Almaty oblysynda aýyl mektebiniń avtobýsy batpaqqa batyp jatyr

Almaty oblysynyń Qyzyltý aýylynda balalar tasıtyn avtobýs batpaqqa batyp qaldy, dep habarlaıdy QazAqparat tilshisi.

Batpaqqa batyp, shyǵa almaı turǵan mektep avtobýsyna qatysty vıdeo áleýmettik jelide tarap jatyr. Vıdeo avtorynyń aıtýynsha, avtobýstyń ishinde balalar da otyr.

Atalmysh oqıǵaǵa baılanysty Talǵar aýdanynyń turǵyn úı-kommýnaldyq sharýashylyǵy, jolaýshylar kóligi, avtomobıl joldary jáne turǵyn úı ınspektsııasy bólimi túsinik berdi.

Vedomstvo málimetinshe, jaqynda Qyzyltý aýylynyń Kókjıek kóshesinde sý qubyryn tartý jumystary júrgizilgen.

«Osyǵan baılanysty 20 qyrkúıek kúni mektep avtobýsy batpaqqa batyp qalǵan. Kóshe negizinen qıyrshyq tastan turady. Qazirgi tańda jol qozǵalysy qaýipsizdigi úshin qosymsha ballast pen qum-qıyrshyqtas qospasyn tóseý jumystary júrgizilip jatyr. Másele baqylaýda», - dep habarlady aýdandyq bólimnen.