qalamyzda kógaldandyrýǵa erekshe nazar aýdaramyz, — dep jazdy Jeńis Qasymbek.
Qala basshysy sondaı-aq shamamen 1 mln jasyl jelek (kóshetter, butalar, aǵashtar) otyrǵyzýdy josparlap otyrǵanyn aıtty. Sondaı-aq LRT jobasy jelisi boıyndaǵy aýmaqtar da abattandyrylatyny belgili boldy.
Kún saıyn qalada sanıtarlyq tazalaý, jóndeý-qalpyna keltirý jáne ózge de jumystar júrip jatyr.
Al Almatyda 2030 jyly ár turǵynǵa 15 sharshy metr jasyl jelek bolady.