Elordada ártúrli óńirlerden kelgen kásipkerlerdiń qatysýymen jármeńke ótip jatyr
ASTANA. KAZINFORM – Elordadaǵy Keryen Joly saýda ortalyǵy aýmaǵynda osy demalys kúnderi kezekti qalalyq aýyl sharýashylyǵy jármeńkesi ótip jatyr, dep habarlaıdy qala ákimdiginiń resmı saıty.
Jármeńkege Aqmola, Abaı, Qaraǵandy, Túrkistan, Pavlodar jáne basqa oblystardan kelgen shamamen 30 kásipker qatysyp, óz ónimderin usyndy.
Satyp alýshylar kókónister, jemister, et ónimderi, un jáne sút ónimderi, nan-toqash, shyryndar, tosaptar jáne basqa da taýarlardy qolaıly baǵamen satyp alý múmkindigine ıe boldy.
Mundaı is-sharalar baǵanyń ósýin tejeýge jáne jergilikti óndirýshilerdi qoldaýǵa baǵyttalǵan. Ortasha eseppen, jármeńkege kún saıyn 7-10 myń adam keledi. Bul jármeńkeler aýyl sharýashylyǵy ónimderiniń qoljetimdiligin arttyrýǵa yqpal etedi.
Eske salsaq, budan buryn Astanada merekelik aýyl sharýashylyǵy jármeńkesi ótetinin habarlaǵanbyz.
