Qarabaqtaǵy áskerı áreketterdi toqtatý týraly kelisim jasaldy
Qarabaqta ornalasqan Reseı bitimgershilik kúshteri qolbasshylyǵynyń araǵaıyndyǵymen 20 qyrkúıek saǵat 13:00-den bastap áskerı qımyldardy tolyq toqtatý týraly kelisimge qol jetkizildi. QazAqparat bul týraly «Armenpress» agenttigine silteme jasap habarlaıdy.
Basylymnyń jazýynsha, Artsah prezıdentiniń apparaty osy másele boıynsha málimdeme taratyp, 21 qyrkúıek kúni Evlahta Qarabaq pen Ázerbaıjan bıligi ókilderiniń kezdesýi josparlanǵanyn habarlady.
Eske salaıyq, Ázerbaıjan quqyq qorǵaý organdarynyń málimeti boıynsha, Qarabaqtaǵy shıelenis Hodjavend aýdanynyń Tagaverd aýylynyń aýmaǵynda bolǵan kisi óliminen keıin bastaldy – Ázerbaıjannyń memlekettik jáne quqyq qorǵaý organdarynyń qyzmetkerleri tankke qarsy mınalarǵa túsip qalyp, qaza tapty. Sodan keıin Ázerbaıjan Respýblıkasynyń Qarýly kúshteri terrorızmge qarsy jergilikti sıpattaǵy is-sharalar bastalǵanyn jarııalady.
Keshe Erevan polıtsııasy Armenııa úkimeti ǵımaratynyń aldyna jınalǵan narazylyq bildirýshilerdi taratý úshin arnaıy quraldardy qoldandy.
Rım Papasy Qarabaqtaǵy janjaldy beıbit jolmen sheshýge shaqyrdy.
