Janna Asanova

Janna Asanovaǵa qatysty jańalyqtar, suhbattar, pikirler jáne saraptamalyq materıaldar jınaǵy. Densaýlyq saqtaý, quqyq qorǵaý júıesi, saılaý úderisi, sybaılas jemqorlyqqa qarsy is-qımyl jáne qoǵamdyq qaýipsizdik máselelerine qatysty qyzmeti men bastamalary týraly aqparatty oqyńyz. Janna Beısentaıqyzy Asanova 1975 jylǵy 1 jeltoqsanda Almaty oblysynyń Shelek aýdanynda dúnıege kelgen. S.D. Asfendııarov atyndaǵy Almaty memlekettik medıtsına ýnıversıtetin pedıatr dáriger, Qazaq ulttyq agrarlyq ýnıversıtetin zańger-ekonomıst mamandyqtary boıynsha támamdaǵan. Eńbek jolynda medıtsına, farmatsevtıka, kóshi-qon salasy jáne Almaty qalasynyń ákimdik qurylymdarynda qyzmet atqarǵan. «Atameken» ulttyq kásipkerler palatasynyń Túrksib aýdandyq fılıalyn basqarǵan, «Almaty damý ortalyǵy» AQ basqarma tóraǵasynyń orynbasary ári Open Almaty qoǵamdyq qabyldaý bóliminiń jetekshisi bolǵan. 2019–2022 jyldary «EcoAlmaty» JShS dırektory qyzmetin atqarǵan. 2023 jyly Almaty qalasynan Qazaqstan Respýblıkasy Parlamenti Senatynyń depýtaty bolyp saılanyp, konstıtýtsııalyq zańnama, sot júıesi jáne quqyq qorǵaý organdary máselelerimen aınalysqan.