Elordada Astana Media Week medıa aptalyǵy bastaldy
20-22 qyrkúıek kúnderi elordada Astana Media Week-2023 ótedi. Jetinshi ret ótetin medıaaptalyqta Qazaqstan men shetelden kelgen medıaındýstrııanyń jetekshi sarapshylary jańa tendentsııalardy, ózgerister men etıkany talqylaıdy, dep habarlaıdy QazAqparat tilshisi.
Óz quttyqtaýynda Mádenıet jáne aqparat mınıstri Aıda Balaeva Astana media week elimizdiń ǵana emes, jalpy medıa keńistiginde mańyzy zor dástúrli sharaǵa aınalǵanyn atap ótti.
«Bul jıynǵa jyl saıyn sheteldik bedeldi tulǵalar, bedeldi sarapshylar men bilikti medıa mamandary arnaıy qatysýy osynyń aıǵaǵy dep bilemin. Memleket buqaralyq aqparat quraly salasyndaǵy zańnamany jetildirýge erekshe kóńil bólip otyr. Sonymen qatar, bıyl memlekettik aqparattyq saıasatty júzege asyrýdyń negizgi baǵdaryn aıqyndaıtyn tujyrymdamalyq qujat – aqparattyq doktrına qabyldandy. Medıa salasy qoǵamdyq ómirdiń barlyq salalaryna áser etetini belgili. Salada úzdiksiz transformatsııa men tsıfrlandyrý, jańa platformalar, kommýnıkatsııa quraldary men habarlamalardy berý ádisteri jańarytp otyrady. Bul BAQ-ty jańashyldyqqa beıimdeýge, únemi damyp, jańǵyryp otyrýǵa jeteleıtini anyq», - dedi Mádenıet jáne aqparat mınıstri aptalyqtyń ashylý saltanatyna jibergen beınequttyqtaýynda.
A. Balaeva Astana media week-tiń otandyq medıaındýstrııany damytýǵa ıgi áserin joǵary baǵalady. Sonymen birge, jyldam ózgerip, qarqyndy damyp kele jatqan aqparattyq álemde dástúrli BAQ-tyń máselelerin sheteldik sarapshylarmen birge talqylaıtyn biregeı alańǵa aınalǵanyn erekshe aıtyp ótti.
Medıaaptalyqqa ulttyq vedomstvolar men telearnalardyń basshylary, Túrkııa, Koreıa, Əzerbaıjan, Qyrǵyzstan, Ózbekstan jəne Reseıden arnaıy shaqyrylǵan tanymal jýrnalıster men prodıýserler qatysýda.
Astana Media Week-2023 aıasynda tsıfrlyq saýat, derekterdi qorǵaý, əleýmettik jelilerdegi etıka taqyryptary qaralady. Sarapshylar buqaralyq aqparat quraldaryndaǵy medıaólshemder men jarnama taqyrybyn, jalǵan aqparatty taratýǵa jəne jarnamadaǵy manıpýlıatsııalarǵa qatysty məselelerdi talqylaıdy. Sondaı-aq, medıa jumysyn uıymdastyrý joldary, jańa medıa erkindigindegi tepe-teńdikti izdeý, QR medıa zańnamasynda blogsferany retteý, aqparattyq keńistiktegi etıka men jaýapkershilik, jalǵan aqparatqa qarsy turý máseleleri qaralmaq.
Medıaaptalyq qatysýshylaryna jyl saıynǵy kontent-market kórmesi usynylady, onda ədettegideı prodakshn kompanııalar men telearnalardyń ókilderi qatysady. Ashyq jəne jabyq pıtchıngter kontent meıkerlerge jetekshi BAQ pen korporatsııalardyń basshylaryna ózderiniń jańa ónimderin usynýǵa múmkindik beredi. Sharaǵa alǵash ret təýelsiz podkastar men dıdjatal-kontent avtorlary qatysady.
AMW-2023 birinshi kúni «Synı turǵydan oılaý: nege biz endi kórgenimizge, estigenimizge jáne oqyǵanymyzǵa senbeımiz?» atty Media Talks konferentsııasymen aıaqtalady. Konferentsııa barysynda haıp, klıkbeıt jəne feıkter, tsıfrlyq ortadaǵy jýrnalısterdiń jańa etıkasy men kəsibı minez-qulqy talqylanady.
Medıaaptalyqtyń ekinshi kúni ıÝlııa ıÝka Kravchenkonyń «Alternatıvnaıa realnost» atty dıdjıtal-kórmesi ashylady. Onda jasandy ıntellektini paıdalanyp, Qazaqstannyń bolashaǵyna boljam jasalady. Sonymen qatar medıaortalyqtyń basty zalynda «Óńirlik BAQ forýmy» óz jumysyn bastaıdy, onda jergilikti BAQ-tyń ózara is-qımyly jəne olardyń jahandyq kún tərtibin qalyptastyrýdaǵy əleýeti qaralady. Al Mediaquiz ınteraktıvti sharasy sala qyzmetkerleri úshin beıresmı netvorkıngke aınalady, onda qatysýshylar óz bilimin, kreatıvtiligi men analıtıkalyq daǵdylaryn tekseredi jəne uıymdastyrýshylar syılyǵyn jeńip ala alady.
Aptalyqtyń sońǵy kúni baspasóz hatshylaryna arnalǵan saladaǵy kadrlyq áleýetti arttyrýǵa jáne damytýǵa baǵyttalǵan semınarlar serııasy ótedi. Oǵan qosa, medıaaptalyq qorytyndysy retinde baspasóz, radıo, ınternet-jýrnalıstıka salasyndaǵy «Úrker-2023» ulttyq syılyǵynyń jeńimpazdaryn saltanatty marapattaý sharasy ótedi.
