El aýmaǵynda kún sýyp, úsik júredi

Aldaǵy kúnderi kún raıynyń turaqsyz sıpaty eldiń soltústiginde, shyǵysynda, ońtústigi men ońtústik-shyǵysynda áli de saqtalady. Onymen naızaǵaı men ekpindi jel, burshaq kútiledi. Ońtústik-shyǵystaǵy taýly aımaqtarda qar aralas jańbyr boljanady. QazAqparat bul týraly «Qazgıdromet» RMK-ǵa silteme jasap habarlaıdy.

21 qyrkúıekte – ońtústikte, 21-23 qyrkúıekte – shyǵysta, 21-22 qyrkúıekte ońtústik-shyǵysta – qatty jańbyr, ońtústik-shyǵystyń taýly aımaqtarynda qatty jaýyn-shashyn kútiledi.

Qazaqstannyń tek batysynda, soltústik-batysynda, Batys antıtsıklonynyń yqpalymen kún raıy ashyq bolady.

Eldiń batysynda, soltústigi men ortalyǵynda túngi jáne tańerteńgi ýaqyttarda tuman boljanady.

Túnde respýblıkanyń soltústiginde, soltústik-batysynda jáne ortalyǵynda topyraq betinde -1 gradýs úsik júredi.

Aýa temperatýrasy kúndiz batys óńirlerde 24-30-ǵa deıin, eldiń soltústik-batysynda 15-27-ge deıin kóteriledi. Soltústik aýmaqta 10-16 gradýsqa deıin tómendeıdi, ortalyqta 10-23 jyly bolady. Shyǵysta temperatýra baǵamy 10-15-ke deıin túsip, ońtústikte 20-28-ge deıin joǵarylaıdy. Ońtústik-shyǵysta 12-22 gradýsqa deıin, taýly aýdandarda 2-10 gradýsqa deıin tómendeıdi.