Astanada halyqaralyq aýyl sharýashylyǵy kórmesi ótedi
Astanada 19-21 qazan kúnderi «EHRO» HKO aýmaǵynda elimizdiń XIV jyl saıynǵy «KazAgro/KazFarm-2023» halyqaralyq agrarlyq kórmeleri ótedi, dep habarlaıdy QazAqparat elorda ákimdiginiń resmı saıtyna silteme jasap.
«KazAgro/KazFarm» – aýyl sharýashylyǵy salasyn turaqty damytýǵa jáne agroónerkásiptik keshenge zamanaýı tehnologııalardy engizýge baǵyttalǵan biregeı kórme. Bul sonymen qatar agroónerkásip salasyndaǵy jahandyq ınnovatsııalardy usynýǵa arnalǵan kásibı alań.
«KazAgro» elimizdegi ósimdik sharýashylyǵynyń eń iri kórmesi. Onda tuqym selektsııasy, zamanaýı tehnologııalar men jabdyqtar, aýyl sharýashylyǵy ónimderin óndirý, logıstıka boıynsha qyzmet kórsetý máseleleri kóteriledi.
«KazFarm» – embrıondardan bastap, daıyn ónimge deıin jáne mal sharýashylyǵynyń ártúrli salalaryndaǵy qyzmetterge deıin tolyq qamtylǵan Qazaqstandaǵy mal sharýashylyǵy men et-sút ónerkásibiniń kórmesi. Agroónerkásip keshenin turaqty damytyp, zamanaýı tehnologııalardy engizýge baǵyttalǵan Qazaqstandaǵy keńinen nasıhattalǵan aýyl sharýashylyǵy is-sharalarynyń biri.
«KazAgro/KazFarm-2023» halyqaralyq kórmesinde Qazaqstannyń AÓK-te agrarlyq ǵylymnyń sońǵy álemdik jetistikterin engizýge yqpal etetin jetekshi álemdik agrokontsernderdiń, ınnovatsııalyq tehnologııalar men agrarlyq sektordy damytý baǵdarlamalarynyń birqatar jańa aýyl sharýashylyǵy tehnıkalary men jabdyqtary usynylatyn bolady.
Jyl saıyn KAZAGRO jáne KAZFARM alańdary halyqaralyq aýyl sharýashylyǵy kórmelerine qatysýshy 1000-nan astam delegat jınaıdy. Bul kórme elimizdiń taýar ónimdiligin kórsetip qana qoımaı, álemniń túrli elderi arasyndaǵy qarym-qatynasty nyǵaıtady.
Atalǵan is-shara 20 elden 200-den astam kompanııany biriktiredi. Onyń ishinde Avstrııa, Belarýs, Germanııa, Ispanııa, Kanada, Qytaı, Polsha, Reseı, AQSh, Túrkııa, Ýkraına, Italııa, Qazaqstan jáne taǵy basqa elder bar.
